អឺរ៉ុប ៥ ប្រទេស (ឆ្លងឆ្នាំនៅប៉ារីស)

ជួបជុំគ្នានៅព្រលានយន្តហោះតេជោរអន្តរជាតិដើម្បីធ្វើដំណើរឆ្ពោះទៅកាន់ ទីក្រុងម៉ូនិកនៃប្រទេសអាល្លឺម៉ង់។(ទទួលទានអាហារ និងសម្រាកនៅលើយន្តហោះ)។

សម្រាកនិងពិសាអាហារនៅលើយន្តហោះរហូតមកដល់ ទីក្រុងម៉ូនិក។ ​​ជូនទៅទស្សនានិងថតរូបកម្សាន្តនៅ សាលាក្រុងម៉ូនិក (Munich city hall) ដែលជាទីប្រជុំជនទេសចរណ៍ដ៏ល្បីប្រចាំតំបន់។  ពិសាអាហារថ្ងៃត្រង់រួចបន្តដំណើរទៅកាន់ ទីក្រុងហ្វ៊ូសិន ទស្សនានិងថតរូបអនុស្សាវរីយ៍ជាមួយ ប្រាសាទក្ងានសួរ (Neuschwanstein Castle) ដ៏ល្បីឈ្មោះដែលត្រូវបានយកធ្វើជានិមិត្តរូបតំណាងប្រាសាទប្រចាំក្រុមហ៊ុនផលិតកម្មខ្សែភាពយន្តគំនូរជីវចល Walt Disney របស់សហរដ្ឋអាមេរិច។ ពិសាអាហារពេលល្ងាចរួចសម្រាកនៅសណ្ឋាគារ។

ពិសាអាហារពេលព្រឹកនៅក្នុងសណ្ឋាគាររួចធ្វើដំណើរទៅកាន់ ភូមិទេសភាពធម្មជាតិដ៏ល្បីល្បាញ ស្ថិតនៅប្របក្បែរ មាត់បឹងហលស្តាត (Hallstatt) ដែលជាកន្លែងទាក់ទាញភ្ញៀវទេសចរណ៍ពិភពលោកជាច្រើនទស្សនា បន្ទាប់មកពិសាអាហារថ្ងៃត្រង់។ ធ្វើដំណើរទៅកាន់ទីក្រុងវីឡាច ពិសាអាហារពេលល្ងាចរួចសម្រាកនៅសណ្ឋាគារ។

ពិសាអាហារពេលព្រឹកនៅក្នុងសណ្ឋាគាររួចធ្វើដំណើរទៅកាន់ទីក្រុងវីនីសពិសាអាហារថ្ងៃត្រង់។ បន្តទៅកាន់កោះវីនីស ជូនជិះទូកល្បឿនលឿនឆ្ពោះទៅកាន់កោះវីនីស​ (Venice Island) ជូនទស្សនា រាជវាំងឌូច ទីលានសេនម៉ាកូ រួចបន្តទស្សនា ព្រះវិហារសេនម៉ាកូនិងស្ពានបុរាណសាយព្រមទាំងដើរគយគន់ដោយសេរីនូវកោះតូចៗជាង១០០កោះតភ្ជាប់គ្នាបង្កើតបានជាកោះវីនីស។ ពិសាអាហារពេលល្ងាចរួចសម្រាកនៅសណ្ឋាគារ។

ពិសាអាហារពេលព្រឹកនៅក្នុងសណ្ឋាគាររួចដំណើរទៅកាន់ ទីក្រុងមីឡាន។ ពិសាអាហារថ្ងៃត្រង់រួច  ជូនទៅទស្សនា វិហារដូម៉ូមីឡាន (Duomo Milan) ដែលជាវិហារដ៏ធំនិងស្រស់ស្អាតជាងគេប្រចាំនៅក្នុងប្រទេសអ៊ីតាលីនិងជូនទៅដើរលេងកម្សាន្តនៅ ផ្សារហ្គាល់ឡារីវិចតូរៀអេម៉ាញ៉ូអែលទី២​ (Galleria Vittorio Emanuele II)  ជាផ្សារដែលមានរចនាបថស្ថាបត្យកម្មដ៏អស្ចារ្យរបស់ប្រទេសអ៊ីតាលី។ ពិសាអាហារពេលល្ងាចរួចសម្រាកនៅសណ្ឋាគារ។

