ទីក្រុងសៀងហៃ - ហាងចូវ

ជួបជុំគ្នានៅព្រលានយន្តហោះអន្តរជាតិតេជោ ដោយមានការជួបទទួលស្វាគមន៏ យ៉ាងរួសរាយរាក់ទាក់ពីអ្នកនាំភ្ញៀវដ៏បុិនប្រសប់របស់ ក្រុមហ៊ុនទេសចរណ៍ ស្កាយឃីង ដើម្បីធ្វើការហោះហើរឆ្ពោះទៅកាន់ ទីក្រុងសៀងហៃ នៃទឹកដីប្រទេសចិន​។

ពេលទៅដល់ព្រលានយន្តហោះអន្តរជាតិ ទីក្រុងសៀងហៃ និងមានការទទួលស្វាគមន៍ពីមគ្គុទេសក៍ទេសចរដ៏ឆ្នើម ​ និងរួសរាយរាក់ទាក់ប្រចាំតំបន់។ ទទួលទានអាហារពេលព្រឹក ចាប់ផ្តើមធ្វើដំណើរឆ្ពោះទៅកាន់ ទីក្រុងហាងចូវ(Hangzhou) ទៅទស្សនា បឹងខាងលិច(West Lake) ជាបេះដូងនៃទីក្រុងហាងចូវ ដើរកម្សាន្តតាមមាត់បឹង ជិះទូកទស្សនាទេសភាព ថតរូបជាមួយស្ពាន និងប៉មបុរាណដ៏ស្រស់ស្អាត(រួមបញ្ចូលសំបុត្រជិះទូក)។ បន្តឆ្ពោះទៅទស្សនា វិថីបុរាណហឺហ្វាំង(Hefang Street)​ ដែលសម្បូរទៅដោយអាហារឆ្ងាញ់់ៗ សំណង់ស្ថាបត្យកម្មបុរាណចិនដ៏ល្អឯក និងហាងលក់វត្ថុអនុស្សាវរីយ៍ស្អាតៗ។ បន្តាប់មកជូនទៅទស្សនាកម្សាន្ត ទីក្រុងបាលឃូនី(City Balcony) ​ ដើរកម្សាន្តតាមមាត់ទន្លេ ថតរូបលេងជាមួយអគារខ្ពស់ៗ ដែលមានការបង្ហាញភ្លើង LED និង Light Show ដ៏អស្ចារ្យនៅពេលរាត្រី។ រួចជូនទៅទទួលទានអាហារពេលល្ងាចនិង ជូនទៅសម្រាកនៅសណ្ឋាគារ។

ពិសាអាហារពេលព្រឹកនៅសណ្ឋាគាររួច ធ្វើដំណើរត្រឡប់មកកាន់ ទីក្រុងសៀងហៃ វិញហើយជូនទៅទស្សនា អគារCheng Huang Miao អគារស្ថាបត្យកម្មបែបចិនបុរាណដ៏សំខាន់មួយរបស់ទីក្រុងហាងចូវ មានហាងលក់វត្ថុអនុស្សាវរីយ៍អាហារបែបប្រពៃណីរបស់សៀងហៃ មានសួនច្បារយ៉ាងស្រស់ស្អាត និងកន្លែកម្សាន្តជុំវីញច្រើនសម្បូរបែប។ រួចជូនទៅ វិថីណានជីង(Nanjing Road Walking Street) ជាផ្លូវដើរទិញទំនិញលេខ1របស់ទីក្រុងសៀងហៃ។ និងបន្តជូនទៅ តំបន់មាត់ទន្លេ(The Bund) ជានិមិត្តរូបនៃទីក្រុងសៀងហៃ ពីមាត់ទន្លេ The Bund ភ្ញៀវអាចគយគន់ទេសភាពដ៏អស្ចារ្យនៃតំបន់ Lujiazui នៅពេលរាត្រីមានពន្លឺភ្លើងចម្រុះពណ៌ពីអគារទាំងសងខាងទន្លេ បង្កើតបានជាទសនីយភាពដ៏ស្រស់ស្អាត និងទាក់ទាញ ល្អសម្រាប់ថតរូបអនុស្សាវរីយ៍។ ជូនទៅទទួលទានអាហារពេលល្ងាចដ៏ឆ្ងាញ់ពិសារ រួចជូនទៅសម្រាកនៅសណ្ឋាគារ។

