សហរដ្ឋអាមេរិក - ទឹកជ្រោះកាណាដា

ជួបជុំគ្នានៅព្រលានយន្តហោះអន្តរជាតិភ្នំពេញដើម្បីហោះហើរឆ្ពោះទៅកាន់ ទីក្រុងញូវយ៉ក នៃទឹកដីសហរដ្ឋអាមេរិច ពេលទៅដល់ជូនទៅទទួលទានអាហារពេលល្ងាច និងសម្រាកនៅសណ្ឋាគារ​ ។

ពិសាអាហារពេលព្រឹករួច ធ្វើដំណើរកម្សាន្តតាមកប៉ាល់ឆ្ពោះទៅកាន់​ កោះសេរីភាព  ​ ទស្សនានិងថតរូបអនុស្សាវរីយ៍ជាមួយរូបតំណាងសហរដ្ឋអាមេរិចប្រចាំរដ្ឋញូវយ៉កគឺ រូបសំណាកសេរីភាព ​​ជាសំណង់ស្ថាបត្យកម្មល្អវិចិត្រ បន្តជូនទៅទស្សនាស្ពាន BROOKLYN BRIDGE ដ៏ល្បីល្បាញ ធ្វើដំណើរឆ្លងកាត់អាគារ អង្គការសហប្រជាជាតិ  និង  ទស្សនាអាគារខ្ពស់កប់ពពក empire State បន្ទាប់មកជូនដើរលេងកម្សាន្តនៅលើវីថី ថាមស្វែរ ដែលជាផ្លូវពាណិជ្ជកម្មដ៏ល្បីល្បាញ ធ្វើដំណើរជូនទៅពិសាអាហារពេលល្ងាចរួចជូនទៅសម្រាកនៅសណ្ឋាគារវិញ ។

អាហារពេលព្រឹករួចធ្វើដំណើរទៅទីក្រុងភីឡាឌីព្យា ​- រដ្ឋផេនស៊ីលវេនៀរ ដែលជារដ្ឋធានីដំបូងបង្អស់និងធំជាងគេនៃសហរដ្ឋអាមេរិច រួច​បន្តជូនទៅទស្សនានិងថតរូបអនុស្សារីយ៍នៅវិមានឯករាជ្យ ​ នៅទីនោះមានតម្កល់នូវរូបសំណាកជួងនៃសេរីភាព ជាតំណាងអោយសំលេងប្រកាសនូវសេរីភាពនៃពលរដ្ឋអាមេរិច ពិសាអាហារពេលល្ងាចរួចធ្វើដំណើរឆ្ពោះទៅកាន់ទីក្រុងវ៉ាស៊ីនតោន​ .ឌីស៊ី ។

អាហារពេលព្រឹករួចជូនទស្សនាទិដ្ឋភាពនៅក្នុង ទីក្រុងវ៉ាស៊ីនតោន.ឌីស៊ី ដែលជារដ្ឋធានីរបស់សហរដ្ឋអាមេរិកនិងជាមជ្ឈមណ្ឌលនៃរដ្ឋាភិបាលអាមេរិក ជូនទស្សនានិងថតរូបកម្សាន្តពីខាងក្រៅ សេតវិមាន White House  ដែលជាកន្លែងស្នាក់នៅនិងជាការិយាល័យធ្វើការរបស់ប្រធានាធិបតីក្នុងអាណត្តិគ្រប់រូប បន្តជូនទស្សនា វិមានកាពីតូល វិមានអនុស្សារីយ៍លោកលីងកុន​ និង លោកថូម៉ាស។

ពិសាអាហារពេលព្រឹករួចធ្វើដំណើរទៅកាន់ព្រំដែនរវាងប្រទេសកាណាដា និងសហរដ្ឋអាមេរិច នៅតាមផ្លូវ​ជូនទស្សនានិងថតរូបអនុស្សារីយ៍នៅ សាលប្រជុំបាហ្វាឡូ ដែលជាអគារប្រវត្តិសាស្រ្តដ៏កម្រ រួចបន្តជូនទៅពិសាអាហារពេលល្ងាចរួចជូនសម្រាកនៅសណ្ឋាគារ។

ពិសាអាហារពេលព្រឹករួចធ្វើដំណើរកម្សាន្តទៅទស្សនាទិដ្ឋភាពដ៏អស្ចារ្យនៃទឹកធ្លាក់ណាការ៉ា  ដែលស្ថិតនៅព្រំដែនរវាងខេត្តអនតារ៉ូក្នុងប្រទេសកាណាដា និងរដ្ឋញ៉ូយកក្នុងសហរដ្ឋអាមេរិច   បន្ទាប់មកបន្តដំណើរកម្សាន្តទៅទីក្រុងថ្មីមួយទៀតគឺទីក្រុងឡាសវេហ្គាស ដែលជាទីក្រុងកាស៊ីណូល្បីឈ្មោះប្រចាំពិភពលោក និងជាកន្លែងកំសាន្តផ្នែកអារម្មណ៌នៃអភិជនទំនើប។

