ប្រទេសជប៉ុន (ទីក្រុតូក្យូ ហ្វូជិ ឌីសនីលែន)

ធ្វើការជួបជុំគ្នានៅ អាកាសយានដ្ឋានអន្តរជាតិភ្នំពេញ នៅវេលាម៉ោង ០៩:៣០នាទីយប់ ដើម្បីធ្វើការហោះហើរចេញដំណើរទៅកាន់ អាកាសយានដ្ឋានអន្តជាតិ នៃ ទីក្រុងតូក្យូ ដោយមានការប្ដូរជើងហោះហើរនៅប្រទេសទី២ (អាហារនិងសម្រាកលើយន្តហោះ)។

ធ្វើដំណើរមកដល់អាកាសយានអន្តជាតិនៃ ទីក្រុងតូក្យួ ដោយមានការទទួលស្វាគមន៍ពីសំណាក់មគ្គុទ្ទេសក៍ដ៏រួសរាយរ៉ាក់ រួចធ្វើដំណើរទៅកាន់តំបន់ ភ្នំហ្វ៊ូជីដ៏ល្បីល្បាញដែលមានទឹកកកលើកំពូលភ្នំទល់ពពកជូនទៅសណ្ឋាគារដោយមានការស្លៀកសំលៀកបំពាក់ប្រពៃណីជប៉ុន និងពិសាអាហារពេលល្ងាច និងសម្រាកយកកម្លាំងជាមួយការត្រាំទឹកក្ដៅអនស៊ែនបែបជប៉ុនផងដែរ។

ពិសាអាហារពេលព្រឹកនៅសណ្ឋាគារ រួចជូនទៅទស្សនាភូមិបុរាណ អូស៊ីណូហាក់កៃ​ ដែលមានទឺករ៉ែធម្មជាតិដែលរលាយពីភ្នំហ្វូជី ជាមួយនឹងទេសភាពភ្នំហ្វូជី​ដ៏ស្រស់ស្អាត។ ទទួលទានអាហារថ្ងៃត្រង់បន្ត រួចធ្វើដំណើរទៅកម្សាន្តនៅ ប្រាសាទសេនសូជីអាសាគូសា ដែលជាព្រះវិហារពុទ្ធសាសនាមានវ័យចំណាស់មួយនៅក្នុងទីក្រុងតូក្យូនិងវិថីលក់ដូរ ណាកាមីសិ ដែលមានការលក់ដូរវត្ថុអនុស្សាវរីយ៍និងអាហារដ៏សម្បូរបែប ថតរូបលេងកម្សាន្តអនុស្សាវរីយ៍នៅប៉មតំណាងទីក្រុងតូក្យូគឺ ប៉មតូក្យូស្កាយទ្រី (Tokyo Skytree)រួចសម្រាកនៅសណ្ឋាគារ។

ពិសាអាហារពេលព្រឹកនៅសណ្ឋាគារនៅ រួចលោកអ្នកអាចមានពេលវេលាផ្ទាល់ខ្លួន សម្រាប់ដើរលេងដោយខ្លួនឯងនៅប្រទេសជប៉ុនបាន។

ពិសាអាហារពេលព្រឹកនៅសណ្ឋាគារ រួចបន្តព្រលានយន្តហោះ ដើម្បីត្រៀមខ្លួនហោះហើរមកកាន់ទីក្រុងភ្នំពេញវិញយ៉ាងសប្បាយរីករាយជាមួយក្រុមទេសចរណ៍ស្កាយឃីង។