ពិសារអាហារពេលព្រឹកនៅសណ្ឋាគារ រួចធ្វើដំណើរទៅកាន់ Disneyland ជាសួនកម្សាន្តដ៏ធំ និងទំនើបបំផុតមួយនៅអាស៊ី រីករាយជាមួយឧបករណ៍កម្សាន្តទំនើបៗ ទស្សនាក្បួនដង្ហែ ដែលរួមបញ្ចូលមានការសម្តែងបែប ឌីស្នី(Disney) អាចថតរូបអនុស្សាវរីយ៍ជាមួយតួអង្គប្រចាំដួងចិត្ត ជាពិសេសនៅពេលរាត្រី មានការសម្តែងពន្លឺភ្លើង និងការបាញ់កាំជ្រួចស្រស់ស្អាតត្រីជុំវិញប្រាសាទ ឌីស្នី(លេងកម្សាន្តមួយថ្ងៃពេញ) ។ បន្ទាប់ពីកម្សាន្តរួចជូនទៅសម្រាកនៅសណ្ឋាគារវិញ។

ពិសារអាហារពេលព្រឹកនៅសណ្ឋាគារ រួចចាប់ផ្តើមធ្វើដំណើរទៅកាន់ ប៉មសៀងហៃ(Oriental Pearl Tower) ជានិមិត្តរូបដ៏ល្បីល្បាញមួយនៃ ទីក្រុងសៀងហៃ ឡើងទៅលើប៉មទី2 ឈរលើកញ្ចក់ថ្លា(Glass Skywalk) គយគន់ទិដ្ឋភាពទេសភាពទីក្រុងសៀងហៃបាន 360 ដឺក្រេ(មានរួមបញ្ចូលសំបុត្រ និងអាហារប៊ូហ្វេ)។ ជូនទៅទស្សនា ហាងកាហ្វេ(Starbucks Reserve Roastery) ​​ ដែលជាហាងកាហ្វេ Starbucks ដ៏ធំបំផុតមួយក្នុងទិក្រុង ស្វែងយល់អំពីដំណើរការផលិតកាហ្វេ ពីការលីងគ្រាប់កាហ្វេរហូតដល់ការឆុងកាហ្វេ។ បន្តជូនទៅទស្សនា នាវាយក្ស LV(LV Giant Ship) ដែលមានការរចនារូបរាងជា នាវាយក្ស អាចថតរូបអនុស្សាវរីយ៍ ហើយជាកន្លែង check-in ដ៏ពេញនិយមសម្រាប់អ្នកទេសចរដែលចូលចិត្តការតែងខ្លួនបែបទាន់សម័យ និងចូលចិត្តប្រណីតភាពនៃ ទីក្រុងសៀងហៃ។(មិនមានការចូលក្នុងហាង) ហើយបន្តទៅតំបន់ (Florence Village) ផ្សារទំនើបបែប Outlet ប្រណិតនៅប្រទេសចិន រចនាបទទីក្រុងបែបអ៊ីតាលីពិសេសយកលំនាំពីទីក្រុង ហ្លូរ៉េនស៍(Florence) ។ រួចធ្វើដំណើរទៅព្រលានយន្តហោះអន្ដរជាតិ ទីក្រុងសៀងហៃ ដើម្បីធ្វើការហោះហើរត្រលប់មកទីក្រុងភ្នំពេញវិញប្រកបដោយភាពសប្បាយរីករាយជាមួយនឹងអនុស្សាវរីយ៍ស្នាមញញឹមដែលមិនអាចបំភ្លេចបានពី ក្រុមហ៊ុនទេសចរណ៍ ស្កាយឃីង ។