កញ្ចប់ធួរកម្រិតល្អផ្តាច់គេទៅកាន់ ទីក្រុងឌូបៃ -សមុទ្រខ្សាច់សាហ្វារី (5ថ្ងៃ 4យប់) ឆ្លងឆ្នាំ

ជួបជុំគ្នានៅព្រលានយន្តហោះអន្តរជាតិភ្នំពេញ ដើម្បីធ្វើការហោះហើរឆ្ពោះទៅកាន់ទីក្រុងឌូបៃដោយឈប់ដាក់ភ្ញៀវថែមនៅសឹង្ហបុរីមុនបន្តទៅព្រលានអន្តរជាតិឌូបៃធំជាងគេប្រចាំសហពន្ធ័អារ៉ាប់រួម។

ពិសាអាហារពេលព្រឹកនៅសណ្ឋាគារ ​បន្តធ្វើដំណើរទៅកាន់ទីក្រុងអាប៊ូដាប៊ី ដែលជារាជធានីនៃសហពន្ធ័អារ៉ាប់រួម។ ជូនទស្សនាព្រះវិហារហ្សីកហ្សាកដែលជាវិហារសាសនាឥស្លាមធំអស្ចារ្យជាងគេ បានសាងសង់បិទជាមួយមាស ចំណាយលុយសាងសង់ច្រើនជាងគេនៅលើពិភពលោក (លោកអ្នកអាចជួលសម្លៀកបំពាក់បែបប្រពៃណីឥស្លាមចូលវិហារបាន) ជូនទៅពិសាអាហារថ្ងៃត្រង់ បន្តជូនទៅថតរូបអនុស្សាវរីយ៍ និង​ ទទួលយកបទពិសោធន៍ថ្មីចូលទៅទស្សនាខាងក្នុងនៃសណ្ឋាគារលំដាប់ផ្កាយ៨អេមម៉ារ៉េតផាលេស សណ្ឋាគារធ្វើពីមាស(រួមបញ្ចូលសំបុត្រ)។ ​ ជូនទៅលេងកម្សាន្តនៅ​ផ្លូវមាត់សមុទ្រអាប៊ូដាប៊ីដ៏ស្រស់ស្អាត។​ រួចបន្តជូនទៅថតរូបលេងកម្សាន្តនៅក្រៅ សួនហ្វើរ៉ារីវើល បន្តដើរលេងផ្សារទំនើបធំជាងគេនៅអាប៊ូដាប៊ី  គឺយ៉ាសម៉ល​។​ រួចធ្វើដំណើរត្រឡប់មកទីក្រុងឌូបៃវិញ​ ពិសាអាហារ​ពេលល្ងាច​និង​សម្រាកនៅសណ្ឋារគារ។

ពិសាអាហារពេលព្រឹកនៅសណ្ឋាគារ ​រួចធ្វើដំណើរទៅទស្សនាទីក្រុងឌូបៃចាស់ដែលជាទីប្រជុំជនធ្វើពាណិជ្ជកម្ម រួចជូនទៅ ជិះតាក់ស៊ីលើទឹក គយគន់ទេសភាពទីក្រុង និងឆ្លងទៅត្រើយម្ខាង។ បន្ទាប់មកជូនទៅទស្សនា ផ្សារលក់មាសដុំ មាសគីឡូ គ្រប់ប្រភេទ កន្លែងលក់គ្រឿងទេស ​ ដើរលេងតំបន់មាត់សមុទ្រ អាលស៊ីប និងជូនឡើងអគារស៊ុមរូបថតយក្សDubai Frame​(រួមបញ្ចូលសំបុត្រ)។ ​រួចជូនពិសាអាហារថ្ងៃត្រង់ បន្តទៅរៀបចំត្រៀមខ្លួននៅសណ្ឋាគារសម្រាកមុនទៅកម្សាន្តជិះរថយន្តទំនើបម៉ាក Land Cruiserទៅលេងលើ វាលខ្សាច់សាហ្វារី ដែលមានពណ៌លឿងឆ្អិនឆ្អៅដាច់កន្ទុយភ្នែក រីករាយការជិះសត្វអូដ្ឋលើវាលខ្សាច់ សិល្បៈគូររូបលើដៃ គយគន់ទេសភាពថ្ងៃលិច និងថតរូបទុកជាអនុស្សាវរីយ៍។ ពិសាអាហារពេលល្ងាចបែបម្ចាស់ស្រុកមានការសម្តែងរបាំគ្រវីក្បាលពោះ Tanoora Show Fire show តាមបែបប្រពៃណីជនជាតិអារ៉ាប់ ជូនទៅសម្រាកវិញ។ 