ពិសាអាហារពេលព្រឹកនៅសណ្ឋាគាររួចធ្វើដំណើរទៅកាន់ ភ្នំទឹកកកធីតលីសនិងជូនទៅជិះកន្ត្រកខ្សែកាបដែលអាចវិលបាន៣៦០ដឺក្រេ (Titlis Mountain with cable car) ដើម្បីជិះឡើងទៅកាន់កំពូលភ្នំទឹកកកដែលមានរយៈកម្ពស់ជាង៣០០០ម៉ែត្រពីនីវ៉ូទឹកសមុទ្រដែលតែងតែមានទឹកកកពេញមួយឆ្នាំនិងលេងជាមួយទឹកកកពិតៗយ៉ាងសប្បាយរីករាយ។ ពិសាអាហារថ្ងៃត្រង់រួចបន្តដំណើរទៅកាន់ទីក្រុងលូសឺនជូនទស្សនាស្ពានសាងស្នេហ៍គយគន់ទេសភាពមាត់បឹងលូសឺន (Chapel Bridge, Lucerne Lake) ដ៏ស្រស់ស្អាតនិងដើរទិញទំនិញម៉ាកនាឡិកាល្បីៗប្រចាំប្រទេសស្វីស។ ពិសាអាហារពេលល្ងាចរួចជូនទៅសម្រាកនៅសណ្ឋាគារ។                                                

ពិសាអាហារពេលព្រឹកនៅសណ្ឋាគាររួចធ្វើដំណើរទៅកាន់ទៅកាន់ទីក្រុងឌីហ្សុងនិងពិសាអាហារថ្ងៃត្រង់រួចជូនទៅ ទស្សនាទីក្រុងឌីហ្សុង (Dijon city tour)ដែលជាទីក្រុងដ៏ល្បីមួយរបស់ប្រទេសបារាំង។ ពិសាអាហារពេលល្ងាចរួចជូនទៅសម្រាកនៅសណ្ឋាគារ។

ពិសាអាហារពេលព្រឹកនៅសណ្ឋាគាររួចធ្វើដំណើរទៅកាន់ទីក្រុងប៉ារីស ដែលជាទីក្រុងដ៏រ៉ូមែនទិចបំផុតនៅក្នុងពិភពលោក។ ពិសារអាហារថ្ងៃត្រង់ទៅទស្សនា និង ថតរូបអនុស្សាវរីយ៍នៅ សារមន្ទីរលូ (Louvre Museum) ក្លោងទ្វារជ័យ (Arc de Triomphe) មហាវិថីហ្សង់អេលីហ្សេដ៏ល្បី និង ប៉មទួអ៊ីហ្វែល (Eiffel Tower) តំណាងឱ្យប្រទេសបារាំង​។ ជូនទៅជិះទូកលេងកម្សាន្តតាមដងទន្លេសែន (Seine River Cruise) ដើម្បីគយគន់ទេសភាពដ៏ស្រស់ត្រកាល​។ ពិសាអាហារពេលល្ងាចរួចជូនទៅសម្រាកនៅសណ្ឋាគារ។

ពិសាអាហារពេលព្រឹកនៅសណ្ឋាគាររួចជូនទៅ ផ្សារទំនើបឡាហ្វាយែត (Shopping Galeries Lafayette) ដែលជាមជ្ឈមណ្ឌលពាណិជ្ចកម្មទំនិញម៉ាកល្បីៗ ដែលធំជាងគេនៅអឺរ៉ុបដើម្បីដើរទិញទំនិញម៉ាកល្បីៗជាច្រើនប្រចាំនៅប្រទេសអឺរ៉ុបដោយសេរី​។ (អាហារថ្ងៃត្រង់លោកអ្នកអាចពិសានៅក្នុងផ្សារលក់ទំនិញដោយខ្លួនឯងដើម្បីមានពេលវេលាច្រើនក្នុងការដើរទិញទំនិញ)។ ពិសាអាហារពេលល្ងាចជាមួយនឹងរសជាតិស្តេកនិងស្រាក្រហមបារាំង។រួចជូនទៅសម្រាកនៅសណ្ឋាគារ។ 

ពិសាអាហារពេលព្រឹក រួចធ្វើដំណើរទៅកាន់ព្រលានយន្តហោះ ដើម្បីធ្វើដំណើរវិលត្រឡប់មកកាន់ទីក្រុងភ្នំពេញវិញ។ (ទទួលទានអាហារ និងសម្រាកនៅលើយន្តហោះ)

បន្តធ្វើដំណើរមកដល់ទីក្រុងភ្នំពេញវិញប្រកបដោយសុវត្ថិភាពអមជាមួយនឹងភាពសប្បាយរីករាយនិងអនុស្សាវរីយ៍ ដែលមិនអាចបំភ្លេចបានជាមួយក្រុមហ៊ុនទេសចរណ៍ស្កាយឃីង។