វៀតណាម (បាឌិន-កម្ពុជាក្រោម)

ជួបជុំគ្នានៅក្រុមហ៊ុនទេសចរណ៍ ស្តាយ ឃីង ធ្វើដំណើរទៅកាន់ព្រំដែនបាវិត ទទួលទានអាហារពេលព្រឹក នៅ ទីរួមខេត្តស្វាយរៀង បន្តដំណើររហូតដល់ព្រំដែនដោយមានការស្វាគមន៍យ៉ាងកក់ក្តៅពីមគ្គុទេសគ៌ដ៍ ប៉ិនប្រសព្វ រួចបន្តដំណើរទៅកាន់ខេត្តតៃនិញ ជូនទស្សនា ភ្នំបាដិន ដោយជិះកន្ត្រកខ្សែកាបឡើងទៅលើ កំពូលភ្នំដែលមានកំពស់ ៩៨៦ ម៉ែត្រ។ ពិសារអាហារថ្ងៃត្រង់ជាលក្ខណៈប៊ូហ្វេថ្ងៃត្រង់ ជាមួយអាហារដ៏ សម្បូរបែប បន្តជូនទស្សនា រ៉ូងភ្នំថាន់ឡុង និងរូបសំណាកព្រះម៉ែ គួនអ៊ុមដ៏ធំនៅលើកំពូលភ្នំបន្តដំណើរទៅ កាន់ខេត្ត ឃ្លាំង ពិសារអាហារពេលល្ងាច រួចជូនតោសម្រាកនៅសណ្ឋាគារ។

ពិសារអាហារពេលព្រឹករួច ធ្វើដំណើរទៅទស្សនា និងទិញទំនិញនៅផ្សារស្ថិតនៅតាមដងទន្លេមេគង្គ (រួមបញ្ចូលជាមួយសំបុត្រជិះទូក)។ រួចបន្តដំណើរទៅកាន់ខេត្តព្រះត្រពាំង (កម្ពុជាក្រោម) នៅតាមដងផ្លូវធ្វើដំណើរឆ្លងកាត់ទីក្រុងមៃថូ ខេត្ត គៀនយ៉ាង និង ឃ្លាំងព្រែកឬស្សី ពិសារអាហារថ្ងៃត្រង់រួច ជូនទស្សនា ដើមឈើបុរាណដែលមានអាយុកាលយូឆ្នាំមកហើយ បន្តទស្សនា វត្ត អង្គ និង វត្តហាង ដែលជាវត្តខ្មែរស្ថិតនៅក្នុងខេត្តព្រះត្រពាំង (កម្ពុជាក្រោម) ។ ពិសារអាហារពេលល្ងាច យ៉ាងមានរសជាតិជាមួយការប្រគុំតន្ត្រីបែបប្រពៃណីរបស់បងប្អូនខ្មែរកម្ពុជាក្រោម យ៉ាងសប្បាយរីករាយ រួចជូនសម្រាកនៅសណ្ឋាគារ ។

ពិសារអាហារពេលព្រឹករួច ធ្វើដំណើរទៅកាន់វត្តកំពង់ជ្រៃ ដែលជាវត្តខ្មែរនៅកម្ពុជាក្រោម។ ពិសារអាហារ ថ្ងៃត្រង់ តាមផ្លូវធ្វើដំណើរទៅកាន់ច្រកព្រំដែនមានលក់ម្ហូបប្រពៃណីវៀតណាម (បាញ់កាញ់/បាញ់ត្រាង) ជាច្រើនប្រភេទ។ រួចបន្តដំណើរមកកាន់ច្រកព្រំដែនអន្តរជាតិដើម្បីឆ្លងដែនត្រលប់មកទីក្រុងភ្នំពេញវិញជាមួយ អនុស្សាវរីយ៍ មិនអាចបំភ្លេចបាន។