ពិសាអាហារពេលព្រឹកនៅសណ្ឋាគារ រួចជូនទៅកម្សាន្តនៅសួនផ្កាអច្ឆរិយមីរ៉ាខលហ្កាដិន ដែលមានផ្ការាប់លានប្រភេទមកពីជុំវិញពិភពលោកជាមួយនឹងគំនិតឆ្នៃប្រឌិតខ្ពស់គួរឱ្យចាប់អារម្មណ៍(រួមបញ្ចូលសំបុត្រ)  ​​ពិសាអាហារថ្ងៃត្រង់ រួចជូនទៅដើរទិញឥវ៉ាន់កម្សាន្តនៅឌូបៃម៉លៗធំជាងគេនៅសហពន្ធ័អារ៉ាប់រួម។ បន្តជូនឡើងថតរូបអនុស្សាវរីយ៍នៅជាន់ទី១២៤ និង១២៥នៃអគារខ្ពស់ជាងគេលើពិភពលោកគឺ អគារប៊ជកាលីហ្វា ​(រួមបញ្ចូលសំបុត្រ) បន្តជូនទៅទស្សនា ការបាញ់ទឹក FOUNTAIN SHOW។  ជូនទៅពិសាអាហារពេលល្ងាច និងសម្រាកសណ្ឋាគារ។

ពិសាអាហារពេលព្រឹកនៅសណ្ឋាគារ និងត្រៀមChek-out សណ្ឋាគារ រួចបន្តធ្វើដំណើរទៅកាន់ក្រុងជូម៉ៃរ៉ា ពិសាកាហ្វេសន្លឹកមាសនៅសណ្ឋាគារផ្កាយ៧(រួមបញ្ចូលសំបុត្រ) ជូនទស្សនាផ្សារបុរាណក្នុងស្រុកមានលក់វត្ថុអនុស្សាវរីយ៍ផ្សេងៗ បន្តទៅលេងកម្សាន្តនៅកោះទឹកខៀវ និងជូនថតរូបនៅក្រៅកន្រ្តក់វិលខ្ពស់ជាងគេ និងធំជាងគេលើពិភពលោក និងបន្តទៅលេងកម្សាន្តនៅសារមន្ទីរពេលអនាគត (រួមបញ្ចូលសំបុត្រ)​ ជូនពិសាអាហារថ្ងៃត្រង់ រួចបន្តជិះរថភ្លើងលើអាកាសដើម្បីទៅទស្សនាសណ្ឋាគារអាត្លង់ទិច លើកោះដើមត្នោតសិប្បនិម្មិត។ រួចធ្វើដំណើរទៅកាន់ព្រលានយន្តហោះអន្តរជាតិឌូបៃដើម្បីរៀបចំការហោះហើរមកកាន់ទីក្រុងភ្នំពេញវិញ ។

បន្តដំណើរមកដល់ទីក្រុងភ្នំពេញវិញប្រកបដោយសុវត្ថិភាព ភាពសប្បាយរីករាយ និងអនុស្សាវរីយ៍មិនអាចបំភ្លេចបានជាមួយនឹងក្រុមហ៊ុនទេសចរណ៍ស្កាយឃីង។