ប្រទេសអូស្ត្រាលី ៖ ទីក្រុងស៊ីដនី - ម៊ែលប៊ន🇦🇺

ជួបជុំគ្នានៅព្រលានយន្តហោះអន្តរជាតិតេជោតាខ្មៅ ដើម្បីហោះហើរទៅកាន់ទីក្រុងស៊ីដនី នៃទឹកដី - ប្រទេសអូស្ត្រាលី ។ សម្រាកនិងទទួលទានអាហារនៅលើយន្តហោះ ។

ពេលទៅដល់នឹងមានការទទួលស្វាគមន៍យ៉ាងកក់ក្តៅពីមគ្គុទេសក៍អូស្ត្រាលីដ៏មានប្រជាប្រិយ ពិសាអាហារថ្ងៃត្រង់រួចជូនទៅទស្សនាទិដ្ឋភាពក្នុងទីក្រុងស៊ីដនីដូចជា  សាលមហោស្រពអូប៉េរ៉ា   ស្ពានហាប័រ   វិហារកាតូលិកសង់ម៉ារី កៅអីរបស់អ្នកស្រីម៉ាកហ្វារី   រួចជូនទៅកំពង់ផែដាលីងហាប័រ   និង អាគារម្ចាស់ក្សត្រីវិចតូរៀ  បន្ទាប់មកជូនទៅវិថីលក់ដូរទំនិញ ភីតស្ត្រីត ដែលមានផ្សារទំនើបនិងហាងទំនិញល្បីៗជាច្រើន រួចបន្តជូនទៅពិសាអាហារពេលល្ងាចនៅលើកប៉ាល់គយគន់ទស្សនីយភាពដ៏អស្ចារ្យនៃមហោស្រពអូប៉េរ៉ា និងស្ពានហាប័រដែលជារូបតំណាងឲ្យទីក្រុងស៊ីដនី បន្ទាប់មកជូនសម្រាកនៅសណ្ឋារគារវិញ។

ពិសាអាហារពេលព្រឹករួចជូនទៅលេងកម្សាន្តនៅ សួនសត្វស៊ីដនី ដែលលោកអ្នកអាចរីករាយនឹងការទស្សនាសត្វជាច្រើនប្រភេទប្រចាំប្រទេសអូស្រ្តាលីដូចជា កង់ហ្គារ៉ូ  កូឡា ជាដើម អាហារថ្ងៃត្រង់រួចជូនទៅទស្សនាភ្នំខៀវ Blue Mountain​ ដែលជាសម្បត្តិបេតិកភណ្ឌពិភពលោក រួមសំបុត្រជិះរថភ្លើងចុះទៅមើលអណ្តូងរ៉ែក្នុងជ្រលងភ្នំ រួចជូនជិះកន្ត្រកខ្សែកាបយក្សគយគន់ទេសភាពជ្រលងភ្នំដ៏ស្រស់ស្អាតត្រឡប់មកវិញ  បន្ទាប់មក​ជូនទៅពិសាអាហារពេលល្ងាចនិងធ្វើដំណើរត្រឡប់ទៅសម្រាកនៅសណ្ឋាគារវិញ។

ថ្ងៃនេះពិសាអាហារពេលព្រឹកនៅសណ្ឋាគាររួចបន្តជូនទៅជិះឡានក្រុងទេសចរណ៍អត់ដំបូលដែលលោកអ្នកអាចថតរូបលេងកម្សាន្ត និងគយគន់ទស្សនីយភាពនៅក្នុងទីក្រុងស៊ីដនីដូចជា សាលមហោស្រពអូប៉េ រ៉ា ស្ពានហាប័រ វិហារកាតូលិកសង់ម៉ារី បន្ទាប់មកជូនទៅពិសារឲអាហារថ្ងៃត្រង់បន្ទាប់មកបន្តធ្វើដំណើរឆ្ពោះត្រង់ទៅកាន់ព្រលានយន្តហោះ ដើម្បីរៀបចំការហោះទៅកាន់ទីក្រុងថ្មីមួយទៀតគឺ ទីក្រុងមែលប៊ន ពេលទៅដល់ជូនពិសាអាហារពេលល្ងាចនិងជូនសម្រាកនៅសណ្ឋាគារ។

ពិសាអាហារពេលព្រឹករួចជូនទៅកម្សាន្តនៅ ជ្រលងភ្នំយ៉ារ៉ានិងចម្ការផ្លែឈើ រីករាយជាមួយនឹងការបេះភ្លក្សរសជាតិផ្លែឈើស្រស់ៗរបស់ប្រទេសអូស្រ្តាលី (អាស្រយ័តាមរដូវកាល) បន្ទាប់មកជូនទៅទស្សនានិងដើរកម្សាន្តនៅ​ ស្ព្រីងវែល​ ដែលសំបូរដោយអាជីវករនិងហាងផ្សេងៗដែល  មានប្រជាជនខ្មែររស់នៅនិងប្រកបមុខរបរនៅទីនោះ រួចបន្តជូនទៅទិញទំនិញនៅផ្សារទំនើប ឆាតស្តូនម៉ល ។

ពិសាអាហារពេលព្រឹករួចបន្តជូនទៅកម្សាន្តនៅ ឆ្នេរប្រាយថិន Brighton Beach ជាឆ្នេរដ៏ល្បីល្បាញមួយប្រចាំទីក្រុងម៊ែលប៊ន រួចបន្តជូនទៅថតរូបអនុស្សាវរីយ៍នៅ វិមានរដ្ឋសភា វិហារផាទ្រីក  ស្ថានីយ៍រថភ្លើងប្រចាំប្រទេសអូស្ត្រាលី និង  ទន្លេយ៉ារ៉ា   បន្ទាប់មកជូនពិសាអាហារពេលថ្ងៃត្រង់រួចបន្តជូនទៅដើរលេងកម្សាន្តនិងទិញទំនិញ ដោយលោកអ្នកមានពេលវេលាដើរសបភីងទិញទំនិញម៉ាកល្បីៗជាច្រើនប្រភេទដោយសេរី រហូតដល់ម៉ោងជូនទៅព្រលានយន្តហោះដើម្បីត្រៀមហោះហើរត្រឡប់មកកាន់ទីក្រុងភ្នំពេញវិញប្រកបដោយសុខសុវត្ថិភាព និងភាពសប្បាយរីករាយ។

ពិសាអាហារនិងសំរាកនៅលើយន្តហោះរហូតដល់ការចុះចតដោយសុវត្តិភាពនៅព្រលានយន្តហោះតេជោក្រុងតាខ្មៅប្រកបដោយស្នាមញញឹម ភាពរីករាយនិងការចងចាំមិនអាចបំភ្លេចបានជាមួយក្រុមហ៊ុនទេសចរណ៌ស្កាយឃីង។