ប្រទេសចិន|ឃុនមីង+តាលី+លីជាំង

ជួបជុំគ្នានៅព្រលានយន្តហោះអន្តរជាតិភ្នំពេញ ដើម្បីធ្វើដំណើរឆ្ពោះទៅកាន់ ទីក្រុងឃុនមីង នៃប្រទេសចិន។ ពេលទៅដល់ព្រលានយន្តហោះអន្តរជាតិ នឹងមានការទទួលស្វាគមន៍យ៉ាងកក់ក្តៅពីមគ្គុទេសក៏ទេសចរដ៏ឆ្នើមនិងរួសរាយរាក់ទាក់ រួចជូនទៅ ទីលាន Golden Horse និង Jade Rooster ដែលជានិមិត្តរូបតំណាងទីក្រុងឃុនមីង រួចបន្តទៅ វិថីណានភីង​ - Nanping Pedestrian Street រួចជូនទៅសម្រាកនៅសណ្ឋាគារ។

ពិសាអាហារពេលព្រឹករួច ធ្វើដំណើរតាម រថភ្លើងល្បឿនលឿន ទៅកាន់​ ទីក្រុងលីជាំង ហើយទៅកម្សាន្តនៅ ទីក្រុងបុរាណលីជាំង - Old Town of Lijiang គឺជាទីក្រុងបុរាណដ៏ល្បីរបស់ប្រទេសចិនដែលសម្បូរទៅដោយសំណង់បុរាណជាច្រើនអមទៅដោយទេសភាពដ៏ស្រស់ស្អាត និងទៅកម្សាន្តនៅ វិថីសឺហ្វាង​ - Lijiang Town Square។ រួចជូនទៅកំសាន្តនៅ បឹងនាគខ្មៅ - Black Dragon Pool ជាបឹងដែលមានទឹកថ្លាដូចកញ្ចក់ ថែមទាំងមានទេសភាពភ្នំទឹកកកនៅពីក្រោយ​ ដែលមើលទៅស្អាតដូចជាផ្ទាំងគំនូរ។ ទទួលទានអាហារពេលល្ងាចរួច ជូនទៅសម្រាកនៅសណ្ឋាគារ។​​​

ពិសាអាហារពេលព្រឹករួច ជូនទៅ ជិះកន្ត្រាក់ខ្សែកាបឡើងទៅលើភ្នំទឹកកកអ៊ីឡុង​ - ​Jade Dragon Snow Mountain ដើម្បីគយគន់ទេសភាពភ្នំទឹកកកដ៏ស្រស់ស្អាត។​ ជូនទៅទស្សនា ការសម្តែងរបាំប្រពៃណីលីជាំង ដែលមានការចូលរួមសម្តែងពីសិល្បៈកររាប់រយនាក់។  បន្តដំណើរទៅទស្សនា ជ្រលងភ្នំព្រះចន្ទខៀវ​ - Blue Moon Valley ជាតំបន់ទេសចរណ៍ដែលល្បីប្រចាំទីក្រុងលីជាំង មានទឹកបឹងថ្លាឆ្វេងខៀវស្រងាត់ អមជាមួយនឹងទេសភាពនៅជ្រលងភ្នំនៅពីក្រោយ ដែលរំលេចចេញជាទស្សនីយភាពដ៏ស្រស់ស្អាត និងទស្សនា​ ទន្លេទឹកស  - Baishui River ដែល​លោកអ្នកអាចឡើងជិះ និង ថតជាមួយសត្វគោព្រៃទឹកកកនៅទីនោះផង (ចំណាយថវិកាផ្ទាល់ខ្លួន)។ ទទួលទានអាហារពេលល្ងាចរួច ជូនទៅសម្រាកនៅសណ្ឋាគារ។​​​

ពិសាអាហារពេលព្រឹករួច ធ្វើដំណើរទៅកាន់​ ទីក្រុងតាលី​។​ បន្ទាប់មកជូនទៅទស្សនា ទីក្រុងបុរាណស៊ីចូវ​ - Xizhou Ancient Town រួចបន្តដំណើរទៅកម្សាន្តនៅ ផ្លូវអក្សរ S ដែលជាផ្លូវជាប់នឹងសមុទ្រ​ លោកអ្នកក៏អាចជួលកង់ជិះកម្សាន្តតាមមាត់សមុទ្រផងដែរ​ (ចំណាយថវិកាផ្ទាល់ខ្លួន)។ បន្តដំណើរទៅទស្សនា ទីក្រុងបុរាណតាលី​ - Dali Ancient Town ដែលនៅទីនោះមានហាងលក់ទំនិញ​ និង ម្ហូបអាហារប្រចាំតំបន់ជាច្រើនប្រភេទ។ ទទួលទានអាហារពេលល្ងាចរួច ជូនទៅសម្រាកនៅសណ្ឋាគារ។​​​​

ពិសាអាហារពេលព្រឹករួច ជូនទៅទស្សនា តំបន់ទេសចរណ៍តាលីសេនតូរេននី - Dali Santorini ដែលមានទីតាំងជាប់នឹងមាត់សមុទ្រ​ និងបានសាងសង់ឡើងស្រដៀងសេនតូរេននីនៅប្រទេសក្រិក (មានរួមបញ្ជូលសំបុត្រជិះឡានអគ្គិសនី)។ បន្ទាប់មកធ្វើដំណើរត្រឡប់មក ទីក្រុងឃុនមីង វិញដើម្បីទទួលទានអាហារពេលល្ងាចរួច ជូនទៅសម្រាកនៅសណ្ឋាគារ។​​​​

ពិសាអាហារពេលព្រឹករួច ជូនទៅព្រលានយន្តហោះ ដើម្បីធ្វើការហោះហើរត្រលប់មកកាន់ ទីក្រុងភ្នំពេញវិញ។