ទីក្រុងគួយលីញ-ណាននីង-យ៉ាងស័រ-គួយចូវ

ជួបជុំគ្នានៅព្រលានយន្តហោះអន្តរជាតិតេជោ ដោយមានការជួបទទួលស្វាគមន៏ យ៉ាងរួសរាយរាក់ទាក់ពីអ្នកនាំភ្ញៀវដ៏បុិនប្រសប់របស់ ក្រុមហ៊ុនទេសចរណ៍ ស្កាយឃីង ដើម្បីធ្វើការហោះហើរឆ្ពោះទៅកាន់ ទីក្រុងណាននីង នៃទឹកដីប្រទេសចិន​។ ពេលទៅដល់ទីនោះនឹងមានការទទួលស្វាគមន៏យ៉ាងកក់ក្តៅពីសំណាក់មគ្គុទ្ទេសក៍ទេសចរណ៍ដ៏ឆ្នើម រួចបន្តជូនទៅសម្រាកនៅសណ្ធាគារ។

ពិសាអាហារពេលព្រឹកនៅសណ្ឋាគារ រួចធ្វើដំណើរទៅលេងឈូងសមុទ្រ លីជាំង (Lijiang Bay) ជាតំបន់ទេសចរណ៍បែបធម្មជាតិដ៏ស្រស់ស្អាត មានថ្មកំបោរ(Karst)​ ទម្រង់ភ្នំ យ៉ាងស្អាតប្លែកភ្នែក ប៉ះជាមួយនឹងផ្ទៃទឹកទន្លេដ៏ថ្លាឈ្វេង ជូនជិៈកន្រ្តកខ្សែកាប ដើរលើស្ពានកញ្ចក់ ជិះទូកនាគគយគន់ទេសភាព​ ​ និងចូលល្អាងភ្នំធានកុង (Tiangong Yuan)​​ ជាឋានសួគ៌សិប្បនិម្មិតនៅក្នុងរូងភ្នំ មានទឹកធ្លាក់បាញ់ចេញពីជញ្ជាំងថ្ម និងមានបឹងទឹកថ្លាៗនៅខាងក្នុង (មានរួមបញ្ចូលសំបុត្រ)។ ជូនទៅពិសារអាហារថ្ងៃត្រង់នៅភោជនីយដ្ឋាន រួចបន្តជូនទៅទស្សនា ភ្នំព្រះច័ន្ទ អាចថតរូបជាមួយភ្នំដែលមានរាងចំណិតដូចព្រះច័ន្ទ ព្រមទាំងមានទេសភាពស្រស់ស្អាតខៀវស្រងាត់ និងត្រជាក់ភ្នែក។ ពេលល្ងាចជូនដើរកម្សាន្តនៅ វិថីថ្មើរជើង West Street ដែលសម្បូរទៅដោយអាហារឆ្ងាញ់់ៗប្រចាំតំបន់ និងហាងលក់វត្ថុអនុស្សាវរីយ៍ស្អាតៗ។ ពិសាអាហារពេលល្ងាច រួចជូនទៅសម្រាកនៅសណ្ឋាគារ។

បន្ទាប់ពីពិសារអាហារពេលព្រឹករួច នឹងមានការជូនទៅ ជិៈទូកឬស្សី (Raft Boat) តាមដងទន្លេគយគន់ទេសភាពដ៏ស្រស់ស្អាតជាមួយនឹងភ្នំអមសងខាង។ បន្ទាប់មកជូនទៅពិសារអាហារថ្ងៃត្រង់នៅភោជនីយដ្ឋាន នឹងជូនទៅទស្សនា តំបន់ Shangri La ជាឋានសួគ៌លើដីមានទេសភាពខៀវស្រងាត់ ព័ទ្ធជុំវិញដោយភ្នំថ្ម វាលស្មៅបៃតងល្វឹងល្វើយ និងបឹងធម្មជាតិដ៏ស្រស់ស្អាត។ នៅពេលរាត្រីបន្តជូនទៅ បឹងសានហ៊ូ ទស្សនាពន្លឺភ្លើងចម្រុះពណ៌បំភ្លឺជុំវិញបឹង និងប៉មព្រះអាទិត្យ-ព្រះច័ន្ទ ដែលចាំងប៉ះលើផ្ទៃទឹកយ៉ាងស្រស់ស្អាត។ បន្តជូនទៅ វិថីជិនយ៉ាង សម្បូរទៅដោយហាងលក់ទំនិញ និងម្ហូបអាហារប្រចាំតំបន់យ៉ាងសម្បូរបែប។ រួចជូនទៅពិសាអាហារពេលល្ងាច នឹងជូនទៅសម្រាកនៅសណ្ឋាគារ។

បន្ទាប់ពីពិសារអាហារពេលព្រឹករួច នឹងមានការជូនទៅទស្សនា ភ្នំប្រមោយដំរី ដែលមានរូបរាងដូចក្បាលដំរី និងមានទេសភាពស្រស់ស្អាត។ បន្ទាប់មកជូនទៅ ឧទ្យានផ្កាយប្រាំពីរ ដែលជាឧទ្យានធម្មជាតិដ៏ធំបំផុតនៅទីក្រុង Guilin ជិះរថយន្តអគ្គិសនី ធ្វើដំណើរជុំវិញឧទ្យាន ស្លៀកពាក់សម្លៀកបំពាក់បែបប្រពៃណីចិន និងថតរូបអនុស្សាវរីយ៍ (រួមបញ្ចូលតម្លៃរួចជាស្រេច)។ រួចជូនទៅពិសារអាហារថ្ងៃត្រង់នៅភោជនីយដ្ឋាន នឹងបន្តទៅទស្សនា ទីក្រុងបុរាណលីវចូវ ដើរកម្សាន្តតាមផ្លូវបុរាណ ភ្លក់ម្ហូបប្រចាំតំបន់ និងរីករាយជាមួយទេសភាពពេលរាត្រីដែលមានពន្លឺភ្លើងស្រស់ស្អាត និងបរិយាកាសដ៏រស់រវើក។ បន្ទាប់មកជូនពិសាអាហារពេលល្ងាច រួចជូនទៅសម្រាកនៅសណ្ឋាគារ។

បន្ទាប់ពីពិសារអាហារពេលព្រឹករួច នឹងមានការជូនទៅទស្សនា ឧទ្យានឡុងថាន ដែលជាឧទ្យានធម្មជាតិមានទេសភាពខៀវស្រងាត់ បឹងថ្លាដូចកញ្ចក់ ភ្នំថ្មធម្មជាតិ និងសួនច្បារបែបចិនបុរាណដ៏ស្រស់ស្អាត។ រួចទៅដើរកម្សាន្តនៅ ផ្សារទំនើប ទីក្រុងណាននីង​ ដើរទិញទំនិញប្រចាំតំបន់ និងថតរូបអនុស្សាវរីយ៍យ៉ាងសប្បាយរីយរាយ។ បន្ទាប់មកធ្វើការហោះហើរត្រលប់មកទីក្រុងភ្នំពេញវិញប្រកបដោយភាពសប្បាយរីករាយជាមួយនឹងអនុស្សាវរីយ៍ស្នាមញញឹមដែលមិនអាចបំភ្លេចបានពី ក្រុមហ៊ុនទេសចរណ៍ ស្កាយឃីង។