Kunming ដែលជាទីក្រុងទំនើប និងជាមជ្ឈមណ្ឌលដឹកជញ្ជូននៃខេត្ត Yunnan ភាគខាងត្បូងប្រទេសចិន មានសិស្សនិស្សិតច្រើន និងមានអាកាសធាតុត្រជាក់ពេញមួយឆ្នាំ។ ស្ពាន និងព្រះពន្លាឆ្លងកាត់កោះ Cui Hu (បឹងបៃតង) ដែលជាឧទ្យានរចនាក្នុងសតវត្សទី 17 ។ នៅក្បែរនោះគឺ Yuantong Si ។ ប្រាសាទដែលបង្កើតឡើងដោយពុទ្ធសាសនិកនៅសតវត្សទី៨ វាមានសាលបដិមាមួយ និងស្រះទឹកដែលមានស្ពានថ្មដ៏ប្រណិត។
ថ្ងៃទី 1៖ ទីក្រុងភ្នំពេញ - ទីក្រុងឃុនមីង
ជួបជុំគ្នានៅព្រលានយន្តហោះអន្តរជាតិភ្នំពេញ ដើម្បីធ្វើដំណើរឆ្ពោះទៅកាន់ ទីក្រុងឃុនមីង នៃប្រទេសចិន។ ពេលទៅដល់ព្រលានយន្តហោះអន្តរជាតិ នឹងមានការទទួលស្វាគមន៍យ៉ាងកក់ក្តៅពីមគ្គុទេសក៏ទេសចរដ៏ឆ្នើមនិងរួសរាយរាក់ទាក់។ ទទួលទានអាហារពេលល្ងាចរួច ជូនទៅទស្សនានៅ ទីលានGolden Horse និង Jade Rooster ដែលជានិមិត្តរូបតំណាងទីក្រុងឃុនមីង រួចបន្តទៅ វិថីណានភីង (Nanping Pedestrian Street) រួចជូនទៅសម្រាកនៅសណ្ឋាគារ។
អាហាររួមបញ្ចូល
ថ្ងៃទី 2៖ ទីក្រុងឃុនមីង - រថភ្លើងល្បឿនលឿន -ទីក្រុងលីជាំង
ពិសាអាហារពេលព្រឹករួច ធ្វើដំណើរតាម រថភ្លើងល្បឿនលឿន ទៅកាន់ ទីក្រុងលីជាំង ហើយទៅកម្សាន្តនៅ ទីក្រុងបុរាណលីជាំង (Old Town of Lijiang) គឺជាទីក្រុងបុរាណដ៏ល្បីរបស់ប្រទេសចិនដែលសម្បូរទៅដោយសំណង់បុរាណជាច្រើនអមទៅដោយទេសភាពដ៏ស្រស់ស្អាត និងទៅកម្សាន្តនៅ វិថីសឺហ្វាង (Lijiang Town Square)។ រួចជូនទៅកំសាន្តនៅ បឹងនាគខ្មៅ (Black Dragon Pool) ជាបឹងដែលមានទឹកថ្លាដូចកញ្ចក់ ថែមទាំងមានទេសភាពភ្នំទឹកកកនៅពីក្រោយ ដែលមើលទៅស្អាតដូចជាផ្ទាំងគំនូរ។ ទទួលទានអាហារពេលល្ងាចរួច ជូនទៅសម្រាកនៅសណ្ឋាគារ។
អាហាររួមបញ្ចូល
ថ្ងៃទី3 ៖ ទីក្រុងលីជាំង
ពិសាអាហារពេលព្រឹករួច ជូនទៅ ជិះកន្ត្រាក់ខ្សែកាបឡើងទៅលើភ្នំទឹកកកអ៊ីឡុង (Jade Dragon Snow Mountain) ដើម្បីគយគន់ទេសភាពភ្នំទឹកកកដ៏ស្រស់ស្អាត។ ជូនទៅទស្សនា ការសម្តែងរបាំប្រពៃណីលីជាំង ដែលមានការចូលរួមសម្តែងពីសិល្បៈកររាប់រយនាក់។ បន្តដំណើរទៅទស្សនា ជ្រលងភ្នំព្រះចន្ទខៀវ (Blue Moon Valley) ជាតំបន់ទេសចរណ៍ដែលល្បីប្រចាំទីក្រុងលីជាំង មានទឹកបឹងថ្លាឆ្វេងពណ៌ខៀវសំងាត់ អមជាមួយនឹងទេសភាពនៅជ្រលងភ្នំនៅពីក្រោយ ដែលរំលេចចេញជាទស្សនីយភាពដ៏ស្រស់ស្អាត និងទស្សនា ទន្លេទឹកស (Baishui River) ដែលលោកអ្នកអាចឡើងជិះ និង ថតជាមួយសត្វគោព្រៃទឹកកកនៅទីនោះផង (ចំណាយថវិកាផ្ទាល់ខ្លួន)។ បន្ទាប់មកជូនទៅថតរូបលេងកម្សាន្តនៅ ឧទ្យានថីងហ័រគូ（Tinghua Valley）ជាឧទ្យានដែលមានផ្កាចម្រុះពណ៌ដ៏ស្រស់ស្អាត ថែមទាំងមានផ្ទះហបប៊ីតុន (ផ្ទះមនុស្សតឿ) ដ៏ល្បីល្បាញប្រចាំប្រទេសញូវហ្សេលែនទៀតផង។ ទទួលទានអាហារពេលល្ងាចរួច ជូនទៅសម្រាកនៅសណ្ឋាគារ។
អាហាររួមបញ្ចូល
