ទីក្រុងឆឹងទូ + ទីក្រុងឆុងឈីង + ទីក្រុងទូជាំងយាន

ជួបជុំគ្នានៅព្រលានយន្តហោះអន្តរជាតិតេជោក្រុងតាខ្មៅ ដើម្បីធ្វើការហោះហើរឆ្ពោះទៅកាន់ ទីក្រុងឆុងឈីង។ ពេលទៅដល់ព្រលានយន្តហោះអន្តរជាតិ និងមានការរង់ចាំទទួលស្វាគមន៍យ៉ាងកក់ក្តៅពីមគ្គុទេសក៏ទេសចរដ៏រួសរាយរាក់ទាក់រួចជូនទៅពិសារអាហារពេលល្ងាច និងសម្រាកនៅសណ្ឋាគារ។

ពិសាអាហារពេលព្រឹករួច ធ្វើដំណើរតាមរយៈរថយន្ដក្រុងទៅកាន់ទីក្រុងឆឹងទូ ដើម្បីជូនទៅកម្សាន្ត នៅ សួនផ្កាម៉ាន់ហ័រ ជាសួនផ្កាដ៏ស្រស់ស្អាតមានផ្ការចម្រុះពណ៌ទៅតាមរដូវកាលនីមួយៗគួរជាទីគយគន់(រួមបញ្ចូលសំបុត្រស្ពានកញ្ចក់)។ ជូនទៅទស្សនា វិថីឈុនស៊ី ជាវិថីថ្មើជើងមានផ្សារទំនើបធំៗ និងហាងលក់ទំនិញជាច្រើនសម្បូរបែប រួចបន្តជូនទៅទស្សនា អគារ IFS ជាអគារខ្ពស់មួយដ៏ល្បីនៅទីក្រុងឆឹងទូ បន្ទាប់មកជូនទៅទទួលទានអាហារពេលល្ងាច រួចជូនទៅសម្រាកនៅសណ្ឋាគារ។

ពិសាអាហារពេលព្រឹករួច ធ្វើដំណើរតាមរយៈរថយន្ដក្រុងទៅកាន់ទីក្រុងទូជាំងយានដើម្បីទៅទស្សនា សួនខ្លាឃ្មុំផេនដា ជាកន្លែងអមទៅដោយទេសភាព និងបរិយាកាសធម្មជាតិដ៏ស្រស់ត្រកាល។ បន្តជូនទៅទស្សនា បណ្ណាល័យចុងស៊ូកើ ជាកន្លែងបណ្ដុំសៀវភៅ និងឯកសាររាប់ពាន់សម្បូរបែប រួចជូនទៅទស្សនា ទីលានយ៉ាងធានវ័រ ជាកន្លែងល្បីល្បាញមានរូបខ្លាឃ្មុំដ៏ធំតំណាងអោយទីក្រុងឆឹងទូ និងជូនទៅទស្សនា ស្ពានទឹកភ្នែកខៀវ ជាកន្លែងមានទេសភាពភ្លើងពណ៌បំភ្លឺលើអគារ និងផ្ទៃទឹកពណ៌ខៀវនាពេលរាត្រីដ៏ស្រស់ស្អាត។ បន្ទាប់មកជូនទៅពិសារអាហារល្ងាច រួចជូនទៅសម្រាកនៅសណ្ឋាគារ។

ពិសាអាហារពេលព្រឹករួច ធ្វើដំណើរតាមរយៈរថភ្លើងល្បឿនលឿនទៅកាន់ទីក្រុងឆុងឈីង ដើម្បីជូនទៅទស្សនា ផ្លូវរថភ្លើងលីជឺប៉ា ជាទីតាំងមួយដ៏អស្ចារ្យដែលមានខ្សែរថភ្លើងជាច្រើនជិះធ្លុះចូលទៅក្នុងអគារ រួចជូនទៅទស្សនា អគារគួយស៊ីង ជាអគារដ៏ល្បីដែលមានស្ថាបត្យកម្មដ៏ប្លែកដោយចូលពីជាន់ទីមួយ ប៉ុន្តែចេញពីម្ខាងទៀតស្មើនឹងជាន់ទី22។ ជូនទៅទស្សនា វិថីជ័យជំនះជាហ្វាងប៉ី ជាកន្លែងរំលឹកដល់ជ័យជំនះប្រទេសចិនជាមួយជប៉ុនក្នុងឆ្នាំ1937 នៅសង្គ្រាមលោកលើកទី2 (រួមបញ្ចូលកន្ត្រកខ្សែកាបឆ្លងកាត់ទន្លេយ៉ាងជាំង) និងបន្តជូនទៅទស្សនា អគារហុងយ៉ាតុង ជាអគារថ្នាក់ៗ១១ជាន់សង់នៅលើជម្រាលភ្នំ រំលេចនៅភ្លើងពណ៌នាពេលរាត្រីដ៏គួរអោយគយគន់ រួចជូនទៅពិសារអាហារពេលល្ងាច បន្ទាប់ជូនទៅសម្រាកនៅសណ្ឋាគារ។

ធ្វើដំណើរទៅកាន់ព្រលានយន្ដហោះអន្តជាតិឆុងឈីង ដើម្បីត្រៀមខ្លួនសម្រាប់ការហោះហើរត្រឡប់មកកាន់ប្រទេសកម្ពុជាវិញដោយភាពសុខសុវត្ថិភាព៕