សហរដ្ឋអាមេរិច​ ( រដ្ឋកាលីហ្វ័រញ៉ា ) រដូវបុណ្យភ្ជុំបិណ្ឌ

១. ទីតាំង និងពេលវេលាជួបជុំគ្នា 

ជួបជុំគ្នានៅព្រលានយន្តហោះអន្តរជាតិភ្នំពេញ នៅវេលាម៉ោង ០៩:០០នាទីយប់ ថ្ងៃពុធ ទី១០ ខែមេសា ឆ្នាំ២០២៤ ដើម្បីត្រៀមខ្លួនហោះហើរទៅកាន់ទីក្រុងសេអ៊ូល ដើម្បីរង់ចាំការហោះហើរបន្តទៅកាន់ទីក្រុងញូវយ៉ក សហរដ្ឋអាមេរិក​។

២. ព័ត៌មានជើងហោះហើរ និងការត្រៀមខ្លួន 

២.១. ជើងហោះហើរ (ការហោះហើរអាចមានការប្រែប្រួលអាស្រ័យលើអាកាសធាតុ និងការកំណត់របស់ក្រុមហ៊ុនអាកាសចរណ៍)

២.២. ព័ត៌មានសម្រាប់ការត្រៀមខ្លួនក្នុងការហោះហើរ

• វ៉ាលី Check-in អាចដាក់បានម្នាក់ ០២ វ៉ាលី ក្នុងមួយវ៉ាលីអាចដាក់បានក្រោម ២៣ គីឡូក្រាម។

• កាបូបយួរដៃឡើងលើយន្តហោះអាចដាក់បានម្នាក់ 0៧ គីឡូក្រាម។

• ចំពោះអីវ៉ាន់ដែលមានជាតិទឹកដូចជា ទឹកអប់ សាប៊ូទឹក ថ្នាំដុសធ្មេញ ឡេលាបស្បែក និងរបស់មុតស្រួចត្រូវដាក់ក្នុងវ៉ាលីអីវ៉ាន់ Check-in។

• រាល់សម្ភារគ្រឿងអេឡិចត្រូនិច ដែលមានផ្ទុកនូវថាមពលថ្មទាំងអស់ដូចជា Power Bank, ទូរសព្ទ, iPad, iPod, iPhone, MP3, MP4,    កុំព្យូទ័រយួរដៃ ។ល។ ត្រូវដាក់ចូលក្នុងកាបូបស្ពាយយួរឡើងលើយន្តហោះ ហាមដាក់ក្នុងវ៉ាលីអីវ៉ាន់ Check-in។

• ចំពោះ Power Bank ដែលមានកម្លាំងផ្ទុកថាមពលលើសពី 20,000mAh ត្រូវបានដកហូត។

• ការធ្វើដំណើរតាមយន្តហោះ នឹងមានបម្រើអាហារជូនភ្ញៀវញ៉ាំ។

ចំណាំ៖ 

• ម៉ោងនៅទីក្រុងសេអ៊ូល នៃប្រទេសកូរ៉េដើរមុនម៉ោងនៅប្រទេសកម្ពុជារយៈពេល​ ០២ម៉ោង។

• ម៉ោងនៅទីក្រុងញូវយ៉ក ដើរយឺតជាងម៉ោងនៅប្រទេសកម្ពុជារយៈពេល ១១ម៉ោង។

• ម៉ោងនៅទីក្រុងឡូសអេនជឺឡេសដើរក្រោយម៉ោងនៅប្រទេសកម្ពុជារយៈពេល ១៤ម៉ោង ។

៤. អាកាសធាតុ

• ទីក្រុងញូវយ៉ក និងទីក្រុងវ៉ាស៊ីនតោន.ឌីស៊ី៖ ចន្លោះពី 10 ដល់ 19 អង្សាសេ

• ទីក្រុងឡាសវេហ្គាស  ទីក្រុងសាន់ឌៀរហ្គោ​ និងទីក្រុងឡូសអេនជឺឡេស៖ ចន្លោះពី 13 ដល់ 24 អង្សាសេ

៥. សម្ភារដែលគួរត្រៀមយកទៅជាមួយ

• កូនកាបូបតូចសម្រាប់ដាក់លុយ និងលិខិតឆ្លងដែន ដែលអាចដាក់ស៊កចូលក្នុងអាវ ឬសៀតចង្កេះបាន។

• កាតចាក់វ៉ាក់សាំង (ចាប់ពី ០៣ដូសឡើងទៅ)

• ថ្នាំសង្កូវ៖ ថ្នាំពុលឡាន ក្ដៅខ្លួន ឈឺក្បាល វិលមុខ ថ្នាំរាក ថ្នាំសម្រាប់ជំងឺប្រចាំកាយ។ល។ 

• ឌុយសាកថ្មទូរសព្ទ (មើលតាមរូបគំរូ), MP3, Power Bank, កាមេរ៉ា កាសស្ដាប់ចម្រៀង សៀវភៅ/ទស្សនាវដ្ដីសម្រាប់អានកែអផ្សុក។

