វៀតណាម ( ហូជីមិញ -​ ដាណាង - ហួយអាន)

ម៉ោង4 ព្រឹកជួបជុំគ្នានៅក្រុមហ៊ុនទេសចរណ៍ ស្កាយឃីង ធ្វើដំណើរទៅកាន់ព្រំដែន បាវិត  ។ មានការស្វាគមន៍ពីមគ្គុទេសក៍ ខាងវៀតណាមយ៉ាងកក់ក្តៅ រួចបន្តធ្វើដំណើរទៅកាន់ទីក្រុងហូជីមីញ។ ពិសាអាហារថ្ងៃត្រង់រួច បន្តដំណើរតាមយន្តហោះទៅកាន់ ទីក្រុងដាណាង ដែលជាទីក្រុងស្ថិតនៅ វៀតណាមភូមិភាគកណ្ដាល ជូនទៅទទួលទានអាហារពេលពេលល្ងាច រួចជូនទៅសម្រាកនៅសណ្ឋាគារ។

ទទួលទានអាហារពេលព្រឹក រួចធ្វើដំណើរទៅទស្សនា ភ្នំបាណា  ដោយជិះកន្រ្តកខ្សែកាបឡើងលើកំពូលភ្នំដ៏ល្បីប្រចាំក្រុងដាណាង គឺ ភំ្នបាណា ដែលមានកំពស់ខ្ពស់ដល់ទៅ ១,៥០០ម៉ែត្រ និងមានអាកាសធាតុត្រជាក់ស្រស់ស្រាយ (រួមបញ្ចូលសំបុត្រ)។ រីករាយកម្សាន្តជាមួយ និងល្បែងកំសាន្តជាច្រើនប្រភេទនៅលើកំពូលភ្នំបន្តជូនទស្សនា ភូមិបារាំង និង អ៊ឺរ៉ុប ដែលមានអាគារ រចនាបថបែបបារាំង និងមើលថ្ងៃរៀបលិចនៅលើ ស្ពានបាតដៃមាស។ រីករាយជាមួយការទទួលទានអាហារប៊ូហ្វេថ្ងៃត្រង់ ជាលក្ខណៈអន្តរជាតិជាមួយនិងមុខម្ហូបច្រើនប្រភេទ ធ្វើដំណើរត្រឡប់ទៅក្នុងទីក្រុងដាណាងវិញ ពិសាអាហារពេលល្ងាច រួចជូនសម្រាកនៅសណ្ឋាគារ។

ទទួលទានអាហារពេលព្រឹក រួចធ្វើរដំណើរទៅទស្សនា វត្ត លីង អ៊ុង ដែលមានរូបសំណាក់ព្រះម៉ែគួនអ៊ីមយ៉ាងធំអស្ចារ្យនៅលើកំពូលភ្នំ រួចបន្ដជូនទៅថតរូបកំសាន្ដនៅ ស៊ុនត្រាម៉ារីណា ដែលមានការរៀបចំទេសភាពប្រៀបដូចទៅនឹងកោះសេនតូរីនី។ ពិសាអាហារថ្ងៃត្រង់ រួចជូនទៅទស្សនា ទីក្រុងហួយអាន ដែលជាទីក្រុងបុរាណជាប់ជាសម្បត្តិបេតិកភណ្ឌពិភពលោក ហើយលោកអ្នកក៏អាចទស្សនាទេសភាព សំណង់ភូមិបុរាណ អមជាមួយម៉ូតផ្ទះ ប្លែកៗ និងអស្ចារ្យជាច្រើន  (រួមបញ្ចូលសំបុត្រ) បន្តជូនជិះទូកល្អីបុរាណរបស់វៀតណាមអមជាមួយតន្រ្តីរាំលេងកម្សាន្តយ៉ាងសប្បាយរីករាយ​ (រួមបញ្ចូលសំបុត្រ) រួចធ្វើដំណើរត្រឡប់មកទីក្រុងដាណាងវិញ ពិសាអាហារពេលល្ងាចយ៉ាងមានរសជាតិ រួចជូនសម្រាកនៅសណ្ឋាគារ។

ទទួលទានអាហារពេលព្រឹករួច ជូនទៅព្រលានយន្តហោះទីក្រុងដាណាងដើម្បីធ្វើការហោះហើរមកកាន់ទីក្រុងហូជីមិញ។ ពិសាអាហារថ្ងៃត្រង់រួច បន្តធ្វើដំណើរតាមរថយន្តត្រឡប់មកកាន់ ទីក្រុងភ្នំពេញវិញប្រកប ដោយអារម្មណ៍ដិតជាប់ជានិច្ចរាល់អនុស្សារវីយ៍ទាំងឡាយ។