ប្រទេសអូស្ត្រាលី (ទីក្រុងស៊ីដនី - ទីក្រុងម៊ែលប៊ន)

ជួបជុំគ្នានៅព្រលានយន្តហោះអន្តរជាតិតេជោតាខ្មៅ ដើម្បីហោះហើរទៅកាន់ ទីក្រុងស៊ីដនី នៃទឹកដី -ប្រទេសអូស្ត្រាលី។  សម្រាកនិងទទួលទានអាហារនៅលើយន្តហោះ ។

ពេលទៅដល់នឹងមានការទទួលស្វាគមន៍យ៉ាងកក់ក្តៅ ពិសាអាហារថ្ងៃត្រង់រួចជូនទៅទស្សនាទិដ្ឋភាពក្នុងទីក្រុងស៊ីដនីដូចជា សាលមហោស្រពអូប៉េរ៉ា ស្ពានហាប័រ វិហារកាតូលិកសង់ម៉ារី កៅអីរបស់អ្នកស្រីម៉ាកហ្វារី   រួចជូនទៅកំពង់ផែដាលីងហាប័រ បារាំងហ្ការូ អាគារម្ចាស់ក្សត្រីវិចតូរៀ  បន្ទាប់មកជូនទៅវិថីលក់ដូរទំនិញ ភីតស្រីត ដែលមានផ្សារទំនើបនឹងហាងទំនិញល្បីៗជាច្រើន រយចបន្តជូនទៅពិសាអាហារពេលល្ងាចនៅលើកប៉ាល់គយគន់ទស្សនីយភាពដ៏អស្ចារ្យនៃមហោស្រពអូប៉េរ៉ា និងស្ពានហាប័រដែលជារូបតំណាងឲ្យទីក្រុងស៊ិដនី បន្ទាប់មកជូនទៅសម្រាកនៅសណ្ឋារគារវិញ។

ពិសាអាហារពេលព្រឹករួចជូនទៅលេងកម្សាន្តនៅ សួនសត្វស៊ីដនី ដែលលោកអ្នកអាចរីករាយនឹងការទស្សនាសត្វជាច្រើនប្រភេទប្រចាំប្រទេសអូស្រ្តាលីដូចជា កង់ហ្ការ៉ូ កូឡា ជាដើម អាហារថ្ងៃត្រង់រួចជូនទៅទស្សនាភ្នំខៀវ Blue Mountain​ ដែលជាសម្បត្តិបេតិកភណ្ឌពិភពលោក រួមសំបុត្រជិះរថភ្លើងចុះទៅមើលអណ្តូងរ៉ែក្នុងជ្រលងភ្នំ រួចជូនជិះកន្ត្រកខ្សែកាបយក្សគយគន់ទេសភាពជ្រលងភ្នំដ៏ស្រស់ស្អាតត្រឡប់មកវិញជូនទៅពិសារអាហារពេលល្ងាចនិងធ្វើដំណើរត្រឡប់ទៅសម្រាកនៅសណ្ឋាគារវិញ ។

អាហារពេលព្រឹកនៅសណ្ឋាគាររួចធ្វើដំណើរឆ្ពោះទៅ ឆ្នេរបុនឌី ដែលជាឆ្នេរដ៏ល្បីល្បាញបំផុតមួយប្រចាំទីក្រុងស៊ីដនី បន្តគយគន់ទេសភាពនឹងថតរូបលេងកម្សាន្តនៅ ឈូងសមុទ្ររ៉ូស, ឈូងសមុទ្រដបបល និងឈូងសមុទ្រវ៉ូស្តុន ពិសាអាហារថ្ងៃត្រង់រូចបន្ទាប់មកធ្វើដំណើរឆ្ពោះទីកាន់ព្រលានយន្តហោះ ដើម្បីរៀបចំការហោះទៅកាន់ទីក្រុងថ្មីមួយទៀតគឺ ទិក្រុងមែលប៊ន ពេលទៅដល់នឹងមានការទទួលស្វាគមន៏យ៉ាងកក់ក្ដៅពីមគ្គុទេសក៍អុស្រា្តលីដ៏មានប្រជាប្រិយ រូចជូនទៅពិសាអាហារពេលល្ងាចនឹងសម្រាកនៅសណ្ឋាគារ។

អាហារពេលព្រឹករួចជូនទៅកម្សាន្តនៅ ជ្រលងភ្នំយ៉ារ៉ានិងចម្ការផ្លែឈើ រីករាយជាមួយនឹងការបេះភ្លក្សរសជាតិផ្លែឈើស្រស់ៗរបស់ប្រទេសអូស្ត្រាលី (អាស្រ័យតាមរដូវកាល) បន្ទាប់មកជូនទៅទស្សនានឹងដើរកម្សាន្តនៅ ស្រីងវែល ដែលសំបូរដោយអាជីរករនិងហាងផ្សេងៗដែល​ មានប្រជាជនខ្មែររស់នៅនឹងប្រកបមុខរបរនីទីនោះ រូចជូនទៅទិញទំនិញនៅផ្សារទំនើប ឆាតស្តូនម៉ល ។

អាហារពេលព្រឹករួចជូនទៅទស្សនាទិដ្ឋភាពក្នុងទីក្រុងមែលប៊នដូចជា កន្លែងទីសក្ការបូជា ទស្សនាឳទ្យានបូតានិក រួចបន្តទៅថតរូបអនុស្សវរីយ៍នៅ វិមានរដ្ឋសភា ផ្ទះប្រវត្តិសាស្រ្តកាពីទែនឃុក វិហារផាទ្រីត ស្ថានីយ៍រថភ្លើងប្រចាំប្រទេសអូស្រា្តលី ទន្លេយ៉ារ៉ា បន្ទាប់មកជូនទៅដើរកម្សាន្តលើ វិថីក្រុងចិន (Chinatown) និង វិថីលក់ដូរទំនិញ ប៊ឺគ (Bourke) ដែលជាតំបន់ទីប្រជុំសម្បូរទៅដោយហាងទំនិញប្រេនល្បីៗប្រចាំទីក្រុងមែលប៊ន រហួតដល់ម៉ោងជូនទៅព្រលានយន្តហោះដើម្បីត្រៀមហោះហើរត្រឡប់មកកាន់ទីក្រុងភ្នំពេញវិញប្រកបដោយសុខសុវត្តិភាព នឹងភាពសប្បាយរីករាយ។

អាហារនិងសម្រាកនៅលើយន្តហោះរហូតដល់ការចុះចតដោយសុវត្តិភាព ប្រកបដោយស្នាមញញឹមភាពរីករាយនិងការចងចាំមិនអាចបំភ្លេចបានជាមួយក្រុមហ៊ុនទេសចរណ៍ ស្កាយឃីង។