សហរដ្ឋអាមេរិក (រួមបញ្ចូលសំបុត្រឧទ្ធម្ភាគចក្រ)

ជួបជុំគ្នានៅព្រលានយន្តហោះអន្តរជាតិតេជោតាខ្មៅ ​​​​​​ដើម្បីរង់ចាំការហោះហើរឆ្ពោះទៅកាន់ ទីក្រុងឡូសអេនជឺឡេស នៃទឹកដីសហរដ្ឋអាមេរិច ពេលទៅដល់ជូនពិសាអាហារពេលល្ងាច និងសម្រាកនៅសណ្ឋាគារ។

ពិសាអាហារពេលព្រឹករួចធ្វើដំណើរឆ្ពោះទៅកាន់ ទីក្រុងឡាសវេហ្គាស ដែលជាទីក្រុងកាស៊ីណូល្បីឈ្មោះប្រចាំពិភពលោកនិងជាកន្លែងកំសាន្តផ្នែកអារម្មណ៌នៃអភិជនទំនើប រួចបន្តដំណើរឆ្ពោះទៅទីក្រុងចច នៃរដ្ឋយូថាហ៍ ពេលទៅដល់ជូនពិសាអាហារពេលល្ងាចនិងបន្តជូនទៅសម្រាកនៅសណ្ឋាគារ​។

ពិសាអាហារពេលព្រឹករួច ធ្វើដំណើរទៅទស្សនាអច្ឆរិយៈធម្មជាតិដ៏ល្បីល្បាញនៃពិភពលោកគឺ ជ្រលងអន្លង់ Antelope Canyon ដែលមានទីតាំងស្ថិតនៅរដ្ឋអារីហ្សូណា បន្តគយគន់ទិដ្ឋភាពដ៏អស្ចារ្យដោយសុទ្ធសឹងជាផ្ទាំងថ្មភក់ពណ៌ក្រហមឆ្អាលមើលទៅដូចផ្ទាំងគំនូរដែលមានអាយុកាលរាប់លានឆ្នាំ​ និងស្វែងយល់អំពី​វប្បធម៌​របស់​ប្រជាជនណាវ៉ាចូនៅទីនោះផងដែរ ពិសាអាហារពេលល្ងាចរួចជូនទៅសម្រាកនៅសណ្ឋាគារ។

ពិសាអាហារពេលព្រឹករួចជូនទៅ ជិះឧទ្ធម្ភាគចក្រ (Helicopter) ទស្សនាទិដ្ឋភាពធម្មជាតិដ៏អស្ចារ្យនៃឧទ្យានជាតិ - ហ្គ្រេនខេនយ៉នល្បីល្បាញពេញពិភពលោក ដោយសុទ្ធសឹងជាផ្ទាំងថ្មដុះដោយធម្មជាតិមានអាយុកាលរាប់លានឆ្នាំ លោកអ្នកក៏អាចទស្សនាទេសភាពដ៏អស្ចារ្យនៃ Grand Canyon និងថតរូបលេងកម្សាន្តនៅលើ ស្ពានកញ្ចក់ ដែលមានកម្ពស់ជាង 1,200 ម៉ែត្រពីផ្ទៃដីខាងក្រោម បន្ទាប់មកធ្វើដំណើរត្រលប់ទៅទីក្រុងឡាសវេហ្គាសវិញ ពិសាអាហារពេលល្ងាចរួចជូនទៅសម្រាកនៅសណ្ឋាគារ។

ពិសាអាហារពេលព្រឹករួចបន្ទាប់មកបន្តដំណើរកម្សាន្តឆ្ពោះទៅកាន់ ទីក្រុងឡុងប៊ិច ​ ពិសាអាហារពេលថ្ងៃត្រង់នៅ ប៉ាស្តូអោតឡែត រួចបន្តដំណើរទៅដល់ ទីក្រុងឡុងប៊ិច ដែលជាទីក្រុងសំបូរជនជាតិអាស៊ីប្រកបអាជីវកម្មនៅទីនោះរួមមានជនជាតិខ្មែរផងដែរ ពិសាអាហារពេលល្ងាចរួចធ្វើដំណើរឆ្ពោះទីកាន់ ​​ទីក្រុងឡូសអេនជឺ ឡេស ដែលជាមជ្ឈមណ្ឌលនៃឧស្សាហកម្មភាពយន្តហូលីវូដដែលធំជាងគេលើពិភពលោក។

ពិសាអាហារពេលព្រឹករួចជូនទៅទស្សនា វិថីតារាហូលីហ្វូត ដែលមានឆ្លាក់ឈ្មោះតារាល្បីៗ លោកអ្នកអាចដើរថតរូបជាមួយ អាយដលតារាហូលីវូតដោយសេរី (តែត្រូវចាយធីបដោយខ្លួនឯង) រួចបន្តជូនទៅទស្សនារោងមហោស្រពចិន និងសាលប្រគល់ពានរង្វាន់អូស្កា (អាហារថ្ងៃត្រង់ដោយចំណាយផ្ទាល់ខ្លួន) បន្តជូនទៅកន្លែងកម្សាន្តដ៏ល្បីឈ្មោះប្រចាំទីក្រុងអិលអេគឺ យូនីវើសសល ស្ទីឌីយ៉ោ ហូលីវូត ដោយមានការសំដែងអំពីបច្ចេកទេសថតខ្សែរភាពយន្តរបស់ក្រុមហ៊ុនហូលីវូត ស្តែងៗ   ក្រៅពីនោះអាចដើរ​ទស្សនារូបតារាភាពយន្តល្បីៗ  រួមទាំងគំនូរជីវចល  និងនិមិត្តរូបតួអង្គក្នុងរឿងសំខាន់ៗជាច្រើន ​​​ ពិសាអាហារពេលល្ងាចរួចធ្វើដំណើរទៅកាន់ព្រលានយន្តហោះ ដើម្បីត្រៀមហោះត្រលប់មកទីក្រុងភ្នំពេញវិញដោយសុខសុវត្ថិភាព។

ពិសាអាហារនិងសំរាកនៅលើយន្តហោះរហូតដល់ការចុះចតដោយសុខសុវត្តិភាព។

អាហារនិងសំរាកនៅលើយន្តហោះរហូតដល់ការចុះចតដោយសុវត្តិភាពនៅព្រលានយន្តហោះតេជោវិញ។ស្នាមញញឹមរបស់លោកអ្នក ជាកំលាំងចិត្តដ៏មុតស្រួចរបស់គ្រួសារ ស្កាយឃីង ទេសចរណ៌ ! សូមអរគុណ!