ទីក្រុងឌូបៃ - ទីក្រុងអាប៊ូដាប៊ី

ជួបជុំគ្នានៅព្រលានយន្តហោះអន្តរជាតិតេជោ ដើម្បីធ្វើការហោះហើរឆ្ពោះទៅកាន់ទីព្រលានអន្តរជាតិឌូបៃធំជាងគេប្រចាំសហពន្ធ័អារ៉ាប់រួម។

មកដល់ព្រលានអន្តរជាតិឌូបៃទទួលស្វាគមន៍រួសរាយរ៉ាក់ទាក់ពីមគ្គុទេសក៍ក្នុងស្រុក បន្តជូនទៅពិសាអាហារប៊ូហ្វេពេលព្រឹក​នៅ សណ្ឋាគារលំដាប់ផ្កាយ៤។ បន្តជូនទៅថតរូបលេងនៅ សារមន្ទីរពេលអនាគត - Museum of the Future , អគារស៊ុមរូបថតយក្ស - Dubai Frame ​រួចធ្វើដំណើរទៅទស្សនាទីក្រុងឌូបៃចាស់ដែលជាទីប្រជុំជនធ្វើពាណិជ្ជកម្ម រួចជូនទៅ ជិះទូកប្រពៃណីបែបបុរាណ គយគន់ទេសភាពទីក្រុងនិងឆ្លងទៅត្រើយម្ខាង បន្ទាប់មកជូនទៅទស្សនា ផ្សារលក់មាសដុំ មាសគីឡូ គ្រប់ប្រភេទ កន្លែងលក់គ្រឿងទេស ​ ដើរលេងតំបន់មាត់សមុទ្រ អាលស៊ីប និងជូនទៅ តំបន់ប្រវត្តិសាស្ត្រ Al Fahidi (Bastakiya) ជាតំបន់ចាស់ជាងគេមួយរបស់ទីក្រុងឌូបៃ ដែលបង្ហាញពីរបៀបរស់នៅ និងស្ថាបត្យកម្មប្រពៃណីរបស់ឌូបៃ។ រួចបន្តទៅទទួលយកបទពិសោធន៍ ជិះទូកយ៉ាតដ៏ប្រណិត នៅ Dubai Marina រយៈពេល ១ម៉ោងកន្លះ មានផ្លែឈើស្រស់ៗ ទឹកសុទ្ធ ស្រាបៀរ និងភេសជ្ជៈ។ ពិសាអាហារពេលល្ងាច រួចជូនជូនទៅសម្រាកនៅសណ្ខាគារ។ 

ពិសាអាហារប៊ូហ្វេពេលព្រឹក​នៅសណ្ឋាគារ ចាប់ផ្តើមធ្វើដំណើរទៅកាន់ ឆ្នេរ Jumeirah និងថតរូបនៅមុខ សណ្ឋាគារទូកក្តោង ផ្កាយ ៧ រួចបន្តជិះរថភ្លើងលើអាកាសដើម្បីទៅទស្សនា សណ្ឋាគារអាត្លង់ទិច លើកោះដើមត្នោតសិប្បនិម្មិត  (ប្រមាណ ១0នាទី) បន្ទាប់មកបន្តទៅទទួលបទពិសោធន៍ ជិះឧទ្ធម្ភាគចក្រ (ប្រមាណ ១២នាទី) ទស្សនាទេសភាពដ៏ស្រស់ស្អាតនៅតំបន់ Jumeirah។ ពិសាអាហារថ្ងៃត្រង់ រួចធ្វើដំណើរទៅកាន់សណ្ឌាគារដើម្បីធ្វើការត្រៀមខ្លួន និងសម្រាកមុនទៅកម្សាន្តជិះរថយន្តទំនើប លេងលើវាលខ្សាច់ ដែលមានពណ៌លឿងឆ្អិនឆ្អៅដាច់កន្ទុយភ្នែក រីករាយជាមួយបទពិសោធ ការជិះសត្វអូដ្ឋ លើវាលខ្សាច់ សិល្បៈគូររូបលើដៃ , ជក់ Shisha បែបប្រពៃណីអារ៉ាប់ គយគន់ទេសភាពថ្ងៃលិច និងថតរូបទុកជាអនុស្សាវរីយ៍។ ជូនទៅទទូលទានអាហារពេលល្ងាចបែបសាច់អាំងBBQ ទស្សនាការសម្តែង របាំគ្រវីក្បាលពោះ - Tanoora Show Fire show តាមបែបប្រពៃណីជនជាតិអារ៉ាប់ និង​សម្រាកនៅសណ្ឋារគារ។

