សហរដ្ឋអាមេរិក

ជួបជុំគ្នានៅព្រលានយន្តហោះអន្តរជាតិតេជោតាខ្មៅដើម្បីហោះហើរឆ្ពោះទៅកាន់ ទីក្រុងញូវយ៉ក នៃទឹកដីសហរដ្ឋអាមេរិច ពេលទៅដល់ជូនទៅពិសាអាហារពេលល្ងាច និងសម្រាកនៅសណ្ឋាគារ។

ពិសាអាហារពេលព្រឹករួច ធ្វើដំណើរកម្សាន្តតាមកប៉ាល់ឆ្ពោះទៅកាន់ កោះសេរីភាព ទស្សនានិងថតរូបអនុស្សាវរីយ៍ជាមួយរូបតំណាងសហរដ្ឋអាមេរិចប្រចាំរដ្ឋញូវយ៉កគឺ រូបសំណាកសេរីភាព ជាសំណង់ស្ថាបត្យកម្មល្អវិចិត្រ បន្តជូនទៅទស្សនាស្ពាន BROOKLYN BRIDGE ដ៏ល្បីល្បាញ ធ្វើដំណើរឆ្លងកាត់អាគារ អង្គការសហប្រជាជាតិ និង ទស្សនាអាគារខ្ពស់កប់ពពក EMPIRE STATE បន្ទាប់មកជូនដើរលេងកម្សាន្តនៅលើវីថី ថាមស្វែរ ដែលជាផ្លូវពាណិជ្ជកម្មដ៏ល្បីល្បាញ និង THE 5TH AVENUE លោកអ្នកអាចដើរថតរូបកម្សាន្តរហូតដល់ម៉ោងជូនទៅពិសាអាហារពេលល្ងាចនិងសម្រាកនៅសណ្ឋាគារ។

អាហារពេលព្រឹករួចធ្វើដំណើរទៅ ទីក្រុងហ្វីឡាដែលហ្វៀ - រដ្ឋផេនស៊ីលវេនៀរ ដែលជារដ្ឋធានីដំបូងបង្អស់និងធំជាងគេនៃសហរដ្ឋអាមេរិច រួចបន្តជូនទៅ ទស្សនានិងថតរូបអនុស្សារីយ៍នៅវិមានឯករាជ្យ នៅទីនោះមានតម្កល់នូវ រូបសំណាកជួងនៃ សេរីភាព ជាតំណាងអោយសំលេងប្រកាសនូវសេរីភាពនៃពលរដ្ឋអាមេរិច ពិសាអាហារពេលល្ងាចរួចធ្វើដំណើរឆ្ពោះទៅកាន់ ទីក្រុងវ៉ាស៊ីនតោន .ឌីស៊ី។

ថ្ងៃនេះជូនទស្សនាទិដ្ឋភាពនៅក្នុង ទីក្រុងវ៉ាស៊ីនតោន.ឌីស៊ី ដែលជារដ្ឋធានីរបស់សហរដ្ឋអាមេរិកនិងជាមជ្ឈមណ្ឌលនៃរដ្ឋាភិបាលអាមេរិក ជូនទស្សនានិងថតរូបកម្សាន្តពីខាងក្រៅ សេតវិមាន White House ដែលជាកន្លែងស្នាក់នៅនិងជាការិយាល័យធ្វើការរបស់ប្រធានាធិបតីក្នុងអាណត្តិគ្រប់រូប បន្តជូនទស្សនា វិមានកាពីតូល វិមានអនុស្សារីយ៍លោកលីងកុន និង លោកថូម៉ាស រួចបន្តជូនទៅទស្សនា សារមន្ទីរអវកាស និង សារមន្ទីរប្រវត្តិសាស្ត្រ អាហារពេលល្ងាចនិងសម្រាកនៅសណ្ឋាគារ។

