ទីក្រុង Xi’an គឺជាទីក្រុងធំមួយ និងជារដ្ឋធានីនៃខេត្ត Shaanxi Province នៅភាគកណ្ដាលប្រទេសចិន។ នៅអតីតកាល វាត្រូវបានហៅថា Chang’an (មានន័យថា “សុខសន្តិភាពអមតៈ”) ហើយជាចំណុចបញ្ចប់ខាងកើតនៃ Silk Road។ ទីក្រុងនេះក៏ធ្លាប់ជាទីតាំងអធិរាជនៃរាជវង្ស Zhou, Qin, Han និង Tang ផងដែរ។នៅតំបន់វាលជុំវិញ Xi’an មានតំបន់បុរាណវិទ្យាដ៏សំខាន់ៗ រួមមាន Terracotta Army ដែលល្បីល្បាញ មានរូបចម្លាក់យោធាច្រើនពាន់អង្គ ទំហំស្មើមនុស្សពិត បង្កើតដោយដៃ ហើយត្រូវបានបញ្ចុះជាមួយសពអធិរាជទីមួយរបស់ចិន Qin Shi Huang។
ទីក្រុងភ្នំពេញ - ទីក្រុងសុីអាន
ជួបជុំគ្នានៅអាកាសយាន្ដដ្ឋានអន្ដរជាតិតេជោដើម្បីធ្វើការហោះហើរទៅកាន់ ទីក្រុងសុីអាន(Xi An city)។ ពេលទៅដល់នឹងមានការទទួលស្វាគមន៍ពីមគ្គុទេសទេសចរដ៏ឆ្នើម និងរួសរាយរាក់ទាក់ប្រចាំតំបន់ រួចជូនទៅសម្រាកនៅសណ្ឋាគារ។
អាហាររួមបញ្ចូល
ទីក្រុងសុីអាន
ទទួលទានអាហារពេលព្រឹក រួចជូនទៅទស្សនាកំសាន្ដនៅ ខ្លោងទ្វាជញ្ជាំងទីក្រុងបុរាណ(Xi’an City wall) ជាកន្លែងមួយដែលត្រូវបានសាងសង់ឡើងតាំងពីរាជវង្សម៉េង(មានរួមបញ្ចូលសំបុត្រ) រួចជូនទៅទស្សនា វិថីបុរាណយ៉ុងស៊ីងហ្វាង(Yong Xing Fang Street) ដែលប្រមូលផ្ដុំទៅដោយតូបលក់អាហារជាច្រើនមុខដ៏ឈ្ងុយឆ្ងាញ់។ បន្តទៅទស្សនា សួនហ្វូរ៉ុងរាជវង្សថាង(Tang Dynasty Fu Rong Garden) ជាសួនវប្បធម៌ដ៏ល្បីល្បាញដែលភ្ញៀវកត្តិយសអាចរីករាយជាមួយភាពរុងរឿងនៃរាជវង្សថាង ទេសភាពសួនច្បារ បឹងទឹកត្រជាក់ៗភ្នែក និងការសម្តែងវប្បធម៌បុរាណដ៏អស្ចារ្យ។ និងជូនទៅទស្សនា វត្តតាឆឺអិន(Da Ci’en Temple) ដែលជាសំណង់ប្រវត្តិសាស្ត្រនៃរាជវង្សថាង និងជាមជ្ឈមណ្ឌលនៃព្រះពុទ្ធសាសនារបស់ទីក្រុងស៊ីអាន(មិនមានរួមបញ្ចូលសំបុត្រ) ។ ទៅ វិថីរាជវង្សថាង (Tang Dynasty city never sleep street) ជាតំបន់ថ្មើរជើងមានការសម្តែងសិល្បៈតាមដងផ្លូវ។ រួចជូនពិសាអាហារពេលល្ងាចរួចសម្រាកនៅសណ្ឋាគារ។
អាហាររួមបញ្ចូល
ទីក្រុងសុីអាន
ពិសាអាហារពេលព្រឹកនៅសណ្ឋាគារ ធ្វើដំណើរទៅទស្សនា សារៈមន្ទីរស្ដេចឈីង(Terra Cotta Warriors) ដែលសាងសង់នៅក្នុងរណ្ដៅក្រោមដី និងតម្កល់រូបសំណាក់យោធាបុរាណដ៏ធំបំផុតនៅក្នុងប្រទេសចិន (រួមបញ្ចូលសំបុត្រជិះរថយន្តអគ្គិសនី និងកាសត្រចៀក)។ រួចជួនទៅទស្សនា វត្តក្វាងរ៉ិន(Guang Ren Temple) ដែលជាវត្តព្រះពុទ្ធសាសនាទីបេដ៏ល្បីល្បាញនៅទីក្រុងស៊ីអាន។ បន្តជូនទៅទស្សនា ទីលានប៉មកណ្ដឹង និងស្គរ(Bell and Drum Tower Square) ជាប៉មកណ្ដឹងបុរាណនៅកណ្ដាលទីក្រុង និងជូនទៅទស្សនា វិថីហួយមីង(Hui Min Street) ជាកន្លែងដែលសម្បូរទៅដោយអាហារនិងទំនិញប្លែកៗជាច្រើនមុខបន្ទាប់មកជូនទៅទទួលទានអាហារពេលល្ងាចដ៏ឆ្ងាញ់ពិសារ រួចជូនទៅសម្រាកនៅសណ្ឋាគារ។
អាហាររួមបញ្ចូល
ទីក្រុងស៊ីអាន - ទីក្រុងភ្នំពេញ
ពិសាអាហារពេលព្រឹករួចធ្វើដំណើរទៅទស្សនា សារមន្ទីរស៊ីអាន(Xi’an Museam) ជាកន្លែងតាំងបង្ហាញវត្ថុបុរាណដ៏មានតម្លៃជាច្រើន ដែលឆ្លុះបញ្ចាំងពីប្រវត្តិសាស្ត្រ និងវប្បធម៌ដ៏រុងរឿងរបស់ទីក្រុងស៊ីអាន និងថតរូបជាមួយស្ថាបត្យកម្មបុរាណដ៏ស្រស់ស្អាត។ រួចបន្តទៅព្រះរាជវាំងដាមីង(Da Ming Palace) ជាព្រះរាជវាំងធំបំផុតរបស់ រាជវង្សថាង អាចទស្សនាសំណល់បុរាណ សារមន្ទីរ និងរោងភាពយន្ត 3D ដែលបង្ហាញពីប្រវត្តិនៃរាជវង្សថាង។ រួចធ្វើដំណើរទៅព្រលានយន្តហោះអន្ដរជាតិស៊ីអាន ដើម្បីធ្វើការហោះហើរត្រលប់មកទីក្រុងភ្នំពេញវិញប្រកបដោយភាពសប្បាយរីករាយជាមួយនឹងអនុស្សាវរីយ៍ស្នាមញញឹមដែលមិនអាចបំភ្លេចបានពីក្រុមហ៊ុនទេសចរណ៍ស្កាយឃីង ។
អាហាររួមបញ្ចូល
