ប្រទេសអូស្ត្រាលី (ទីក្រុងស៊ីដនី - ទីក្រុងម៊ែលប៊ន)

ជួបជុំគ្នានៅព្រលានយន្តហោះអន្តរជាតិតេជោ ដើម្បីហោះហើរទៅកាន់ ទីក្រុងស៊ីដនី នៃទឹកដី ប្រទេសអូស្ត្រាលី។ សម្រាក និងទទួលទានអាហារនៅលើយន្តហោះ ។

ពេលទៅដល់នឹងមានការទទួលស្វាគមន៍យ៉ាងកក់ក្តៅ ពិសាអាហារថ្ងៃត្រង់រួចជូនទៅទស្សនាទិដ្ឋភាពក្នុងទីក្រុងស៊ីដនីដូចជា សាលមហោស្រពអូប៉េរ៉ា ស្ពានហាប័រ វិហារកាតូលិកសង់ម៉ារី កៅអីរបស់អ្នកស្រីម៉ាកហ្វារី   រួចជូនទៅកំពង់ផែដាលីងហាប័រ បារាងហ្ការូ អាគារម្ចាស់ក្សត្រីវិចតូរៀ  បន្ទាប់មកជូនទៅវិថីលក់ដូរទំនិញ ភីតស្រីត ដែលមានផ្សារទំនើប និងហាងទំនិញល្បីៗជាច្រើន រួចបន្តជូនទៅពិសាអាហារពេលល្ងាចនៅលើកប៉ាល់គយគន់ទស្សនីយភាពដ៏អស្ចារ្យនៃ មហោស្រពអូប៉េរ៉ា និងស្ពានហាប័រ ដែលជារូបតំណាងឲ្យទីក្រុងស៊ីដនី បន្ទាប់មកជូនទៅសម្រាកនៅសណ្ឋារគារវិញ។

ពិសាអាហារពេលព្រឹករួចជូនទៅលេងកម្សាន្តនៅ សួនសត្វស៊ីដនី ដែលលោកអ្នកអាចរីករាយនឹងការទស្សនាសត្វជាច្រើនប្រភេទប្រចាំប្រទេសអូស្រ្តាលីដូចជា កង់ហ្គារ៉ូ កូឡា ជាដើម ពិសារអាហារថ្ងៃត្រង់រួចជូនទៅទស្សនា ភ្នំខៀវ(Blue Mountain)​ ដែលជាសម្បត្តិបេតិកភណ្ឌពិភពលោក រួមសំបុត្រជិះរថភ្លើងចុះទៅមើល អណ្តូងរ៉ែក្នុងជ្រលងភ្នំ រួចជូន ជិះកន្ត្រកខ្សែកាបយក្ស គយគន់ទេសភាពជ្រលងភ្នំដ៏ស្រស់ស្អាតត្រឡប់មកវិញជូនទៅពិសារអាហារពេលល្ងាចនិងធ្វើដំណើរត្រឡប់ទៅសម្រាកនៅសណ្ឋាគារវិញ ។

អាហារពេលព្រឹកនៅសណ្ឋាគាររួចធ្វើដំណើរឆ្ពោះទៅ ឆ្នេរបុនឌី ដែលជាឆ្នេរដ៏ល្បីល្បាញបំផុតមួយប្រចាំទីក្រុងស៊ីដនី បន្តគយគន់ទេសភាព និងថតរូបលេងកម្សាន្តនៅ ឈូងសមុទ្ររ៉ូស ឈូងសមុទ្រដបបល និងឈូងសមុទ្រវ៉ូស្តុន ពិសាអាហារថ្ងៃត្រង់ រួច​ធ្វើដំណើរឆ្ពោះទៅកាន់ព្រលានយន្តហោះ ដើម្បីរៀបចំការហោះទៅកាន់ទីក្រុងថ្មីមួយទៀតគឺ ទីក្រុងមែលប៊ន ពេលទៅដល់នឹងមានការទទួលស្វាគមន៏យ៉ាងកក់ក្ដៅ រួចជូនទៅពិសាអាហារពេលល្ងាច និងសម្រាកនៅសណ្ឋាគារ។

ពិសារអាហារពេលព្រឹករួចជូនទៅកម្សាន្តនៅ ជ្រលងភ្នំយ៉ារ៉ា និងចម្ការផ្លែឈើ រីករាយជាមួយនឹងការបេះភ្លក្សរសជាតិផ្លែឈើស្រស់ៗរបស់ប្រទេសអូស្ត្រាលី(អាស្រ័យតាមរដូវកាល) បន្ទាប់មកជូនទៅទស្សនា និងដើរកម្សាន្តនៅ ស្រី្ពងវែល ដែលសំបូរដោយអាជីរករ និងហាងផ្សេងៗដែល​ មានប្រជាជនខ្មែររស់នៅ និងប្រកបមុខរបរនៅទីនោះ រួចជូនទៅទិញទំនិញនៅផ្សារទំនើប ឆាតស្តូនម៉ល ។

អាហារពេលព្រឹករួចជូនទៅទស្សនាទិដ្ឋភាពក្នុងទីក្រុងមែលប៊នដូចជា កន្លែងទីសក្ការបូជា ទស្សនាឧទ្យានបូតានិក រួចបន្តទៅថតរូបអនុស្សវរីយ៍នៅ វិមានរដ្ឋសភា ផ្ទះប្រវត្តិសាស្រ្តកាពីទែនឃុក វិហារផាទ្រីត ស្ថានីយ៍រថភ្លើងប្រចាំប្រទេសអូស្រា្តលី ទន្លេយ៉ារ៉ា បន្ទាប់មកជូនទៅដើរកម្សាន្តលើ វិថីទីក្រុងចិន(Chinatown) និង វិថីលក់ដូរទំនិញ ប៊ឺគ(Bourke) ដែលជាតំបន់ទីប្រជុំសម្បូរទៅដោយហាងទំនិញប្រេនល្បីៗប្រចាំទីក្រុងមែលប៊ន រហូតដល់ម៉ោងជូនទៅព្រលានយន្តហោះដើម្បីត្រៀមហោះហើរត្រឡប់មកកាន់ទីក្រុងភ្នំពេញវិញប្រកបដោយសុខសុវត្តិភាព និងភាពសប្បាយរីករាយ។

អាហារ និងសម្រាកនៅលើយន្តហោះរហូតដល់ការចុះចតដោយសុវត្តិភាព ប្រកបដោយស្នាមញញឹមភាពរីករាយនិងការចងចាំមិនអាចបំភ្លេចបានជាមួយក្រុមហ៊ុនទេសចរណ៍ ស្កាយឃីង។