ដំណើរទេសចរណ៍ទៅកាន់ប្រទេសកូរ៉េ និងប្រទេសជប៉ុនដែលរួមបញ្ចូលគ្នារវាងធម្មជាតិ វប្បធម៌ និងការកម្សាន្តដ៏សប្បាយរីករាយ។រួមមាន ទីក្រុងសេអ៊ូល(Seoul ) គឺជារាជធានីរបស់ប្រទេសកូរ៉េខាងត្បូង ដែលស្ថិតនៅតាមដងទន្លេ Han River ភាគពាយ័ព្យនៃប្រទេស ប្រមូលផ្តំុទៅដោយវប្បធម៌ មជ្ឈមណ្ឌលនយោបាយ សេដ្ឋកិច្ចដ៏សំខាន់របស់កូរ៉េខាងត្បូង។ទីក្រុងតូក្យូ(Tokyo) ជារាជធានីរបស់ប្រទេសជប៉ុន និងជាមជ្ឈមណ្ឌលសេដ្ឋកិច្ច វប្បធម៌ និងជាទីក្រុងទេសចណ៍ដ៏សំខាន់របស់ពិភពលោក ដែលពោរពេញទៅដោយអគារទំនើប និងតំបន់កម្សាន្តល្បីៗជាច្រើន។ ភ្នំហ្វូជី(Mount Fuji) គឺជាភ្នំភ្លើងខ្ពស់បំផុត មានកម្ពស់ 3,776 ម៉ែត្រ និងជានិមិត្តរូបដ៏ល្បីរបស់ប្រទេសជប៉ុន ដែលមានទេសភាពធម្មជាតិដ៏ស្រស់ស្អាត ដែលអាចទាក់ទាញភ្ញៀវទេសចរពីជុំវិញពិភពលោក។
ទីក្រុងភ្នំពេញ - ទីក្រុងសេអ៊ូល (ប្រទេសកូរ៉េខាងត្បូង)
ជួបជុំគ្នានៅព្រលានយន្តហោះអន្តរជាតិភ្នំពេញដើម្បីហោះហើរត្រង់ទៅកាន់ទីក្រុងសេអ៊ូលដែលជាទីក្រុងធំជាងគេរបស់ប្រទេសកូរ៉េ។
អាហាររួមបញ្ចូល
ទីក្រុងសេអ៊ូល - ព្រះរាជវាំងយ៉ុងបុក - ភូមិបុរាណណាមសាន
ពេលទៅដល់ព្រលានយន្តហោះអន្តរជាតិអុិនឈុន នឹងមានការរង់ចាំទទួលស្វាគមន៍រួសរាយរ៉ាក់ទាក់ពីមគ្គុទេសចរជនជាតិកូរ៉េដ៏មានប្រជាប្រិយភាពនិងរួសរាយរាក់ទាក់។បន្តធ្វើដំណើរកាត់តាមវិមានប្រធានាធិបតី ឆ្ពោះទៅកាន់ព្រះរាជវាំងយ៉ុងបុក ដ៏ល្បីល្បាញរបស់ប្រទេសកូរ៉េនៅសម័យជូសិនសារមន្ទីរសិល្បៈ ភូមិបុរាណណាមសាន បន្តជូនទៅកន្លែងលក់ផលិតផលក្នុងស្រុក និងផលិតផលគ្រឿងសំអាងក្នុងស្រុករបស់ប្រទេសកូរ៉េ។ពិសាអាហារពេលថ្ងៃត្រង់ រួចជូនទៅទស្សនាសាលតាំងយិនស៊ិនបុរាណដែលជួយថែសុខភាពឱ្យល្អអាយុវែង និង សម្រស់ស្អាតជាងវ័យ ពិសាអាហារពេលល្ងាចដ៏ឆ្ងាញ់ពិសាជាមួយសាច់អាំងបែបកូរ៉េ ជូនដើរកម្សាន្តផ្លូវផ្សាររាត្រីម្យ៉ុងដុងល្បីល្បាញបំផុតប្រចាំប្រទេសកូរ៉េ ជូនសម្រាកនៅសណ្ឋាគារវិញ។
អាហាររួមបញ្ចូល
ទីក្រុងសេអ៊ូល - សួនកម្សាន្តអេវើលែន - ប៉មអិនសេអ៊ូល
