ប្រទេសអូស្ត្រាលី | ទីក្រុងស៊ីដនី -ភ្នំខៀវ-កាប្រាម៉ាន់តា ( ឧសភា 2026 )

ជួបជុំគ្នានៅព្រលានយន្តហោះអន្តរជាតិតេជោតាខ្មៅ ដើម្បីហោះហើរទៅកាន់ ទីក្រុងស៊ីដនី នៃទឹកដី -ប្រទេសអូស្ត្រាលី។  សម្រាកនិងទទួលទានអាហារនៅលើយន្តហោះ ។

ពេលទៅដល់នឹងមានការទទួលស្វាគមន៍យ៉ាងកក់ក្តៅ បន្ទាប់មកជូនទៅពិសាអាហារថ្ងៃត្រង់រួចបន្តជូន   ទស្សនាទិដ្ឋភាពនិងទីតាំងល្បីៗប្រចាំទីក្រុងស៊ីដនីដែលតំណាងអោយប្រទេសអូស្រ្តាលីដូចជា សាលមហោស្រពអូប៉េរ៉ាជាទីតាំងដ៏ល្បីមួយដែលដំបូលនៃមហោស្រពនេះមានរូបរាងដូចទៅនឹងទូកក្ដោង​ រួចបន្តទៅ ស្ពានហាប័រ និង វិថីម៉ារី ថតរូបអនុស្សាវរីយ៍ជាមួយកៅអីរបស់អ្នកស្រីម៉ាកហ្វារី   កំពង់ផែដាលីងហាប័រ និង អាគារម្ចាស់ក្សត្រីវិចតូរៀ  ពិសាអាហារពេលល្ងាចនិងជូនសម្រាកនៅសណ្ឋារគារ។

ពិសាអាហារពេលព្រឹករួចជូនទៅទស្សនាភ្នំខៀវ Blue Mountain​ ដែលជាសម្បត្តិបេតិកភណ្ឌពិភពលោក រួមសំបុត្រជិះរថភ្លើងចុះទៅមើលអណ្តូងរ៉ែក្នុងជ្រលងភ្នំ រួចជូនជិះកន្ត្រកខ្សែកាបយក្សគយគន់ទេសភាពជ្រលងភ្នំដ៏ស្រស់ស្អាតត្រឡប់មកវិញ  អាហារថ្ងៃត្រង់រួចជូនទៅលេងកម្សាន្តនៅ សួនសត្វស៊ីដនី ដែលលោកអ្នកអាចរីករាយនឹងការទស្សនាសត្វជាច្រើនប្រភេទប្រចាំប្រទេសអូស្រ្តាលីដូចជា កង់ហ្គារ៉ូ  កូឡា ជាដើម បន្ទាប់មក​ជូនទៅពិសាអាហារពេលល្ងាចនិងធ្វើដំណើរត្រឡប់ទៅសម្រាកនៅសណ្ឋាគារវិញ ។

អាហារពេលព្រឹកនៅសណ្ឋាគាររួចធ្វើដំណើរឆ្ពោះទៅ កាប្រាម៉ាតា​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ - CABRAMATTA ជាភូមិអាស៊ីធំបំផុតនៅក្នុងទីក្រុងស៊ីដនី​ ដែលសម្បួរទៅដោយអាជីវករនិងហាងផ្សេងៗដែលមានប្រជាជនខ្មែរជាច្រើនប្រកបមុខរបរនៅទីនោះដោយលោកអ្នកអាចរីករាយទស្សនានិងដើរកម្សាន្តដោយសេរី (អាហារថ្ងៃត្រង់ដោយចំណាយផ្ទាល់ខ្លួន)  រហូតដល់ម៉ោងជូនទៅពិសាអាហារពេលល្ងាចនិងជូនសម្រាកនៅសណ្ឋាគារវិញ។

អាហារពេលព្រឹករួចធ្វើដំណើរឆ្ពោះទៅកាន់ ឆ្នេរបុនឌី ដែលជា​ឆ្នេរ​ដ៏​ល្បីល្បាញ​បំផុត​មួយប្រចាំទីក្រុងស៊ីដនី បន្តគយគន់ទេសភាពនិងថតរូបលេងកម្សាន្តនៅ ឈូងសមុទ្ររ៉ូស, ឈូងសមុទ្រដបបល និងឈូងសមុទ្រវ៉ូស្តុន បន្ទាប់មកធ្វើដំណើរទៅវិថីលក់ដូរទំនិញ ភីតស្ត្រីត ដែលមានផ្សារទំនើបនិងហាងទំនិញល្បីៗជាទីពេញនិយម ​ លោកអ្នកមានពេលវេលាដើរទិញទំនិញដោយសេរីរហូតដល់ម៉ោងជូនទៅព្រលានយន្តហោះដើម្បីត្រៀមហោះហើរត្រឡប់មកភ្នំពេញវិញដោយសុខសុវត្ថិភាព និងភាពសប្បាយរីករាយ។

អាហារនិងសម្រាកនៅលើយន្តហោះរហូតដល់ការចុះចតដោយសុវត្តិភាពនៅ ក្រុងតាខ្មៅ ប្រកបដោយស្នាមញញឹម ភាពរីករាយនិងការចងចាំមិនអាចបំភ្លេចបានជាមួយក្រុមហ៊ុនទេសចរណ៌ស្កាយឃីង ។