ទីក្រុងឌូបៃ - ទីក្រុងអាប៊ូដាប៊ី

ជួបជុំគ្នានៅព្រលានយន្តហោះអន្តរជាតិតេជោ ដើម្បីធ្វើការហោះហើរឆ្ពោះទៅកាន់ទីព្រលានអន្តរជាតិឌូបៃធំជាងគេប្រចាំសហពន្ធ័អារ៉ាប់រួម។

មកដល់ព្រលានអន្តរជាតិឌូបៃទទួលស្វាគមន៍រួសរាយរ៉ាក់ទាក់ពីមគ្គុទេសក៍ក្នុងស្រុក បន្តជូនទៅពិសាអាហារប៊ូហ្វេពេលព្រឹក​នៅ សណ្ឋាគារលំដាប់ផ្កាយ៤។ រួចជូនទៅថតរូប ថតរូបជាអនុស្សាវរីយ៍នៅខាងមុខរូបសញ្ញា ឡាន Ferrari នៅ Ferrari world ជាសួនកម្សាន្តដ៏ធំជាងគេដំបូងនៅប្រទេសអារ៉ាប់រួម។ បន្តទៅទស្សនា​ Sheikh Zayed Grand Mosque ដែលជាវិហារសាសនាឥស្លាមដ៏ល្បីល្បាញ ធំ និងស្រស់ស្អាតនៅ ទីក្រុងអាប៊ូដាប៊ី។ រួចជូនពិសាអាហារថ្ងៃត្រង់ បន្តកម្មវិធីកម្សាន្តទៅ ថតរូបលេងនៅ Qasr Al Watan , សារមន្ទីរ Louvre , អគារបដិសណ្ឋារកិច្ច Emirates Palace ។ ធ្វើតំណើរត្រឡប់ទៅ ទីក្រុងឌូបៃ ជូនពិសាអាហារពេលល្ងាច រួចជូនជូនទៅសម្រាកនៅសណ្ខាគារ។

ពិសាអាហារប៊ូហ្វេពេលព្រឹក​នៅសណ្ឋាគារ ចាប់ផ្តើមធ្វើដំណើរទៅ ជិះទូកប្រពៃណីបែបបុរាណ គយគន់ទេសភាពទីក្រុង និងឆ្លងទៅត្រើយម្ខាង បន្ទាប់មកជូនទៅទស្សនា ផ្សារលក់មាសដុំ មាសគីឡូ គ្រប់ប្រភេទ កន្លែងលក់គ្រឿងទេស ​ដើរលេងតំបន់មាត់សមុទ្រ អាលស៊ីប និងជូនទៅ តំបន់ប្រវត្តិសាស្ត្រ Al Fahidi (Bastakiya) ជាតំបន់ចាស់ជាងគេមួយរបស់ទីក្រុងឌូបៃ ដែលបង្ហាញពីរបៀបរស់នៅ និងស្ថាបត្យកម្មប្រពៃណីរបស់ឌូបៃ បន្តទៅហាងលក់ផលិតផលស្បែក។ ពិសាអាហារប៊ូហ្វេពេលថ្ងៃត្រង់​នៅ សណ្ឋាគារ Asiana Grand លំដាប់ផ្កាយ៥ បន្តជូនទៅថតរូបលេងនៅ សារមន្ទីរពេលអនាគត - Museum of the Future , អគារស៊ុមរូបថតយក្ស - Dubai Frame។ រួចធ្វើដំណើរទៅកាន់សណ្ឌាគារដើម្បីធ្វើការត្រៀមខ្លួន និងសម្រាកមុនទៅកម្សាន្តជិះរថយន្តទំនើប លេងលើវាលខ្សាច់ ដែលមានពណ៌លឿងឆ្អិនឆ្អៅដាច់កន្ទុយភ្នែក រីករាយជាមួយបទពិសោធ ការជិះសត្វអូដ្ឋ លើវាលខ្សាច់ សិល្បៈគូររូបលើដៃ , ជក់ Shisha បែបប្រពៃណីអារ៉ាប់ គយគន់ទេសភាពថ្ងៃលិច និងថតរូបទុកជាអនុស្សាវរីយ៍។ ជូនទៅទទូលទានអាហារពេលល្ងាចបែបសាច់អាំងBBQ ទស្សនាការសម្តែង របាំគ្រវីក្បាលពោះ - Tanoora Show Fire show តាមបែបប្រពៃណីជនជាតិអារ៉ាប់ និង​សម្រាកនៅសណ្ឋារគារ។

ពិសាអាហារប៊ូហ្វេពេលព្រឹក​នៅសណ្ឋាគាររួច Chek-out ពីសណ្ឋាគារ ចាប់ផ្តើមធ្វើដំណើរទៅកាន់ ឆ្នេរ Jumeirah និងថតរូបនៅមុខ សណ្ឋាគារទូកក្តោង ផ្កាយ ៧ បន្តថតរូបលេង និងគយគន់ទេសភាពដ៏ស្រស់ស្អាតនៅ តំបន់ Marina Walk រួចបន្តជិះរថភ្លើងលើអាកាសដើម្បីទៅទស្សនា សណ្ឋាគារអាត្លង់ទិច លើកោះដើមត្នោតសិប្បនិម្មិត កម្មវិធីទៅលេងនៅ សួនផ្កាអច្ឆរិយៈមីរ៉ាខលហ្កាដិន ដែលមានផ្ការាប់លានប្រភេទមកពីជុំវិញពិភពលោកជាមួយនឹងគំនិតឆ្នៃប្រឌិតខ្ពស់គួរឱ្យចាប់អារម្មណ៍ (រួមបញ្ចូលសំបុត្រ)។ ទទួលទានអាហារថ្ងៃត្រង់ ជូនទៅទស្សនា វិចិត្រសាលសិល្បៈអ៊ីស្លាម Lewan (ចំណាយពេលទស្សនា៣០ នាទី) បន្តរដំណើរទៅថតរូបនៅរូប សំណាក់ស្លាប - Mexico Wing ជូនទៅដើរទិញឥវ៉ាន់នៅផ្សារទំនើប ឌូបៃម៉ - Dubai Mall ជាម៉លធំជាងគេនៅសហពន្ធ័អារ៉ាប់រួមដែលមានទំនិញម៉ាកប្រេនៗល្បីៗជាច្រើនប្រភេទ រួមទាំងអាចរីករាយជាមួយការសម្តែងទឹករាំតាមភ្លេងនៅមុខអគារខ្ពស់ជាងគេលើពិភពលោកគឺ អគារប៊ូជកាលីហ្វា - Burj Khalifa។

ជូនទៅព្រលានយន្តហោះអន្តរជាតិឌូបៃ ដើម្បីធ្វើដំណើរមកកាន់ភ្នំពេញវិញដោយបន្សល់ទុកអនុស្សាវរីយ៍ជាច្រើនដែលមិនអាចបំភ្លេចបានជាមួយនឹងក្រុមហ៊ុនទេសចរណ៍ស្កាយឃីង។