សាប៉ា-ហាណូយ-ហាឡុង ឆ្លងឆ្នាំរដូវធ្លាក់ព្រិល

ពេលរសៀលជួបជុំគ្នានៅប្រលានយន្តហោះអន្តរជាតិភ្នំពេញ ដើម្បីធ្វើការហោះហើរទៅកាន់​ ទីក្រុងហាណូយ និងពេលទៅដល់ភ្ងៀវទាំងអស់និងទទួលបានការស្វាគមន៍យ៉ាងកក់ក្ដៅពីមគ្គុទេសក៍ទេសចរណ៍ ទទួលទានអាហារពេលល្ងាច  ជូនសម្រាកនៅសណ្ឋាគារនៃទីក្រុងហាណូយ ។

ទទួលទានអាហារពេលព្រឹករួច ធ្វើដំណើរទៅកាន់ទីក្រុងហាឡុង ហើយបន្ដជូនទៅ ជិះទូកឯកជនគយគន់ទេសភាពដ៏ស្រស់ត្រកាលនៃឈូង សមុទ្រ ហាឡុងបេ ដែលជាប់ជាសម្បត្តិបេតិកភណ្ឌធម្មជាតិរបស់ភិពលោក ដែលមានខ្យល់អាកាសបរិសុទ្ធ និង អមទៅដោយកោះតូចៗជាងមួយពាន់កោះដែលមាន   រូបរាងខុសប្លែកពីគា្ន។ ជាពិសេស រូងភ្នំដាវហ្គូ (រូងភ្នំឋានសួគ៌ជាមួយនិងទេសភាពប្លែកៗ)។ រីករាយជាមួយការពិសារអាហារពេលថ្ងៃត្រង់នៅលើទូកយ៉ាងឆ្ងាញ់ពិសារ និងកម្សាន្តឆ្នេរសមុទ្រហាឡុង។ ធ្វើដំណើរត្រលប់មកកាន់ទីក្រុងហាណូយវិញ ដោយជូនលោកអ្នកទៅទស្សនា កន្លែងតម្កល់សពលោកហូជីមិញ និង បឹងព្រះខន័ ពិសារអាហារពេលល្ងាចរួចជូនទៅសម្រាកនៅសណ្ឋាគារក្នុងទីក្រុងហាណូយ។

ទទួលទានអាហារពេលព្រឹករួច ធ្វើដំណើរទៅកាន់ទីក្រុងសាប៉ា ដែលស្ថិតនៅភាគខាងជើងនៃប្រទេស        វៀតណាម ដែលមាន អាកាសធាតុត្រជាក់ ទេសភាពព្រៃភ្នំធម្មជាតិស្រស់ស្អាត។ ពិសារអាហារថ្ងៃត្រង់រួច  ជូនទស្សនា ស្ពានកញ្ចក់ដែលមាន កំពស់ខ្ពស់ជាង​ ២០០០​ម៉ែត្រ ស្តិតតាមនៅជ្រលងភ្នំតំបន់សាប៉ា  លោកអ្នកអាចកម្សាន្តជាមួយទេសភាពដ៏ស្រស់ស្អាត និងថតរូបអនុស្សាវរីយ៍ ដើរកម្សាន្តនៅលើស្ពាននេះផងដែរ ធ្វើដំណើរត្រលប់មកកាន់ទីក្រុងសាប៉ាវិញ ពិសារអាហារពេលល្ងាច រួចជូនសម្រាកនៅសណ្ឋាគារ ។

ទទួលទានអាហារពេលព្រឹករួច ជូនទៅស្ថានីយរថភ្លើង PLAZA Station (រួមបញ្ចូលសំបុត្រ)រីករាយជាមួយការជិះរថភ្លើងក្រហាមពីជើងភ្នំដែលមានទេសភាពស្រស់ស្អាតដូចទៅនឹងប្រទេសស្វីសទៅកាន់តំបន់ទេសចរណ៍ ដ៏ល្បីប្រចាំតំបន់ គឺ​ ភ្នំ ហ្វាន់ស៊ីផាន់  ហើយបន្ដជិះកន្ត្រកខ្សែកាបដើមី្បទៅដល់កំពូលភ្នំដែលមានកំពស់ជាង 3,143 ម៉ែត្រពីនីវ៉ូទឹកសមុទ្រ ជាមួយនិងអាកាសធាតុស្រស់ស្រាយ ហើយលោកអ្នកអាចគយគន់ទស្សនាទេសភាពតាមជ្រលងភ្នំ វាលស្រែ ពណ៌លឿងនៅតាមជ្រលភ្នំ និងបន្តទស្សនា រូបបដិមារករដ៏ធំនៅលើកំពូលភ្នំផងដែរ  បន្ទាប់មក ជូនទស្សនា សួនម៉ូអាណា ដែលមានទេសភាពស្រស់ស្អាតស្ថិតនៅតាមជ្រលងភ្នំ  ពិសារអាហារពេលល្ងាច រួច ជូនសម្រាកនៅសណ្ឋាគារ។

ទទួលទានអាហារពេលព្រឹករួច ធ្វើដំណើរត្រលប់មកកាន់ ទីក្រុងហាណូយវិញ ។ ជូនទៅទទួលទានអាហារថ្ងៃត្រង់រួច ជូនដើរផ្សារទិញទំនិញដោយសេរី បន្តដំណើរទៅកាន់ប្រលានយន្តហោះអន្តរជាតិទីក្រុងហាណូយ ដើម្បីហោះហើរត្រលប់មក ប្រទេសកម្ពុជាវិញ ប្រកបដោយ     សុវតិ្តភាព និងភាពរីករាយមិនអាចបំភ្លេចបាន ៕