ទីក្រុងឆឹងទូ + ទីក្រុងឆុងឈីង + ទីក្រុងទូជាំងយាន

ជួបជុំគ្នានៅព្រលានយន្តហោះអន្តរជាតិតេជោ ដើម្បីធ្វើដំណើរឆ្ពោះទៅកាន់ ទីក្រុងឆុងឈីង។ ពេលទៅដល់ព្រលានយន្តហោះអន្តរជាតិទីក្រុងឆុងឈីង និងមានការរង់ចាំទទួលស្វាគមន៍យ៉ាងកក់ក្តៅពីមគ្គុទេសក៏ទេសចរដ៏ឆ្នើមរួសរាយរាក់ទាក់ រួចជូនទៅសម្រាកនៅសណ្ឋាគារ។

ពិសារអាហារពេលព្រឹករួច ធ្វើដំណើរតាមរយៈរថយន្ដក្រុងទៅកាន់ ទីក្រុងឆឹងទូ ដើម្បីទៅកម្សាន្តនៅ សួនផ្កាអ៊ូរិនជាន  គឺជាសួនផ្កាដ៏ធំស្អាតមួយ មានផ្ការចម្រុះពណ៌តាមរដូវកាលគួរជាទីគយគន់(រួមបញ្ចូលសំបុត្រស្ពានកញ្ចក់​ និងផ្ទះទឹកកក)​ ចំពោះសំបុត្ររថយន្ដជិះមើលទេសភាពជាការចំណាយរបស់ភ្ញៀវផ្ទាល់ខ្លួន។ ជូនទៅទស្សនា វិថីឈុនស៊ី ជាវិថីមានផ្សារទំនើបធំៗ តូបអាហារ និងហាងកាហ្វេជាច្រើនសម្បូរបែប រួចបន្តទៅទស្សនា អគារ IFS ជា​អគារ​ខ្ពស់​ និង​​​ទាក់ទាញមួយ​ក្នុង ​ទីក្រុងឆឹងទូ បន្ទាប់មកជូនទៅទទួលទានអាហារពេលល្ងាច រួចជូនទៅសម្រាកនៅសណ្ឋាគារ។

ពិសារអាហារពេលព្រឹករួច ធ្វើដំណើរតាមរយៈរថយន្ដក្រុងទៅកាន់ ទីក្រុងទូជាំងយាន ដើម្បីទៅទស្សនា សួនខ្លាឃ្មុំផេនដា  ជាកន្លែងមានទេសភាពអមជាមួយបរិយាកាសធម្មជាតិស្រស់បំព្រង និងមាន ខ្លាឃ្មុំក្រហម រួចជូនទៅទស្សនា ​បណ្ណាល័យចុងស៊ូកើ ជាកន្លែងបណ្ដុំសៀវភៅ​ និងឯកសាររាប់ពាន់សម្បូរបែប។ រួចបន្ត​ទៅទស្សនា ស្ពានទឹកភ្នែកខៀវ បន្ទាប់មកជូនទៅពិសាអាហារល្ងាចរួច ជូនទៅសម្រាកនៅសណ្ឋាគារ។

ពិសារអាហារពេលព្រឹករួច ធ្វើដំណើរតាមរយៈរថភ្លើងល្បឿនលឿនទៅកាន់ ទីក្រុងឆុងឈីង ដើម្បីទៅទស្សនាស្សនា ផ្លូវរថភ្លើងលីជឺប៉ា(Liziba Station ) ជាទីតាំងមួយដ៏អស្ចារ្យដែលមានខ្សែរថភ្លើងជាច្រើនជិះធ្លុះចូលទៅក្នុងអាគារ រួចជូនទៅទស្សនា អគារគួយស៊ីង មានកម្ពស់២២ជាន់ ។ ជូនទៅទស្សនា វិថីជ័យជំនះជាហ្វាប៉ី ជាកន្លែងរំលឹកដល់ជ័យជំនះសង្គ្រាមជាមួយជប៉ុន និងបន្តជូនទៅទស្សនា អគារហុងយ៉ាតុង ជាអគារជាថ្នាក់ៗ១១ជាន់សង់លើជម្រាលភ្នំ រួចជូនទៅពិសាអាហារពេលល្ងាច បន្ទាប់មកជូនទៅសម្រាកនៅសណ្ឋាគារ។

ពិសារអាហារពេលព្រឹករួច ជូនទៅទស្សនា ភូមិបុរាណស៊ីឈីគូ ជាកន្លែងមានលក់ទំនិញ និងម្ហូបអាហារជាច្រើនសម្បូរបែបជាលក្ខណៈបុរាណ បន្ទាប់មកធ្វើដំណើរទៅកាន់ព្រលានយន្ដហោះអន្តជាតិ ទីក្រុងឆុងឈីង ដើម្បីត្រៀមខ្លួនសម្រាប់ការហោះហើរត្រឡប់មកកាន់ប្រទេសកម្ពុជាវិញដោយភាពសុខសុវត្ថិភាព៕