ពិសាអាហារប៊ូហ្វេពេលព្រឹក​នៅសណ្ឋាគារ ចាប់ផ្តើមធ្វើដំណើរទៅកាន់ ទីក្រុងអាប៊ូដាប៊ី។  រូចជូនទៅថតរូប ថតរូបជាអនុស្សាវរីយ៍នៅខាងមុខរូបសញ្ញា ឡាន Ferrari នៅ Ferrari world។ បន្តទៅទស្សនា​ Sheikh Zayed Grand Mosque ដែលជាវិហារសាសនាឥស្លាមដ៏ល្បីល្បាញ ធំ និងស្រស់ស្អាតនៅ ទីក្រុងអាប៊ូដាប៊ី។ រួចជូនពិសាអាហារថ្ងៃត្រង់ បន្តកម្មវិធីកម្សាន្តទៅ ថតរូបលេងនៅ សារមន្ទីរ Louvre , អគារបដិសណ្ឋារកិច្ច - Qasr Al Watan រួចបន្តទៅទទួលយកបទពិសោធន៍ថ្មីចូលទៅភ្លក្សកាហ្វេសន្លឹកមាសនៅ សណ្ឋាគារ Emirates Palace (រួមបញ្ចូលសំបុត្ររួចជាស្រេច)។ ធ្វើតំណើរត្រឡប់ទៅ ទីក្រុងឌូបៃ រួចទៅទស្សនា Global Village ជាកន្លែងប្រមូលផ្តុំវប្បធម៌ ទំនិញ និងម្ហូបអាហារមកពីគ្រប់បណ្តាប្រទេសជុំវិញពិភពលោក ដាក់បញ្ចូលគ្នានៅក្នុងទីតាំងនេះតែមួយ។​ និងជូនពិសាអាហាប៊ូហ្វេពេលល្ងាចនៅ ភោជនីយដ្ឋាន Saffron ដែលជាភោជនីយដ្ឋានប៊ូហ្វេ មានម្ហូបអាស៊ី និងអន្តរជាតិខ្នាតយក្សជាង ២០០មុខដ៏ល្បីល្បាញបំផុតមួយមាននៅ ទីក្រុងឌូបែ។

ពិសាអាហារប៊ូហ្វេពេលព្រឹក​នៅសណ្ឋាគាររួច Chek-out ពីសណ្ឋាគារ បន្តរដំណើរទៅថតរូបនៅរូប សំណាក់ស្លាប - Mexico Wing ហើយបន្តជូនឡើងទៅលើអគារខ្ពស់ជាងគេលើពិភពលោកគឺ អគារប៊ូជកាលីហ្វា - Burj Khalifa (ជាន់ទី១២៤ និង១២៥) បន្តកម្មវិធីទៅលេងនៅ សួនផ្កាអច្ឆរិយៈមីរ៉ាខលហ្កាដិន ដែលមានផ្ការាប់លានប្រភេទមកពីជុំវិញពិភពលោកជាមួយនឹងគំនិតឆ្នៃប្រឌិតខ្ពស់គួរឱ្យចាប់អារម្មណ៍។ ទទួលទានអាហារថ្ងៃត្រង់ ជូនទៅដើរទិញឥវ៉ាន់នៅផ្សារទំនើប ឌូបៃម៉ - Dubai Mall ជាម៉លធំជាងគេនៅសហពន្ធ័អារ៉ាប់រួមដែលមានទំនិញម៉ាកប្រេនៗល្បីៗជាច្រើនប្រភេទ រួមទាំងអាចរីករាយជាមួយការសម្តែងទឹករាំតាមភ្លេង។ និងជូនទៅទទួលទានអាហាពេលល្ងាច។

ជូនទៅព្រលានយន្តហោះអន្តរជាតិឌូបៃ ដើម្បីធ្វើដំណើរមកកាន់ភ្នំពេញវិញដោយបន្សល់ទុកអនុស្សាវរីយ៍ជាច្រើនដែលមិនអាចបំភ្លេចបានជាមួយនឹងក្រុមហ៊ុនទេសចរណ៍ស្កាយឃីង។