ពិសាអាហារពេលព្រឹកនៅសណ្ឋាគារួច ជូនទៅប៉មអិនសេអ៊ូល និងកន្លែងចាក់សោគូរស្នេហ៍ នៅលើភ្នំណាមសានអាចគយគន់ទេសភាពទីក្រុងសេអ៊ូលផងដែរ ជូនទៅថតរូបលេងកម្សាន្តនៅ បណ្ណាល័យយក្សដ៏អស្ចារ្យមួយនៅកណ្តាលផ្សារទំនើប និងរូបសំណាក់ហ្កាងណាំស្តាយ ពិសាអាហារ ពិសាអាហារពេលថ្ងៃត្រង់ រួចជូនទៅលេងសួនកម្សាន្តអេវើលែន ដែលជាសួនកម្សាន្តវេទមន្តដ៏ធំក្នុងក្រុងសេអ៊ូលប្រទេសកូរ៉េ មានល្បែងកម្សាន្តជាច្រើនប្រភេទសម្រាប់មនុស្សគ្រប់វ័យ សារមន្ទីរសិល្បៈ កន្រ្តកវិល សេះវិល ស្គីទឹកកក និងកន្លែងថតរូបស្អាតៗ ទេសភាពប្លែកៗ។ ពិសារអាហារពេលល្ងាចជូនទៅសម្រាកនៅសណ្ឋាគារវិញ។
អាហាររួមបញ្ចូល
ទីក្រុងសេអ៊ូ - ប្រទេសជប៉ុន (ទីក្រុងតូក្យូ)
ពិសាអាហារពេលព្រឹក រៀបចំត្រៀមខ្លួនព្រលានយន្តហោះធ្វើដំណើរ ដើម្បីរង់ចាំការហោះហើរទៅកាន់ទីក្រុងតូក្យូប្រទេសជប៉ុន(អាហារសម្រាកលើយន្តហោះ)មកដល់ប្រទេសជប៉ុន ទទួលស្វាគមន៏ដ៏កក់ក្តៅ និងរួសរាយរាក់ទាក់ពីមគ្គុទេសក៏ទេសចរ(ហ្គាយ) បន្តដំណើរឆ្ពោះទៅកាន់ភ្នំហ្វូជីដ៏ល្បីល្បាញលើលោក ជូនទស្សនាថតរូបកម្សាន្ត ភូមិទឹករ៉ែធម្មជាតិអូស៊ីណូហាក់កៃ មានទឹករ៉ែចម្រោះហូរពីកំពូលភ្នំហ្វូជិដ៏ល្បីល្បាញដែលមានជំនឿថាជួយអោយអាយុវែង ពិសាអាហារពេលល្ងាច (ក្តាមជើងវែង) ជូនសម្រាក។
អាហាររួមបញ្ចូល
តំបន់ភ្នំហ្វូជី - ចម្ការផ្លែឈើ - ទីក្រុងតូក្យូ
ពិសារអាហារពេលព្រឹកនៅសណ្ឋាគារ បន្តដំណើរកម្សាន្តទៅកាន់ បឹងកាវ៉ាគូឈី ដែលមានទេសភាពអមជាមួយនឹងភ្នំហ្វូជីដ៏ស្រស់ស្អាត។ ពិសារអាហារពេលថ្ងៃត្រង់ រួចជួនទៅលេងចម្ការផ្លែឈើតាមរដូវការដែលអាចបេះភ្លក្សផ្លែឈើស្រស់ៗស្រួយឆ្ងាញ់ពីក្នុងចម្ការតែម្តង ធ្វើដំណើរត្រលប់មកកាន់ទីក្រុងតូក្យូ ពិសារអាហារពេលល្ងាចរួចជួនទៅសម្រាក។
អាហាររួមបញ្ចូល
ទីក្រុងតូក្យូ - ទីក្រុងភ្នំពេញ
ពិសារអាហារពេលព្រឹកនៅសណ្ឋាគារ ជូនទៅថតរូបលេងកម្សាន្តនៅប្រាសាទបុរាណអាសាគូសា វិថីណាកាមិសិ តូក្យូស្គាយទ្រី រួចត្រៀមខ្លួនទៅព្រលានយន្តហោះធ្វើដំណើរត្រឡប់មកភ្នំពេញវិញប្រកបដោយសុវសុវត្ថិភាព ជាមួយក្រុមហ៊ុនទេសចរណ៍ស្កាយឃីង។
អាហាររួមបញ្ចូល