ពិសាអាហារពេលព្រឹករួច ជូនទៅទស្សនាទិដ្ឋភាពធម្មជាតិដ៏អស្ចារ្យនៃឧទ្យានជាតិ - ហ្គ្រេនខេនយ៉នល្បីល្បាញពេញពិភពលោក ដោយសុទ្ធសឹងជាផ្ទាំងថ្មដុះដោយធម្មជាតិមានអាយុកាលរាប់លានឆ្នាំ លោកអ្នកក៏អាចទស្សនាទេសភាពដ៏អស្ចារ្យនៃ Grand Canyon និងថតរូបលេងកម្សាន្តនៅលើ ស្ពានកញ្ចក់ ដែលមានកម្ពស់ជាង 1,200 ម៉ែត្រពីផ្ទៃដីខាង ក្រោម បន្ទាប់មកធ្វើដំណើរត្រលប់ទៅទីក្រុងឡាសវេហ្គាសវិញ ពិសាអាហារពេលល្ងាចរួចជូនទៅសម្រាកនៅសណ្ឋាគារ។

ពិសាអាហារពេលព្រឹករួចបន្ទាប់មកបន្តដំណើរកម្សាន្តឆ្ពោះទៅកាន់ ទីក្រុងឡុងប៊ិច ​ ពិសាអាហារពេលថ្ងៃត្រង់នៅ ប៉ាស្តូអោតឡែត រួចបន្តដំណើរទៅដល់ ទីក្រុងឡុងប៊ិច ដែលជាទីក្រុងសំបូរជនជាតិអាស៊ីប្រកបអាជីវកម្មនៅទីនោះរួមមានជនជាតិខ្មែរផងដែរ រួចបន្តធ្វើដំណើរឆ្ពោះទីកាន់ ​​ទីក្រុងឡូសអេនជឺ ឡេស ដែលជាមជ្ឈមណ្ឌលនៃឧស្សាហកម្មភាពយន្តហូលីវូដដែលធំជាងគេលើពិភពលោក។

អាហារពេលព្រឹករួចជូនទៅទស្សនា វិថីតារាហូលីហ្វូត ដែលមានឆ្លាក់ឈ្មោះតារាល្បីៗ លោកអ្នកអាចដើរថតរូបជាមួយ អាយដលតារាហូលីវូតដោយសេរី (តែត្រូវចាយធីបដោយខ្លួនឯង) រួចបន្តជូនទៅទស្សនារោងមហោស្រពចិន និងសាលប្រគល់ពានរង្វាន់អូស្កា បន្តជូនទៅកន្លែងកម្សាន្តដ៏ល្បីឈ្មោះប្រចាំទីក្រុងអិលអេគឺ យូនីវើសសល ស្ទីឌីយ៉ោ ហូលីវូត ដោយមានការសំដែងអំពីបច្ចេកទេសថតខ្សែរភាពយន្តរបស់ក្រុមហ៊ុនហូលីវូត ស្តែងៗ   ក្រៅពីនោះអាចដើរ​ទស្សនារូបតារាភាពយន្តល្បីៗ  រួមទាំងគំនូរជីវចល  និងនិមិត្តរូបតួអង្គក្នុងរឿងសំខាន់ៗជាច្រើន ​(អាហារថ្ងៃត្រង់ដោយចំណាយផ្ទាល់ខ្លួន) ។

ថ្ងៃនេះធ្វើដំណើរទៅតាមរថយន្តពីទីក្រុងឡូសអេនជឺឡេសទៅកាន់ទីក្រុងថ្មីមួយទៀតឈ្មោះទីក្រុងសាន់ហ្វ្រាន់ស៊ីស្កូ  តាមផ្លូវគយគន់ផ្លូវហាយវេរនិងទស្សនាខ្លះៗអំពីជីវភាពរស់នៅប្រជាជនសហរដ្ឋអាមេរិច និងនាំទៅផ្សារដើរទិញទំនិញដោយសេរី (អាហារថ្ងៃត្រង់ចំណាយផ្ទាល់ខ្លួនក្នុងអៅលេតតែម្តង)

ថ្ងៃនេះធ្វើដំណើរជូនទៅទស្សនា ស្ពានក្រហមហ្គោលដិនហ្គេត ដែលជាប់ជាសំណង់អច្ឆរិយវត្ថុដ៏ល្បីល្បាញនៅលើពិភពលោកនិងជារូបតំណាងឲទីក្រុងសាន់ហ្វ្រាន់ស៊ីស្កូ មកដល់បច្ចុប្បន្នមានអាយុ កាល ជិត 100ឆ្នាំ បន្ទាប់មកលោកអ្នកមានពេលវេលាដើរកម្សាន្តដោយសេរីខ្លួនឯងរហូតដល់ម៉ោងធ្វើដំណើរទៅកាន់ព្រលានយន្តហោះ ដើម្បីត្រៀមត្រលប់មកទីក្រុងភ្នំពេញវិញ (សំរាកនៅលើយន្តហោះ)

អាហារនិងសំរាកនៅលើយន្តហោះរហូតដល់ការចុះចតដោយសុវត្តិភាពនៅទីក្រុងភ្នំពេញវិញប្រកបដោយភាពរីករាយនិងការចងចាំមិនអាចបំភ្លេចបានជាមួយក្រុមហ៊ុនទេសចរណ៌ស្កាយឃីង ។