ប្រទេសកូរ៉េ - ទីក្រុងសេអ៊ូល( ដើមរដូវរងា )

ពេលទៅដល់ព្រលានយន្តហោះអន្តរជាតិអ៊ីនឈុននិងមានការរង់ចាំទទួលស្វាគមន៍យ៉ាងកក់ក្តៅពីមគ្គុទេសក៏ទេសចរជនជាតិកូរ៉េដ៏មានប្រជាប្រិយភាពនិងរួសរាយរាក់ទាក់។ បន្ទាប់មកជូនទៅទស្សនាកម្សាន្តនិងថតរូបអនុស្សាវរីយ៍នៅកោះណាមិ(​កន្លែងថតរឿងសូណាតាស្នេហានិទាឃរដូវ) ដោយជិះកប៉ាល់ដ៍ធំគយគន់ទេសភាពដ៏ស្រស់ស្អាតនារដូវរងា។ ពិសារអាហារថ្ងៃត្រង់ បន្ទាប់មកបន្តជូនទៅលេងកម្សាន្ត នៅចម្ការស្ត្រប៊រីដោយមានការបេះផ្លែស្ត្រប៊រីស្រស់ៗផ្អែមស្រួយឆ្ងាញ់ បន្តធ្វើដំណើរទៅកាន់កន្លែងលេងស្គីទឹកកកស្ថិតក្នុងរីសតដ៏ល្បីល្បាញរបស់ប្រទេសកូរ៉េជាមួយនឹងព្រិលម្សៅហ្មត់ខៃសក្បុស​ (សម្ភារៈនិងឧបករណ៍លេងស្គីទទួលខុសត្រូវចំណាយផ្ទាល់ខ្លួន) ពិសាអាហារពេលល្ងាច ជូនទៅសម្រាកនៅសណ្ឋាគារវិញ។ 

ពិសាអាហារពេលព្រឹកនៅសណ្ឋាគារ ជូនទៅលេងសួនកម្សាន្តឡតតេវើល ដែលជាសួនកម្សាន្តវេទមន្តដ៏ធំក្នុងក្រុងសេអ៊ូលប្រទេសកូរ៉េ មានល្បែងកម្សាន្តជាច្រើនប្រភេទសម្រាប់មនុស្សគ្រប់វ័យ សារមន្ទីរសិល្បៈ កន្រ្តកវិល សេះវិល ស្គីទឹកកក និងកន្លែងថតរូបស្អាតៗទេសភាពប្លែកៗដ៏ស្រស់ត្រកាលអាចថតរូបស្អាតៗប្រៀបដូចជាក្នុងរឿងតុក្កតាទុកជាអនុស្សាវរីយ៍ និងមានបញ្ចូលសំបុត្រជូនឡើងអគារឡតតេដែលអាចគយគន់នូវទេសភាពទីក្រុងសេអ៊ូលដ៏ត្រជាក់ភ្នែកផងដែរ។ ជូនពិសាអាហារថ្ងៃត្រង់ បន្តជូនទៅថតរូបលេងកម្សាន្តនៅ បណ្ណាល័យយក្សដ៏ធំមួយស្ថិតក្នុងផ្សារទំនើបCOEXនិងរូបសំណាក់ហ្កាងណាំស្ទាយ ពិសាអាហារពេលល្ងាច រួចជូនទៅសម្រាកនៅសណ្ឋាគារវិញ ។

ពិសាអាហារពេលព្រឹករួច ធ្វើដំណើរកាត់តាមវិមានប្រធានាធិបតី ឆ្ពោះទៅកាន់ ព្រះរាជវាំងយ៉ុងបុក ដ៏ល្បីល្បាញរបស់ប្រទេសកូរ៉េ  សារមន្ទីរសិល្បៈ   ភូមិបុរាណបុកឈុន  កន្លែងដែលតំណាងឱ្យប្រវត្តិវប្បធម៌វ័យចំណាស់របស់ប្រទេសកូរ៉េ។ ពិសាអាហារថ្ងៃត្រង់ រួចជូនធ្វើដំណើរឡើងទៅកម្សាន្តនៅប៉មអិនសេអ៊ូលគយគន់ទេសភាពទីក្រុងសេអ៊ូលស្រស់ស្អាត និងកន្លែងចាក់សោគូរស្នេហ៍អមតផងដែរ បន្តដំណើរកម្សាន្តទៅទស្សនាសាលតាំងលក់យិនស៊ិនបុរាណដែលជួយថែសុខភាពឱ្យល្អអាយុវែង និងសម្រស់ស្អាតជាងវ័យ និងបន្តជូនទៅកន្លែងលក់  ផលិតផលគ្រឿងសំអាងរបស់ប្រទេសកូរ៉េ​។ ​ រួចជូនទៅពិសារអាហារពេលល្ងាចជាមួ​យ BBQ សាច់អាំង បែប​កូរ៉េឆ្ងាញ់ពិសា ជូនដើរផ្សាររាត្រីម៉្យុងដុង​ ដែលជាផ្សាររាត្រីទេសចរណ៍ល្បីជាងគេនៅប្រទេសកូរ៉េ​​  រួចជូនសម្រាកនៅសណ្ឋាគារវិញ។

ពិសាអាហារពេលព្រឹកខ្ចប់ រួចរៀបចំត្រៀមខ្លួនទៅព្រលានយន្តហោះធ្វើដំណើរត្រឡប់មកភ្នំពេញវិញដោយសុខសុវត្ថិភាពជាមួយក្រុមហ៊ុនស្កាយឃីង ។