ប្រទេសជប៉ុន (កោះហុកកៃដូ)

ជួបជុំគ្នានៅព្រលានយន្តហោះអន្តរជាតិនៃទីក្រុងតាខ្មៅដើម្បីហោះហើរទៅកាន់ ព្រលានយន្តហោះសីនឈីតូស នឹងមានការទទួលស្វាគមន៍ពីមគ្គុទេសចរណ៍ដ៏រួសរាយរាក់ទាក់នៅទីនោះផងដែរ។

ធ្វើដំណើរទៅ ទីក្រុងប៊ីអេ ជាទីក្រុងដែលមានទេសភាពធម្មជាតិដ៏ស្រស់ស្អាត និងភ្នំមានពណ៌បៃតងខ្ចីត្រជាក់ភ្នែកនៅចំកណ្តាលកោះហុកកៃដូ។​ បន្តទៅ ស្រះទឹកខៀវ - BLUE POND កម្សាន្ត និងថតរូបលេងជាមួយទេសភាពស្រះទឹកធម្មជាតិពណ៌ខៀវថ្លា។ ពិសាអាហារពេលល្ងាច រួចជូនទៅសម្រាកនៅសណ្ឋាគារ។

ទទួលទានអាហារពេលព្រឹកនៅសណ្ឋាគារ ធ្វើដំណើរទៅទស្សនា និងថតរូបលេងកម្សាន្តនៅ សួនផ្កាតូមីតា - Farm Tomita សួនផ្កាឡាវេនឌ័រដ៏ល្បីល្បាញមួយនៅ ទីក្រុងហ្វូរ៉ាណូ។រួចបន្តជូនទៅទស្សនានៅ សួនផ្កាស៊ីគិសៃណូអូកា - Shikisai no Oka ដែលជាសួនមានវាលផ្កាចម្រុះពណ៌ដ៏ធំល្វឹងល្វើយរីកស្គុះស្គាយនៅ ទីក្រុងប៊ីអេ។ ទទួលទានអាហារពេលថ្ងៃ រួច​បន្ដដំណើរទៅ ទីក្រុងសាប៉ូរ៉ូ ទៅទស្សនា សួនអូដូរី- Odori Park ជាសួនដែលនៅចំកណ្ដាលទីក្រុងសាប៉ូរ៉ូ​ មានផ្កាស្រស់ស្អាតតាមរដូវកាល និងបន្តដំណើរទៅថតរូបកម្សាន្តនៅ ប៉មនាឡិកាដែលធ្វើឡើងពីឈើ - Clock Tower។ ពិសាអាហារពេលល្ងាច រួចជូនទៅសម្រាកនៅសណ្ឋាគារក្នុង ទីក្រុងសាប៉ូរ៉ូ ។

ពិសាអាហារពេលព្រឹក​​ ធ្វើដំណើរទៅកាន់ ទីក្រុងអូតារុ (Otaru Canal) ទស្សនាកំពង់ផែវ័យចំណាស់ជាមួយទេសភាពអូតារុដែលជាប្រភពដឹកជញ្ចួនទំនិញទៅមកលើកោះហុកកៃដូ។ ជូនទៅហាងលក់កាហ្វេ និងប្រអប់ភ្លេងស្អាតៗ (Otaru Music Box Museum) ដ៏ល្បី។​ រួចជូនទៅទស្សនា កន្លែងផលិតសម្ភារអំពីកែវ (Kitaichi Glass) មានឧបករណ៍ផលិតពីកែវចម្រុះជាច្រើន និងមានក្បាច់រចនាស្អាតៗ។ ជូនទៅទស្សនាកម្សាន្តនៅ Mt. Moiwa Ropeway ជិះកន្រ្ដកខ្សែកាបឡើងទៅលើភ្នំ​​ ដើម្បីទស្សនាទេសភាពស្លឹកឈើប្រែពណ៌ដ៍ស្រស់ស្អាតនៃទីក្រុងសាប៉ូរ៉ូ។ និងបន្តទៅ វិថីតាណូគីកូជី (Tanukikoji Street) ជាវិថីដើរទិញទំនិញដ៏ល្បីល្បាញនៅកណ្ដាលទីក្រុងសាប៉ូរ៉ូ មានហាងទំនិញ អាហារ និងវត្ថុអនុស្សាវរីយ៍ជាច្រើនមុខ។ ពិសាអាហារពេលល្ងាចរួច ជូនសម្រាកនៅសណ្ឋាគារ ។

ពិសាអាហារពេលព្រឹក រួចជូនទៅ​ ផ្សារគ្រឿងសមុទ្រដ៏ល្បី (Nijo Market)។​ បន្ទាប់ធ្វើដំណើរទៅថតរូបលេងនៅ អគាររដ្ឋាភិបាលចាស់ (អគារឥដ្ឋក្រហម) ជាអគារប្រវត្តិសាស្ត្រដ៏ល្បីល្បាញរបស់ទីក្រុងសាប៉ូរ៉ូ។ ជូនទៅពិសាអាហារថ្ងៃត្រង់ រួចចាប់ផ្តើមធ្វើដំណើរទៅព្រលានយន្តហោះសីនឈីតូស ដើម្បីធ្វើការហោះហើរត្រលប់មកទីក្រុងភ្នំពេញវិញប្រកបដោយភាពសប្បាយរីករាយជាមួយនឹងអនុស្សាវរីយ៍ស្នាមញញឹមដែលមិនអាចបំភ្លេចបានពី ក្រុមហ៊ុនទេសចរណ៍ស្កាយឃីង។