ថ្ងៃនេះធ្វើដំណើរទៅកាន់អាកាសយានដ្ឋានដើម្បីត្រៀមហោះហើរទៅកាន់ទីក្រុងថ្មីមួយទៀតគឺ ទីក្រុងសាន់ហ្វ្រាន់ស៊ីស្កូ ដែលជាទីក្រុងសម្បូរបែបស្ថិតនៅភាគខាងជើងរដ្ឋកាលីហ្វ័រញ៉ា ផ្តល់នូវទិដ្ឋភាពដ៏អស្ចារ្យនៃមហាសមុទ្រប៉ាស៊ីហ្វិកនិងកន្លែងសម្គាល់សំខាន់ៗជាច្រើន ពេលទៅដល់ជូនទស្សនា ស្ពានក្រហមហ្គោលដិនហ្គេត ដែលជាប់ជាសំណង់អច្ឆរិយវត្ថុដ៏ល្បីល្បាញនៅលើពិភពលោកនិងជារូបតំណាងឲទីក្រុងសាន់ហ្វ្រាន់ស៊ីស្កូ បន្ទាប់មកជូនពិសាអាហារពេលល្ងាចនិងសម្រាកនៅសណ្ឋាគារ។

ពិសាអាហារពេលព្រឹកនៅសណ្ឋាគាររួចធ្វើដំណើរទៅ កំពង់ផែទេសចរណ៏ វីសឺមេន ដែលសំបូរទៅដោយអ្នកនេសាទអន្តោប្រវេសន៍ ទីនោះក៏ល្បីអំពី ក្តាមសមុទ្រស្រស់ៗ បង្កងយក្យ-ឡប់ស្ទ័រ អយស្ទ័រអាមេរិចផងដែរ រួចបន្តជូនទៅទស្សនានិងថតរូបអនុស្សារីយ៍នៅ វិមានវិចិត្រសិល្បៈ Palace of Fine Arts និង វិថីឡុំបាដ Lombard Street បន្ទាប់មក ជូនជិះកប៉ាល់គយគន់ទេសភាព ដ៏អស្ចារ្យនៃទីក្រុងសាន់ហ្វ្រាន់ស៊ីស្កូ បន្ទាប់មកជូនទៅដើរលេងកម្សាន្តនៅ ទីក្រុងចិន-China Town។

ពិសាអាហារពេលព្រឹករួចបន្ទាប់មកបន្តដំណើរកម្សាន្តទៅ ទីក្រុងថ្មីមួយទៀតគឺទីក្រុងឡាសវេហ្គាស ដែលជាទីក្រុងកាស៊ីណូល្បីឈ្មោះប្រចាំពិភពលោក និងជាកន្លែងកំសាន្តផ្នែកអារម្មណ៌នៃអភិជនទំនើប ពេលទៅដល់ពិសាអាហារថ្ងៃត្រង់រួចជូនទស្សនានិងថតរូបអនុស្សាវរីយ៍នៅកន្លែងសម្គាល់ប្រចាំទីក្រុងឡាសវេហ្គាស បន្ទាប់មកជូនទៅពិសាអាហារពេលល្ងាចនិងសម្រាកនៅសណ្ឋាគារ។

ថ្ងៃនេះធ្វើដំណើរទៅទស្សនាអច្ឆរិយៈធម្មជាតិដ៏ល្បីល្បាញនៃពិភពលោកគឺ ជ្រលងអន្លង់ Antelope Canyon ដែលមានទីតាំងស្ថិតនៅរដ្ឋអារីហ្សូណា បន្តគយគន់ទិដ្ឋភាពដ៏អស្ចារ្យដោយសុទ្ធសឹងជាផ្ទាំងថ្មភក់ពណ៌ក្រហមឆ្អាលមើលទៅដូចផ្ទាំងគំនូរដែលមានអាយុកាលរាប់លានឆ្នាំ និងស្វែងយល់អំពីវប្បធម៌របស់ប្រជាជនណាវ៉ាចូនៅទីនោះផងដែរ អាហារពេលល្ងាចរួចជូនទៅសម្រាកនៅសណ្ឋាគារ។

