.jpg)
ថ្ងៃទី 1 ៖ ទីក្រុងភ្នំពេញ-ទីក្រុងឌូបៃ (ពិសាអាហារ និងសម្រាកលើយន្តហោះ )
ជួបជុំគ្នានៅព្រលានយន្តហោះអន្តរជាតិភ្នំពេញ ដើម្បីធ្វើការហោះហើរឆ្ពោះទៅកាន់ទីក្រុងឌូបៃដោយឈប់ដាក់ភ្ញៀវថែមនៅសឹង្ហបុរីមុនបន្តទៅព្រលានអន្តរជាតិឌូបៃធំជាងគេប្រចាំសហពន្ធ័អារ៉ាប់រួម។
អាហាររួមបញ្ចូល
.jpg)
ថ្ងៃទី 2៖ទីក្រុងឌូបៃ - កាហ្វេមាសអគារទូកក្ដោង- វាលសាហ្វារី
មកដល់ព្រលានអន្តរជាតិឌូបៃទទួលស្វាគមន៍រួសរាយរ៉ាក់ទាក់ពីមគ្គុទេសក៍ក្នុងស្រុក បន្តជូនទៅពិសាអាហារពេលព្រឹក រួចបន្តទៅទទួលយកបទពិសោធន៍ថ្មីចូលទៅភ្លក្សកាហ្វេសន្លឹកមាស និងនំធីរ៉ាមីស៊ុដ៏ឆ្ងាញ់ពិសានៅសណ្ឋាគារទូកក្តោងលំដាប់ផ្កាយ៧សង់នៅលើផ្ទៃសមុទ្រ(រួមបញ្ចូលសំបុត្រ)។ បន្តជូនទៅថតរូបអនុស្សាវរីយ៍នៅព្រះវិហារឥស្លាមជូម៉ៃរ៉ា ជូនពិសាអាហារថ្ងៃត្រង់ ជូនរៀបចំត្រៀមខ្លួននៅសណ្ឋាគារបន្តទៅកម្សាន្តជិះរថយន្តទំនើបម៉ាក Land Cruiserទៅលេងលើ វាលខ្សាច់សាហ្វារី ដែលមានពណ៌លឿងឆ្អិនឆ្អៅដាច់កន្ទុយភ្នែក រីករាយការជិះសត្វអូដ្ឋលើវាលខ្សាច់ សិល្បៈគូររូបលើដៃ គយគន់ទេសភាពថ្ងៃលិច និងថតរូបទុកជាអនុស្សាវរីយ៍។ ពិសាអាហារពេលល្ងាចបែបម្ចាស់ស្រុកមានការសម្តែងរបាំគ្រវីក្បាលពោះ Tanoora Show Fire show តាមបែបប្រពៃណីជនជាតិអារ៉ាប់ ជូនទៅសម្រាកនៅសណ្ឋាគារវិញ។
អាហាររួមបញ្ចូល
ថ្ងៃទី3 ៖ ទីក្រុងឌូបៃ - សួនផ្កាអច្ឆរិយៈ - សារមន្ទីរអនាគត
ពិសាអាហារពេលព្រឹកនៅសណ្ឋាគារ ទស្សនាទីក្រុងឌូបៃចាស់ដែលជាទីប្រជុំជនធ្វើពាណិជ្ជកម្ម រួចជូនទៅ ជិះតាក់ស៊ីលើទឹក គយគន់ទេសភាពទីក្រុង និងឆ្លងទៅត្រើយម្ខាង។ បន្ទាប់មកជូនទៅទស្សនា ផ្សារលក់មាសដុំ មាសគីឡូ គ្រប់ប្រភេទ កន្លែងលក់គ្រឿងទេស ដើរលេងតំបន់មាត់សមុទ្រ អាលស៊ីប រួចជូនពិសាអាហារថ្ងៃត្រង់ បន្តកម្មវិធីកម្សាន្តទៅ សារមន្ទីរពេលអនាគតសិក្សាពីបច្ចេកវិទ្យាទំនើបៗទៅពេលអនាគត(រួមបញ្ចូលសំបុត្ររួចជាស្រេច)។ បន្តកម្មវិធីទៅលេងនៅសួនផ្កាអច្ឆរិយៈមីរ៉ាខលហ្កាដិន (រួមបញ្ចូលសំបុត្ររួចជាស្រេច) ដែលមានផ្ការាប់លានប្រភេទមកពីជុំវិញពិភពលោកជាមួយនឹងគំនិតឆ្នៃប្រឌិតខ្ពស់គួរឱ្យចាប់អារម្មណ៍(រួមបញ្ចូលសំបុត្រ) ។ រួចបន្តជិះរថភ្លើងលើអាកាសដើម្បីទៅទស្សនាសណ្ឋាគារអាត្លង់ទិច លើកោះដើមត្នោតសិប្បនិម្មិត។ ជូនទៅពិសាអាហារពេលល្ងាចនៅសណ្ឋាគារផ្កាយ៦អាត្លង់ទិចអាហារបែបប៊ូហ្វេអន្តរជាតិ ជូនសម្រាកសណ្ឋាគារ។
អាហាររួមបញ្ចូល
ថ្ងៃទី 4 ៖ ទីក្រុងឌូបៃ - អគារ Burj Khalifa
ពិសាអាហារពេលព្រឹក និងត្រៀមChek-out សណ្ឋាគារ បន្តធ្វើដំណើរទៅកាន់ក្រុងជូម៉ៃរ៉ា ជូនទស្សនាផ្សារបុរាណក្នុងស្រុកមានលក់វត្ថុអនុស្សាវរីយ៍ផ្សេងៗ បន្តទៅលេងកម្សាន្តនៅកោះទឹកខៀវ និងជូនថតរូបនៅក្រៅកន្រ្តក់វិលខ្ពស់ជាងគេ និងធំជាងគេលើពិភពលោករួចជូនទៅដើរទិញឥវ៉ាន់កម្សាន្តនៅអ៊ីមីរ៉េតម៉ល។ ពិសាអាហារថ្ងៃត្រង់ ជូនឡើងអគារខ្ពស់ជាងគេលើពិភពលោកគឺអគារប៊ជកាលីហ្វាជាន់ទី១២៤(បញ្ចូលសំបុត្ររួចស្រេច)។ បន្តដើរលេងផ្សារទំនើបធំជាងគេនៅឌូបៃគឺឌូបៃម៉ល រួចធ្វើដំណើរទៅកាន់ព្រលានយន្តហោះអន្តរជាតិឌូបៃដើម្បីរៀបចំការហោះហើរមកកាន់ទីក្រុងភ្នំពេញវិញ ។
អាហាររួមបញ្ចូល
ថ្ងៃទី 5 ៖ ទីក្រុងឌូបៃ-ទីក្រុងភ្នំពេញ
បន្តដំណើរមកដល់ទីក្រុងភ្នំពេញវិញប្រកបដោយសុវត្ថិភាព ភាពសប្បាយរីករាយ និងអនុស្សាវរីយ៍មិនអាចបំភ្លេចបានជាមួយនឹងក្រុមហ៊ុនទេសចរណ៍ស្កាយឃីង។
អាហាររួមបញ្ចូល
