ប្រទេសឥណ្ឌូនេស៊ី (កោះឋានសួគ៍បាលី)

ជួបជុំគ្នានៅព្រលានយន្តហោះអន្តរជាតិតេជោដើម្បីធ្វើដំណើរទៅកាន់កោះឋានសួគ៏បាលីប្រទេសឥណ្ឌូនេស៊ី ដោយបន្ដជើងហោះហើរនៅប្រទេស​សឹង្ហបុរី។​ ពេលទៅដល់នឹងមានការទទួលស្វាគមន៍រាក់ទាក់ពីមគ្គុទេ្ទសក៍​ ជូនទៅពិសាអាហារពេលល្ងាច​ រួចជូនទៅសម្រាកនៅសណ្ឋាគារ។

ពិសាអាហារពេលព្រឹករួចជូនទៅទស្សនា ភូមិបាទូប៊ូឡាន - Batu Bulan Village ជាភូមិវប្បធម៍ដ៏ល្បីមួយប្រចាំនៅលើកោះបាលី បន្តជូនទៅទស្សនា ភូមិគីនតាម៉ានី - Kintamani Village លោកអ្នកអាចរីករាយទស្សនាទេសភាពស្រស់ត្រកាលលើកំពូលភ្នំដែលជាអតីតបន្ទុះភ្នំភ្លើងបាទូ និងជូនទស្សនា ល្អាងទឹកអម្រឹតតាំប៉ាកស៊ីរីង - Tampak Siring Temple រួចជូនទស្សនា វាលស្រែថ្នាក់ៗ ជាមួយនឹងទេសភាពដ៏ស្រស់បំព្រងហើយលោកអ្នកក៏អាចរីករាយនឹងការជិះទោងបាលី និងល្បែងកម្សាន្តជាច្រើនប្រភេទផ្សេងទៀត (ចំណាយប្រាក់ផ្ទាល់ខ្លួន) ជូនពិសាអាហារពេលល្ងាចរួចជូនសម្រាកនៅសណ្ឋាគារ។

ពិសាអាហារពេលព្រឹករួចជូនទៅកំពង់ផែដើម្បីធ្វើដំណើរតាមកប៉ាល់ឆ្ពោះទៅកាន់ កោះឋានសួគ៍ កោះណូសាផេនីដា - Nusa Penida Island ជាកោះដែលសម្បូរទៅដោយឆ្នេរសមុទ្រស្អាតៗល្បីៗជាច្រើនបែបធម្មជាតិដែលលោកអ្នកអាចរីករាយទស្សនា និងផ្ដិតយករូបភាពស្អាតៗជាមួយនឹងទិដ្ឋភាពឆ្នេរខ្សាច់ជាច្រើនដូចជា ឆ្នេរគែលលីងឃីង (Kelingking Beach) ,  ឆ្នេរអែនជេល (Angel Billabong) និង ឆ្នេរប្រូកខិន (Broken Beach)។ បន្ទាប់មករៀបចំធ្វើដំណើរតាមកប៉ាល់ត្រលប់មកកាន់កោះបាលីវិញ ពេលទៅដល់ជូនពិសាពេលល្ងាចនិងជូនសម្រាកនៅសណ្ឋាគារ។

ពិសាអាហារពេលព្រឹករួច ជូនទៅទស្សនា ប្រាសាទអ៊ូលុនដានូ - Ulun Danu Temple ជាប្រាសាទដែលមានទេសភាពស្រស់ស្អាតមានទីតាំងស្ថិតនៅមាត់បឹងប្រាតាន់​ បន្តជូនទស្សនានិងថតរូបលេងកម្សាន្តនៅ ក្លោងទ្វារឋានសួគ៏បាលី - Handara Gate ជាក្លោងទ្វារដ៏ល្បីមួយប្រចាំកោះបាលីនៃប្រទេសឥណ្ឌូនេស៊ី។ ពិសាអាហារថ្ងៃត្រង់ រួចបន្តជូនទស្សនា ប្រាសាទតាណាឡត - Tanah Lot Temple ជាប្រាសាទដែលព័ទ្ធជុំវិញដោយឆ្នេរសមុទ្រ បន្ទាប់មកជូនពិសាអាហារពេលល្ងាច រួចជូនសម្រាកនៅសណ្ឋាគារ។

អាហារពេលព្រឹករួចធ្វើដំណើរឆ្ពោះទៅកាន់ព្រលានយន្តហោះបាលីដើម្បីត្រៀមធ្វើការហោះហើរត្រឡប់មកកាន់ព្រលានតេជោវិញប្រកបដោយភាពសប្បាយរីករាយជាមួយក្រុមហ៊ុន​​​ទេសចរណ៍ស្កាយឃីង។