ប្រទេសអូស្ត្រាលី (ទីក្រុងស៊ីដនី)

ជួបជុំគ្នានៅព្រលានយន្តហោះអន្តរជាតិតេជោ ដើម្បីហោះហើរទៅកាន់ ទីក្រុងស៊ីដនី នៃទឹកដីប្រទេសអូស្ត្រាលី។ សម្រាក និងទទួលទានអាហារនៅលើយន្តហោះ ។

ធ្វើដំណើរទៅដល់ ព្រលានយន្តហោះអន្តរជាតិទីក្រុងសុីដនី ជូនពិសាអាហារថ្ងៃត្រង់ ចាប់ផ្តើមធ្វើដំណើរឆ្ពោះទៅកាន់ទីក្រុងសុីដនី បន្តគយគន់ទេសភាពនិងថតរូបលេងកម្សាន្តនៅ ឆ្នេរបុនឌី ឈូងសមុទ្រវ៉ូស្តុន ឈូងសមុទ្រដបបល​ ឈូងសមុទ្ររ៉ូស ហេម៉ាឃីត ផ្សារផាឌីស៍ និងវិថីទីក្រុងចិន ដែលមានផ្សារទំនើបនិងហាងទំនិញល្បីៗជាទីពេញនិយម។ រួចជូនទៅពិសាអាហារពេលល្ងាច និងសម្រាកនៅសណ្ឋាគារ។

អាហារពេលព្រឹកនៅសណ្ឋាគាររួចធ្វើដំណើរឆ្ពោះទៅ ទស្សនាឧទ្យានបូតានិក បន្តទៅ សាលមហោស្រពអូប៉េរ៉ា ជាទីតាំងដ៏ល្បីមួយដែលដំបូលនៃមហោស្រពនេះមានរូបរាងដូចទៅនឹងទូកក្ដោង បន្តទៅស្ពានហាប័រ នៅតំបន់ The Rocks​ ថតរូបលេងកម្សាន្តនៅ កៅអីរបស់អ្នកស្រីម៉ាកហ្វារី។ ពិសាអាហារថ្ងៃត្រង់រួចជូនទៅទស្សនា កំពង់ផែដាលីងហាប័រ និង អាគារម្ចាស់ក្សត្រីវិចតូរៀ បន្ទាប់មកជូនទៅវិថីលក់ដូរទំនិញ ភីតស្រីត។ ជូនទៅពិសាអាហារពេលល្ងាចនិងធ្វើដំណើរត្រឡប់ទៅសម្រាកនៅសណ្ឋាគារវិញ។

ពិសាអាហារពេលព្រឹក រួចធ្វើដំណើរទៅកាន់ សួនសត្វស៊ីដនី​ ដែលលោកអ្នកអាចរីករាយនឹងការទស្សនាសត្វជាច្រើនប្រភេទប្រចាំប្រទេសអូស្រ្តាលីដូចជា កង់ហ្គារ៉ូ កូឡា ជាដើម។ ពិសាអាហារថ្ងៃត្រង់រួចជូនទៅទស្សនា ភ្នំខៀវ - BLUE MOUNTAIN ដែលជាសម្បត្តិបេតិកភណ្ឌពិភពលោកគយគន់ទេសភាពជ្រលងភ្នំដ៏ស្រស់ស្អាត ជូនទៅពិសាអាហារពេលល្ងាចនិងធ្វើដំណើរត្រឡប់ទៅសម្រាកនៅសណ្ឋាគារ។

ពិសាអាហារពេលព្រឹកនៅសណ្ឋាគាររួចធ្វើដំណើរឆ្ពោះទៅ កាប្រាម៉ាតា​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ - CABRAMATTA ជាភូមិអាស៊ីធំបំផុតនៅក្នុងទីក្រុងស៊ីដនី​ ដែលសម្បួរទៅដោយអាជីវករនិងហាងផ្សេងៗដែលមានប្រជាជនខ្មែរជាច្រើនប្រកបមុខរបរនៅទីនោះដោយលោកអ្នកអាចរីករាយទស្សនានិងដើរកម្សាន្តដោយសេរី (អាហារថ្ងៃត្រង់ដោយចំណាយផ្ទាល់ខ្លួន) លោកអ្នកមានពេលវេលាដើរទិញទំនិញដោយសេរីរហូតដល់ម៉ោងជូនទៅពិសាអាហារពេលល្ងាចរួចបន្តជូនទៅព្រលានយន្តហោះទីក្រុងស៊ីដនីដើម្បីត្រៀមហោះហើរត្រឡប់មកកាន់ប្រទេសកម្ពុជាវិញ។

អាហារ និងសម្រាកនៅលើយន្តហោះរហូតដល់ការចុះចតដោយសុវត្តិភាព ប្រកបដោយស្នាមញញឹមភាពរីករាយនិងការចងចាំមិនអាចបំភ្លេចបានជាមួយក្រុមហ៊ុនទេសចរណ៍ ស្កាយឃីង។