ប៉េកាំង - សៀងហៃ - ឌីស៍នីលែន

ជួបជុំគ្នានៅព្រលានយន្តហោះអន្តរជាតិភ្នំពេញ ដើម្បីធ្វើដំណើរឆ្ពោះទៅកាន់ព្រលានយន្តហោះអន្ដរជាតិនៃ ទីក្រុងប៉េកាំង ដោយធ្វើការតជើងនៅ ទីក្រុងហុងកុង (មិនមានអាហារកំឡុងពេលចាំតជើងហោះហើរ)។ បន្ទាប់មកជូនទៅសម្រាកនៅសណ្ឋាគារ។

ទទួលទានអាហារពេលព្រឹករួច ទៅទស្សនា សំណង់អច្ឆរិយៈ មហាកំផែងនៃប្រទេសចិន (Great Wall of China) ដែលជាតំបន់ទេសចរណ៍ប្រវិត្តិសាស្រ្ដដ៏អសា្ចរ្យមួយ អមជាមួយនឹងទេសភាពនៃជួរភ្នំយ៉ាងស្រស់ស្អាត។ បន្ទាប់មកទៅទស្សនា វិមានរដូវក្តៅ (Summer Palace) ដែលជាព្រះបរមរាជវាំង និងជាសួនច្បារដ៏ធំនៃរាជវង្ស ឈីង។ ជូនទៅថតរូបខាងក្រៅនៃ ពហុកីឡាដ្ឋាន (National Stadium) ដែលមានរាងដូចសំបុកចាបនិងជាទីកន្លែងដែលប្រារព្ធពិធីប្រកួតកីឡាអូឡាំពិច បន្ទាប់មកជូនទៅទស្សនា ហាងហែលទឹកដ៏ធំ (Water Cube) មើលពីក្រៅ។ ជូនទៅពិសារអាហារពេលល្ងាច រួចជូនទៅសម្រាកនៅសណ្ឋាគារ។

ទទួលទានអាហារពេលព្រឹករួច ទៅទស្សនា ទីលានធានអានមិន (Tiananmen Square) ដែលជាទីលានមួយដ៏ធំក្នុងចំណោមពិភពលោក និង ជាទីលានរំលឹកអនុស្សាវរីយ៍ដល់អ្នកដឹកនាំប្រទេសលោកម៉ៅសេទុង ហើយបន្តទៅ ព្រះបរមរាជវាំងចិន (Forbidden City) ដែលបន្សល់តាំងពីរជ្ជកាលឈីង និង មីងជាមួយនឹងប្រវិត្តិសាស្រ្ដដ៏វែងឆ្ងាយ (អាចនឹងមានការប្រែប្រួល)។ បន្ទាប់មកធ្វើដំណើរទៅកាន់ ទីក្រុងសៀងហៃ តាមរយៈរថភ្លើងល្បឿនលឿន និងពិសារអាហារពេលថ្ងៃល្ងាចលើរថភ្លើង បន្ទាប់មកជូនទៅសម្រាកនៅសណ្ឋាគារ។

ពិសាអាហារពេលព្រឹករួច ធ្វើដំណើរឡើងទៅ អគារប៉មសៀងហៃ (រួមបញ្ចូលសំបុត្រឡើងប៉ម) ។ រួចជូនទៅទស្សនា សារៈមន្ទីរប្រវត្តិសាស្រ្ដសៀងហៃ បន្ទាប់មកចេញដំណើរទៅកាន់ ឆ្នេរសៀងហៃ ដែលជាតំបន់បណ្ដុំទៅដោយអគារដែលមានរចនាបថបែបលោកខាងលិចនិងអាចថតរូបជាមួយទេសភាពដ៏ស្រស់ស្អាតនៃ អគារប៉មសៀងហៃ។  ហើយបន្តជូនទៅ ផ្លូវណានជីង ដែលបណ្ដុំទៅដោយហាងលក់ទំនិញឆ្ងាញ់ៗជាច្រើនដែលភ្ញៀវកត្តិយសអាចទទួលបាននូវបទពិសោធន៍ពីរបៀបរស់នៅប្រចាំតំបន់របស់ប្រជាជនសៀងហៃ រួចជូនទៅ វិហារឆឹងម៉ែវ បន្ទាប់មកជូនទៅថតរូបលេងកំសាន្ដនៅខាងមុខ កប៉ាល់LVទេសចរណ៍ដ៏ប្រណិត រួចជូនទៅទទួលទានអាហារពេលល្ងាច និងជូនទៅសម្រាកនៅសណ្ឋាគារ។

ពិសារអាហារពេលព្រឹករួច ទៅកំសាន្តនៅ សួនកំសាន្តឌីសនីឡែន (ចំណាយពេល១ថ្ងៃពេញសម្រាប់ការកំសាន្ត) ដែលជាសួនកំសាន្តលំដាប់ពិភពលោក មានផ្ទៃដីទំហំធំ ដែលក្នុងនោះមានល្បែងកំសាន្តជាច្រើនសម្រាប់ភ្ញៀវទេសចរដូចជា ការជិះរថភ្លើងក្រឡាប់ចាក់​ (ROLLER COSTER) ជិះយន្តហោះ(Jet Pack) ការទស្សនាការសម្ដែងពិសេសៗ ការចូលមើលពិភពអវតា មានការជិះទូកកំសាន្ត និងសម្មភាពជាច្រើនៗផ្សេងទៀត។ ជូនទៅសម្រាកនៅសណ្ឋាគារ។

ពិសាអាហារព្រឹករួច​  ជូនទៅព្រលានយន្ដហោះដើម្បីធ្វើការហោះហើរត្រលប់មកកាន់ភ្នំពេញវិញ។