ហាអឺពីង Harbin គឺជាក្រុងមួយនៃខេត្ត Heilongjiang ភាគខាងជើងបំផុតរបស់ប្រទេសចិន។ ទីក្រុងនេះបានរីកចម្រើននៅចុងសតវត្សទី 19 ជាមួយនឹងការហូរចូលនៃវិស្វកររុស្ស៊ីដែលសាងសង់ជើងខាងកើតនៃផ្លូវដែក Trans-Siberian ។ ស្ថាបត្យកម្មរុស្ស៊ីរបស់ទីក្រុងនេះរួមមានវិហារ Saint Sophia ដែលមានដំបូលពណ៌បៃតង ដែលជាវិហារគ្រិស្តអូស្សូដក់ភាគខាងកើត ដែលឥឡូវជាសារមន្ទីរប្រវត្តិសាស្ត្រក្នុងស្រុក។ ឆ្លងកាត់ទន្លេ ឧទ្យានកោះស៊ុន មានភាពល្បីល្បាញសម្រាប់រូបចម្លាក់ទឹកកកពេញមួយឆ្នាំ។
ថ្ងៃទី 1៖ ទីក្រុងភ្នំពេញ-ទីក្រុងហាអឺពីង
ជួបជុំគ្នានៅព្រលានយន្តហោះអន្តរជាតិភ្នំពេញ ដើម្បីធ្វើដំណើរឆ្ពោះទៅកាន់ ទីក្រុងហាអឺពីង នៃប្រទេសចិន។ (សម្រាក និងទទួលទានអាហារ លើយន្តហោះ)។
អាហាររួមបញ្ចូល
ថ្ងៃទី 2៖ ទីក្រុងហាអឺពីង
ពេលទៅដល់ព្រលានយន្តហោះអន្តរជាតិ នឹងមានការទទួលស្វាគមន៍យ៉ាងកក់ក្តៅពីមគ្គុទេសក៏ទេសចរដ៏ឆ្នើមនិងរួសរាយរាក់ទាក់។ ធ្វើដំណើរទៅ ហាងលក់ខោអាវរងារ បន្ទាប់មកជូនទៅថតរូបកម្សាន្តនៅ វិហារសាសនាកាតូលិកសេនសូហ្វៀ (Saint Sophia's Church) ដែលជាវិហារការតូលិកសាងសង់ឡើងមានរចនាបទបែបប្រពៃណីរបស់ប្រទេសរុស្សី។ បន្តទៅទស្សនា ឧទ្យានស្ដាលីន (Harbin Stalin Park) ហើយបន្តទៅថតរូបកម្សាន្តនៅ រូបសំណាក់រំលឹកអនុស្សាវរីយ៍ហាអឺពីង (Harbin Memorial Tower)។ បន្តជូនទៅ វិថីចុងយ៉ាង (Zhongyang Street) ដែលជាវិថីពាណិជ្ជកម្មល្បីខ្លាំងប្រចាំទីក្រុងហាអឺពីង មានហាងលក់ចំណីអាហារ វត្ថុអនុស្សាវរីយ៍ និង ហាងទំនិញជាច្រើន។ ទទួលទានអាហារពេលល្ងាចរួច ជូនទៅសម្រាកនៅសណ្ឋាគារ។
អាហាររួមបញ្ចូល
ថ្ងៃទី 3៖ ទីក្រុងហាអឺពីង - ទីក្រុងយ៉ាប៉ូលី - ភូមិព្រិល
