ប្រទេសអូស្រ្តាលី (ទីក្រុងស៊ីដនី - រាជធានីកង់បេរ៉ា ) រដូវកាលឆ្លងឆ្នាំ

ជួបជុំគ្នានៅព្រលានយន្តហោះអន្តរជាតិភ្នំពេញ ដើម្បីហោះហើរទៅកាន់ទីក្រុងស៊ីដនី នៃទឹកដី - ប្រទេសអូស្ត្រាលី។  សម្រាកនិងទទួលទានអាហារនៅលើយន្តហោះ ។

ពេលទៅដល់នឹងមានការទទួលស្វាគមន៍យ៉ាងកក់ក្តៅពីមគ្គុទេសក៍អូស្ត្រាលីដ៏មានប្រជាប្រិយ ពិសាអាហារថ្ងៃត្រង់រួចជូនទៅទស្សនាទិដ្ឋភាពក្នុងទីក្រុងស៊ីដនីដូចជា  សាលមហោស្រពអូប៉េរ៉ា   ស្ពានហាប័រ   វិថីម៉ារី កៅអីរបស់អ្នកស្រីម៉ាកហ្វារី   រួចជូនទៅកំពង់ផែដាលីងហាប័រ   បារាងហ្ការូ   អាគារម្ចាស់ក្សត្រីវិចតូរៀ  បន្ទាប់មកជូនទៅវិថីលក់ដូរទំនិញ ភីតស្ត្រីត ដែលមានផ្សារទំនើបនិងហាងទំនិញល្បីៗ ជាច្រើននិងជាទីពេញនិយមសម្រាប់ភ្ញៀវទេសចរ ពិសាអាហារពេលល្ងាចរួចជូនសម្រាកនៅសណ្ឋារគារ។

ពិសាអាហារពេលព្រឹករួចជូនទៅទស្សនាភ្នំខៀវ Blue Mountain​ ដែលជាសម្បត្តិបេតិកភណ្ឌពិភពលោក រួមសំបុត្រជិះរថភ្លើងចុះទៅមើលអណ្តូងរ៉ែក្នុងជ្រលងភ្នំ រួចជូនជិះកន្ត្រកខ្សែកាបយក្សគយគន់ទេសភាពជ្រលងភ្នំដ៏ស្រស់ស្អាតត្រឡប់មកវិញ  អាហារថ្ងៃត្រង់រួចជូនទៅលេងកម្សាន្តនៅ សួនសត្វស៊ីដនី ដែលលោកអ្នកអាចរីករាយនឹងការទស្សនាសត្វជាច្រើនប្រភេទប្រចាំប្រទេសអូស្រ្តាលីដូចជា កង់ហ្គារ៉ូ  កូឡា ជាដើម បន្ទាប់មក​ជូនទៅពិសាអាហារពេលល្ងាចនិងធ្វើដំណើរត្រឡប់ទៅសម្រាកនៅសណ្ឋាគារវិញ ។

ពិសាអាហារពេលព្រឹកនៅសណ្ឋាគាររួចធ្វើដំណើរឆ្ពោះទៅ រាជធានីកង់បេរ៉ា ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ដែលជាទីក្រុងរដ្ឋបាលនៃប្រទេសអូស្ត្រាលីបន្ទាប់មកជូនថតរូបលេងកម្សាន្តនៅមុខ វិមានរដ្ឋសភា និងគយគន់ទេសភាពនៅ​ បឹងហ្រ្គីហ្វីត រួចបន្តជូនទៅទស្សនា ឧទ្យានខមមិនវេល ពិសាអាហារថ្ងៃត្រង់រួចធ្វើដំណើរត្រលប់មកទីក្រុងស៊ីដនីវិញ ជូនពិសាអាហារពេលល្ងាចនិងសម្រាកនៅសណ្ឋាគារ។

អាហារពេលព្រឹករួចធ្វើដំណើរឆ្ពោះទៅកាន់ ឆ្នេរបុនឌី ដែលជា​ឆ្នេរ​ដ៏​ល្បីល្បាញ​បំផុត​មួយប្រចាំទីក្រុងស៊ីដនី បន្តគយគន់ទេសភាពនិងថតរូបលេងកម្សាន្តនៅ ឈូងសមុទ្ររ៉ូស, ឈូងសមុទ្រដបបល និងឈូងសមុទ្រវ៉ូស្តុន បន្ទាប់មកធ្វើដំណើរទៅវិថីលក់ដូរទំនិញ ភីតស្ត្រីត ដែលមានផ្សារទំនើបនិងហាងទំនិញល្បីៗជាទីពេញនិយម ​ លោកអ្នកមានពេលវេលាដើរទិញទំនិញដោយសេរីរហូតដល់ម៉ោងជូនទៅព្រលានយន្តហោះដើម្បីត្រៀមហោះហើរត្រឡប់មកភ្នំពេញវិញដោយសុខសុវត្ថិភាព និងភាពសប្បាយរីករាយ។

អាហារនិងសម្រាកនៅលើយន្តហោះរហូតដល់ការចុះចតដោយសុវត្តិភាពនៅទីក្រុងភ្នំពេញប្រកបដោយស្នាមញញឹម ភាពរីករាយនិងការចងចាំមិនអាចបំភ្លេចបានជាមួយក្រុមហ៊ុនទេសចរណ៌ស្កាយឃីង ។