• សម្ភារប្រើប្រាស់ផ្ទាល់ខ្លួន៖ ច្រាស់ និងថ្នាំដុសធ្មេញ ក្រាស់សិតសក់ សាប៊ូដុសខ្លួន សាប៊ូកក់សក់ ឡេលាបស្បែក ក្រែមលាបមាត់កុំឱ្យប្រេះ ប្រដាប់បិតត្រចៀកការពាររងារ​។ល។

• ស្បែកជើងប៉ាតាសម្រាប់ពាក់ធ្វើដំណើរ អាវរងារ មួករងារ ស្រោមដៃ ស្រោមជើង កន្សែងបង់កកុំឱ្យរងារ វ៉ែនតាការពារកម្ដៅថ្ងៃ ។ល។

៦. បំរាមសម្ភារៈ និងឧបករណ៏ ដែលមិនអនុញ្ញាតយកទៅក្នុងការដំណើរកម្សាន្តនេះ

• សាច់ឆៅទាំងអស់មិនត្រូវបានអនុញ្ញាតឲយកទៅចូលរួមក្នុងសកម្មភាណដំណើរកម្សាន្តទេ​ (ប្រហុក ប្រអក សាច់…)

• ផ្លែឈើ និង បន្លែ ទាំងអស់មិនត្រូវបានអនុញ្ញាតិអោយនាំចូលប្រទេសទិសដៅជាដាច់ខាត ។

• អាហារឆ្អិន រឺ ក្រៀម សម្ភារះតាមខ្លួនផ្សេងៗ យកល្មមញ៉ាំ និងប្រើប្រាស់ខ្លួនឯងបានហើយ (មិនអនុញ្ញាតិគោលបំណងធ្វើអាជីវកម្មឡើយ)

៧. រូបិយបណ្ណ និងអត្រាប្ដូរប្រាក់

• លោកអ្នកអាចប្រើប្រាស់កាតធនាគារដូចជា Visa Card, Master Card និង Credit Card នៅតាមហាងទំនិញដែលមានម៉ាស៊ីនឆូតកាត។

• លោកអ្នកគួរត្រៀមប្រាក់បម្រុងក្នុងម្នាក់ចាប់ពី ​២,០០០ (ពីរពាន់ដុល្លារ) ឡើងទៅឬច្រើនជាងនេះដើម្បីដាក់សាគួរតាមខ្លួន ពីព្រោះនៅសហរដ្ឋអាមេរិក គឺមានតម្រូវការចាយវាយខ្ពស់ និងមានទំនិញម៉ាកល្បីៗជាច្រើន ដែលលោកអ្នកអាចរកទិញបានតាមតម្រូវការដោយសេរី។

៨. ការទទួលទានអាហារ

ក្រុមហ៊ុនបានរៀបចំអាហារជាលក្ខណៈបែបចិន ថៃ វៀតណាម និងអាមេរិក។ ដោយសារតែប្រទេសនីមួយៗមានទំនៀមទម្លាប់ និងការនិយមរសជាតិ​នៃការញ៉ាំខុសៗគ្នា ស្របពេលដែលមានការផ្លាស់ប្ដូរពេលវេលា និងអាកាសធាតុខុសប្លែកគ្នាពីប្រទេសកម្ពុជារបស់យើង ដូច្នេះលោកអ្នកក៏អាចត្រៀមអាហារបម្រុងផ្ទាល់ខ្លួនទុកសម្រាប់ញ៉ាំបានដូចជា មីកំប៉ុង ឆៃប៉ូវ បង្គាក្រៀម សាច់ផាត់ ត្រី/គោងៀត​ ។ល។

៩. គំរូឌុយសាកថ្មទូសព្ទ៖ ដុយជើងពីរ (ដូចគំរូរូបភាពខាងក្រោម) 

បញ្ជាក់៖ អតិថិជនទាំងអស់ត្រូវទទួលខុសត្រូវដោយខ្លួនឯងនូវរាល់សម្ភារមានតម្លៃផ្ទាល់ខ្លួននានាដូចជា កាបូបលុយ ទូរសព្ទដៃ កុំព្យូទ័រ  លិខិតឆ្លងដែន គ្រឿងអលង្ការមានតម្លៃផ្សេងៗ, Boarding Pass, ទម្រង់បែបបទឆ្លងដែនអន្តោប្រវេសន៍ ។ល។ ក្រុមហ៊ុនមិនទទួលខុសត្រូវ ចំពោះការធ្វេសប្រហែស ដែលនាំឱ្យមានការបាត់បង់ ឬខូចខាតសម្ភារមានតម្លៃណាមួយរបស់លោកអ្នកក្នុងកំឡុងពេលធ្វើដំណើរឡើយ។

• ក្រុមហ៊ុនទេសចរណ៌ ស្កាយឃីង សូមអរគុណយ៉ាងជ្រាលជ្រៅចំពោះការគាំទ្រនិងចូលរួមសហការ ពត៌មានដូចបានជំរាបជូនខាងលើ  និង

យើងខ្ញុំសូមជូនពរដល់អស់ភ្ញៀវកិត្តិយសទាំងអស់ ឱ្យធ្វើដំណើរដោយសុវត្ថិភាព និងអនុស្សាវរីយ៍ដ៏រីករាយនៅក្នុងដំណើរកម្សាន្ត​​នេះ។

សូមអរគុណ!!!