ទីក្រុងប៉េកាំង សៀងហៃ សួនកំសាន្តឌីសនីឡែន

ជួបជុំគ្នានៅព្រលានយន្តហោះអន្តរជាតិភ្នំពេញ ដើម្បីធ្វើដំណើរឆ្ពោះទៅកាន់ព្រលានយន្តហោះអន្តរជាតិនៃ ទីក្រុងសៀងហៃ ដោយធ្វើការតជើងនៅ ទីក្រុងគ័ងចូវ (មិនមានអាហារកំឡុងពេលចាំតជើងហោះហើរ)។ ពេលទៅដល់ព្រលានយន្តហោះអន្តរជាតិនិងមានការរង់ចាំទទួលស្វាគមន៍យ៉ាងកក់ក្តៅពីមគ្គុទេសក៏ទេសចរដ៏ឆ្នើមរួសរាយរាក់ទាក់បន្ទាប់មកជូនទៅសម្រាកនៅសណ្ឋាគារ។

ទទួលទានអាហារពេលព្រឹករួច ធ្វើដំណើរឡើងទៅ អគារប៉មសៀងហៃ (រួមបញ្ចូលសំបុត្រឡើងប៉ម) រួចជូនទៅទស្សនា សារៈមន្ទីរប្រវត្តិសាស្ត្រសៀងហៃ រួចជដំណើរទៅកាន់ ឆ្នេរសៀងហៃ​ ដែលជាតំបន់បណ្តុំទៅដោយអគារដែលមានរចនាបថបែបលោកខាងលិចនិងអាចថតរូបជាមួយទេសភាពដ៏ស្រស់ស្អាតនៃ អគារប៉មសៀងហៃ។ ហើយបន្តជូនទៅ ផ្លូវណានជើង​ ដែលជាបណ្តុំទៅដោយហាងលក់ទំនិញឆ្ងាញ់ៗជាច្រើនដែលភ្ញៀវកត្តិយសអាចទទួលបាននូវបទពិសោធន៍ពីរបៀរស់នៅប្រចាំតំបន់របស់ប្រជាជនសៀងហៃ រួចជូនទៅ វិហារឆឹងម៉ែវ បន្ទាប់មកជូនទៅថតរូបលេងកំសាន្តនៅខាងមុខ កប៉ាល់LV ទេសចរណ៍ ដ៏ប្រណិតរួចជូនទៅទទួលទានអាហារពេលល្ងាច និងជូនទៅសម្រាកនៅសណ្ឋាគារ។

ទទួលទានអាហារពេលព្រឹករួច បន្តទៅកំសាន្តនៅ សួនកំសាន្តឌីសនីឡែន (ចំណាយពេល១ថ្ងៃពេញសម្រាប់ការកំសាន្ត) ដែលជាសួនកំសាន្តលំដាប់ពិភពលោក មានផ្ទៃដីទំហំធំ ដែលក្នុងនោះមានល្បែងកំសាន្តជាច្រើនសម្រាប់ភ្ញៀវទេសចរដូចជា ការជិះរថភ្លើងក្រឡាប់ចាក់(Roller Coster) ជិះយន្តហោះ (Jet Pack) ការទស្សនាការសម្តែងពិសេសៗ ការចូលមើលពិភពអវតារមានការជិះទូកកំសាន្ត និងសម្មភាពជាច្រើនៗផ្សេងទៀត។ ជូនទៅសម្រាកនៅសណ្ឋាគារ។

ពិសាអាហារពេលព្រឹករួច ធ្វើដំណើរទៅកាន់ទីក្រុងប៉េកាំង តាមរយៈរថភ្លើងល្បឿនលឿន ពិសារអាហារពេលថ្ងៃត្រង់លើរថភ្លើង។ ពេលធ្វើដំណើរទៅដល់ទីក្រុងប៉េកាំង ជូនទៅទស្សនា ទីលានធានអានមិន ដែលជាទីលានមួយដ៏ធំក្នុងចំណោមពិភពលោក និងជាទីលានរំលឹកអនុស្សាវរីយ៍ដល់អ្នកដឹកនាំប្រទេសលោកម៉ៅសេទុង ហើយបន្តទៅ ព្រះបរមរាជវាំងចិន ដែលបន្សល់តាំងពីរជ្ជកាលឈីង និង មីងជាមួយនឹងប្រវិត្តិសាស្ត្រដ៏វែងឆ្ងាយ (អាចនឹងមានការប្រែប្រួល)។​ បន្ទាប់មកជូនទៅពិសារអាហារពេលល្ងាចរួច ជូនទៅសម្រាកនៅសណ្ឋាគារ។

ពិសារអាហារពេលព្រឹករួច ទៅទស្សនា សំណង់អច្ឆរិយៈ មហាកំផែងនៃប្រទេសចិន ដែលជាតំបន់ទេសចរណ៍ប្រវត្តិសាស្ត្រដ៏អស្ចារ្យអមជាមួយទេសភាពនៃជួរភ្នំយ៉ាងស្រស់ស្អាត។ ជូនទៅថតរូបខាងក្រៅនៃ ពហុកីឡាដ្ឋាន(National Stadium) ដែលមានរាងដូចសំបុកចាប និងជាទីកន្លែងដែលប្រារព្ធពិធីប្រកួតកីឡាអូឡាំពិច បន្ទាប់មកជូនទៅទស្សនា ហាងហែលទឹកដ៏ធំ(Water Cube) មើលពីក្រៅ។ ជូនទៅពិសារអាហារពេលល្ងាចរួចជូនទៅសម្រាកនៅសណ្ឋាគារ។

ពិសាអាហារព្រឹករួច ជូនទៅព្រលានយន្តហោះដើម្បីធ្វើការហោះហើរត្រលប់មកកាន់ភ្នំពេញវិញដោយមានការតជើងយន្តហោះ។ (ក្រុមហ៊ុនរក្សាសិទ្ធិកែប្រែកម្មវិធីទៅតាមស្ថានភាពជាក់ស្តែង)។