ពិសាអាហារពេលព្រឹកនៅសណ្ឋាគាររួច បន្ទាប់មកបន្តធ្វើដំណើរកម្សាន្តឆ្ពោះទៅកាន់ ទីក្រុងឡុងប៊ិច ពិសាអាហារពេលថ្ងៃត្រង់នៅ ប៉ាស្តូអោតឡែត រួចបន្តដំណើរទៅដល់ ទីក្រុងឡុងប៊ិច ដែលជាទីក្រុងសំបូរជនជាតិអាស៊ីប្រកបអាជីវកម្មនៅទីនោះរួមមានជនជាតិខ្មែរផងដែរ ជូនពិសាអាហារពេលល្ងាចរួចបន្តធ្វើដំណើរឆ្ពោះទីកាន់ ទីក្រុងឡូសអេនជឺ ឡេស ដែលជាមជ្ឈមណ្ឌលនៃឧស្សាហកម្មភាពយន្តហូលីវូដដែលធំជាងគេលើពិភពលោក ពេលទៅដល់ជូនទៅសម្រាកនៅសណ្ឋាគារ។

អាហារពេលព្រឹករួចជូនទៅ កន្លែងកម្សាន្តដ៏ល្បីឈ្មោះប្រចាំទីក្រុងអិលអេគឺ យូនីវើសសល ស្ទីឌីយ៉ោ ហូលីវូត ដោយមានការសំដែងអំពីបច្ចេកទេសថតខ្សែរភាពយន្តរបស់ក្រុមហ៊ុនហូលីវូត ស្តែងៗ ក្រៅពីនោះអាចដើរទស្សនារូបតារាភាពយន្តល្បីៗ រួមទាំងគំនូរជីវចល និងនិមិត្តរូបតួអង្គក្នុងរឿងសំខាន់ៗជាច្រើន (អាហារថ្ងៃត្រង់ដោយចំណាយផ្ទាល់ខ្លួន) អាហារពេលល្ងាចរួចជូនទៅសម្រាកនៅសណ្ឋាគារ

ពិសាអាហារពេលព្រឹករួចបន្ទាប់មកជូនទៅដើរលេងនិងថតរូបកម្សាន្តលើ វិថីតារាហូលីហ្វូត ដែលមានឆ្លាក់ឈ្មោះតារាល្បីៗ លោកអ្នកអាចដើរថតរូបជាមួយ អាយដលតារាហូលីវូតដោយសេរី (តែត្រូវចាយធីបដោយខ្លួនឯង) រួចបន្តជូនទៅ ទស្សនារោងមហោស្រពចិន, សាលប្រគល់ពានរង្វាន់អូស្កា, កំពង់ផែសាន់តាមូនីកា រួចបន្តជូនដើរកម្សាន្តនិងទស្សនាហាងទំនិញម៉ាកអាមេរិចល្បីៗជាច្រើនប្រភេទ ដោយទុកពេលជូនលោកអ្នកដើរទិញទំនិញដោយសេរីរហូតដល់ម៉ោងធ្វើដំណើរទៅកាន់ព្រលានយន្តហោះដើម្បីត្រៀមហោះត្រលប់មកទីក្រុងភ្នំពេញវិញដោយសុខសុវត្ថិភាពនិងភាពសប្បាយរីករាយ។

អាហារនិងសំរាកនៅលើយន្តហោះរហូតដល់ការចុះចតដោយសុវត្តិភាពនៅព្រលានតាខ្មៅវិញប្រកបដោយភាពរីករាយនិងការចងចាំមិនអាចបំភ្លេចបានជាមួយក្រុមហ៊ុនទេសចរណ៌ស្កាយឃីង ។

អាហារនិងសំរាកនៅលើយន្តហោះរហូតដល់ការចុះចតដោយសុវត្តិភាពនៅព្រលានតាខ្មៅវិញប្រកបដោយភាពរីករាយនិងការចងចាំមិនអាចបំភ្លេចបានជាមួយក្រុមហ៊ុនទេសចរណ៌ស្កាយឃីង ។