ពិសាអាហារពេលព្រឹករួច ធ្វើដំណើរទៅកាន់ ទីក្រុងយ៉ាប៉ូលី ដើម្បីទៅដកពិសោធន៍ ការជិះរទេះសេះលើទឹកកក ដែលជាឧបករណ៍ដឹកជញ្ជូនទំនិញ ក៏ដូចជាឧបករណ៍សម្រាប់ធ្វើដំណើរតាំងពីសម័យមុន។ បន្ទាប់មកធ្វើដំណើរបន្តទៅកាន់ ភូមិព្រិល （China Snow Town） ដែលល្បីឈ្មោះខ្លាំងប្រចាំខេត្តហ៊ីឡុងជាំង ដោយនៅក្នុង ភូមិព្រិល នោះមានកន្លែងថតរូបស្អាតៗជាច្រើនអមដោយទេសភាពតាមចង្កេះភ្នំគ្របដណ្តប់ដោយព្រិលសក្បុស។ ទទួលទានអាហារពេលល្ងាចរួច ជូនទៅសម្រាកនៅសណ្ឋាគារនៅក្នុង ភូមិព្រិល ។
អាហាររួមបញ្ចូល
ថ្ងៃទី 4៖ ភូមិព្រិល - ទីក្រុងហាអឺពីង
ពិសាអាហារពេលព្រឹករួច ជូនទៅទស្សនា ប្រៃសណីយ៍ភូមិព្រិល (Snow Village Post Office) និងសារមន្ទីរភូមិព្រិល (Snow Village Museum )។ រួចជូនទៅថតរូបលេងជាមួយផ្ទាំងសិលាចារឹកភូមិព្រិល និងដើរកំសាន្តតាមវីថីស៊ីអ៊ីន (XueYun Street)ដែលជាវិថីក្រាលដោយព្រិលសក្បុស អមជាមួយហាងលក់ចំណីអាហារ និង ទេសភាពតាមចង្កេះភ្នំយ៉ាងស្រស់ស្អាត។ បន្ទាប់មក ធ្វើដំណើរត្រឡប់មក ទីក្រុងហាអឺពីងវិញ។ ទទួលទានអាហារពេលល្ងាចរួច ជូនទៅសម្រាកនៅសណ្ឋាគារ។
អាហាររួមបញ្ចូល
.jpg)
ថ្ងៃទី 5៖ ទីក្រុងហាអឺពីង
ពិសាអាហារពេលព្រឹករួច ជូនទៅកម្សាន្តនៅ ឧទ្យាវ៉ុលហ្គាម៉ាន័រ (Volga Manor) ដែលជាសួនកម្សាន្តដ៏ល្បីឈ្មោះនៅទីក្រុងហាអឺពីង ដោយក្នុងនោះក៏សម្បូរទៅដោយសំណង់ដែលមានរចនាបទបែបប្រទេសរុស្សីជាច្រើនផងដែរ។ បន្ទាប់មកជូនទៅ ជិះកន្រ្តាក់ខ្សែកាបឆ្លងកាត់ទន្លេសុងហ័រ (Songhua River) គយគន់ទេសភាពទីក្រុងហាអឺពីងដែលកំពុងគ្របដណ្តប់ដោយព្រិល។ បន្តជូនទៅថតរូបលេងកម្សាន្តពីខាងក្រៅនៅ សាលមហោស្រពហាអឺពីង (Harbin Grand Theatre) ដែលជាកន្លែងសម្តែងសិល្ប:ប្រចាំទីក្រុងហាអឺពីង និងមានរចនាបទស្អាតប្លែកប្រៀបដូចនឹងសំណង់នៃអនាគត។ បន្ទាប់មកជូនទៅ ពិភពចម្លាក់ទឹកកកហាអឺពីង (Harbin Ice and Snow World) ដោយក្នុងនោះសុទ្ធតែជារូបចម្លាក់ស្អាតៗជាច្រើន ដែលធ្វើចេញពីដុំទឹកកក ។ ទទួលទានអាហារពេលល្ងាចរួច ជូនទៅសម្រាកនៅសណ្ឋាគារ។
អាហាររួមបញ្ចូល
ថ្ងៃទី 6៖ ទីក្រុងហាអឺពីង - ទីក្រុងភ្នំពេញ
ពិសាអាហារពេលព្រឹករួច ជូនទៅព្រលានយន្តហោះ ដើម្បីធ្វើការហោះហើរត្រលប់មកកាន់ ទីក្រុងភ្នំពេញវិញ។
អាហាររួមបញ្ចូល
